Apocalipsis 7

1 Despuees ni de nu ndeê, orzeê bzaaca̱ tap anc zu tub gay zaê tap la scyiñ ni gyishlombecy. Orzeê de yu zeê bicy dey nu cuez zaê tap la bi ni gyishlombecy, gun orzeê cueê nu gruuñ lo nisyudoo, ni lo yu. Ni lo ni tub la yag waruuñ. 2 Orzeê bzaaca̱ tub anc yad yu par zeê nu driib doo. Yu zeê nuuy tub gyiib nu nac sey ni Ãgyoozh mbañ. Orzeê anc zeê ye la brish ti nuy de tap anc zeê, como bi guud rishbeey ni dey nu ted ziy lo yu gal nu lo nisyudoo. 3 Orzeê nay rab yu dey: â¡Cueê ted zir lo yu, ni lo nisyudoo, ni lat de yag, gashtal gzuub la̱ de̱ sey cyuga de mbecy nu ricy coz nu rlagy Ãgyoozh! ânay. 4 Orzeê güeña̱ nu rnii tub mbecy nu la be la tant mbecy de yu nu gzub sey cyuga zeê. Orzeê ndeê tub gaynal zub cyuu zub tap miily dey. De yu zeê bruuy lat dela nez mbecy Israeel. 5 Orzeê trocyup miily de mbecy Israeel nu bruu lat nez Judá, de yu zeê bzub sey cyuga dey. Zeê trocyupaê miily de yu nu bruu lat nez Rubén. Zeê trocyupaê miily de yu nu bruu lat nez Gad. 6 Zeê trocyupaê miily de yu nu bruu lat nez Aser. Zeê trocyupaê miily de yu nu bruu lat nez Neftalí. Zeê trocyupaê miily de yu nu bruu lat nez Manasés. 7 Zeê trocyupaê miily de yu nu bruu lat nez Simeón. Zeê trocyupaê miily de yu nu bruu lat nez Leví. Zeê trocyupaê miily de yu nu bruu lat nez Isacar. 8 Zeê trocyupaê miily de yu nu bruu lat nez Zabulón. Zeê trocyupaê miily de yu nu bruu lat nez See. Zeê trocyupaê miily de yu nu bruu lat nez Benjamiing. 9 Despuees ni de nu ndeê, orzeê bgüi̱i̱, nunu bzaaca̱ nu yuê tub nac mbecy zigy tonaê la. Par nu tantaê zigy dey, ni wagacaê dulab dey. Orzeê de yu zeê bruuy lat de lo la nac mbecy. Bruu dey lat de lo la nez mbecy. Bruu dey lat de mbecy nu rnii de lo la riidz. Nunu mas gashtal lat dela mbecy bruu dey. Orzeê bzu dey par lo yashily zeê, nunu par lo biñ nu nac Shily zeê. Zu dey negy cacy duñ, nunu zu yaa dey yaa yagyiñ. 10 Orzeê ye la rbish ti dey. Orzeê na dey: ¡Ãgyoozh, biñ nu zub lo yashily zeê, nac mi biñ nu rboo mbañ de mbecy! ¡Niê ziêl biñ nu nac Shily nac mi biñ nu rboo mbañ de mbecy! 11 Orzeê dela de anc yuêy dub yub la zeê nu zu yashily zeê, gal nu zeê nu yuê de yu bel zeê, gal nu zeê nu yuê tap de mbecy mbañ zeê. Orzeê wes saa tiily dey gal lo yu la par zeê nu zu yashily zeê. Orzeê briib zily dey Ãgyoozh. 12 Orzeê na dey: ¡Laab ni gac ñii! Yad ñi ni Ãgyoozh ni den nu gyed gyel mbecy nim. Yad ñi nim nu dugyim gyel lily. Yad ñi nim nu gad lagy mi dela coz. Yad ñi nim nu gyash mi de gras nu gric den nim. Yad ñi nim nu ca lagy den lom. Yad ñi nim nu gac gyicy mi dela coz. Yad ñi nim nu nac mi biñ fert. Dela nu ndeê yad ñi ni Ãgyoozh ni den dub laa tiem par lo. ¡Laab ni gac ñii!, na dey. 13 Orzeê tub de yu bel zeê bdugyiêy lo̱. Orzeê nay: â¿Cyu mbecy, de yu nu zu negy cacy duñ? ¿Nunu ca bruu dey? ânay. 14 Orzeê ya̱ mne̱e̱ loy: âRu rad lagy ru ca bruu dey âmne̱e̱. Orzeê nay rab yu ya̱: âDe yu re yu nu bruu lugaar zeê nu tonaê la deet guc. De yu re yu nu gu shab, nunu bicy caacy dey ñi lo reñ biñ nu nac Shily. 15 Ndeê nu yuê dey zeê nu zu yashily nu riib ic Ãgyoozh. Dzi rel la ricy dey coz nu rlagy mi nañ yuê nim. Orzeê biñ nu zub lo yashily zeê rsoow mi too dey par nu cueê nu shiñ gzac yu, gun yuê dey zeê nu zum. 16 Zeê wazac zi gaê dey nu gyan yu. Ni nis wabigyaê dey. Ni ba wachuu gaêñ cuerp ni dey. Ni nu zig wayicy seedaêñ dey. 17 Gun biñ nu nac Shily nu zu gazel zeê nu zu yashily zeê, mi zeê gñam dey gal nu rña mbecy Shily niy. Orzeê cha num dey zeê nu driib nis, nis nu rbic gyel mbañ. Orzeê Ãgyoozh cuiigy mi dela nis nu druu urlo dey ânay.