Apocalipsis 6

1 Gazeê nu bzaaca̱ biñ nu nac Shily zeê psug mi tub sey lo gagy ñii. Orzeê lo tap mbecy mbañ zeê güeña̱ nu rnii tub yu gal nu rnii guzii. Orzeê nay: â¡Da! ânay. 2 Orzeê bgüi̱i̱. Orzeê bzaaca̱ tub cuay cacy zu ma. Zeê yu nu riib cuay zeê zu yaay tub guaz. Nunu guud tub coron nu ri tooy. Orzeê gush nez yu zay nu gyicy yu gyel yuu, nunu gyicy yu gan. 3 Na ornu biñ nu nac Shily zeê psug mi sey cyup, orzeê güeña̱ nu rnii mbecy cyup nu bruu lo tap mbecy mbañ zeê. Orzeê nay: â¡Da! ânay. 4 Orzeê bruu zac tuubaê cuay coloor ña. Zeê yu nu riib ma zeê, yu zeê guud rishbeey niy nu coy gyel ri zu gyishlombecy, nunu gyicy yu nu cut mbecy losaêy. Orzeê guud tub mandzicy ily niy. 5 Na ornu biñ nu nac Shily zeê psug mi sey chon, orzeê güeña̱ nu rnii mbecy chon nu bruu lo de tap mbecy mbañ zeê. Orzeê nay: â¡Da! ânay. Orzeê bgüi̱i̱, nunu bzaaca̱ tub cuay cas zu ma. Zeê yu nu riib ma zu yaay tub igat beey. 6 Orzeê güeña̱ nu zaab tiê rnii lat de tap mbecy mbañ zeê. Orzeê riidz zeê rniiñ: âNomaas tub cyil zi trig, ndeê i mbecy tub dzi. Zeê chon cyil mbigy sebada, ndeê laabaê i dey par tub dzi. Tees cueê gan ru asecy. Niê ziêl ñup urbyay cueê gan ru ñii ârniiñ. 7 Na ornu biñ nu nac Shily zeê psug mi sey tap zeê, orzeê güeña̱ nu rnii mbecy tap nu mbañ zeê. Orzeê nay: â¡Da! ânay. 8 Orzeê bgüi̱i̱, nunu bzaaca̱ tub cuay mñush. Orzeê yu nu riib cuay zeê, yu zeê lay Gyel Gut. Nunu ich yu zeê zaab tuubaê mbecy nu yaruuñ lugaar zeê nu yuê de añ. Orzeê de yu zeê guud rishbeey niy nu cut yu tub nac mbecy lo tap nac yu. Ni mod gyicy dey dutuub la gyishlombecy. Gyicy dey nu gat mbecy nu mandzicy. Gyicy dey nu gat mbecy nu gyel yuu. Gyicy dey nu gat mbecy nu cubiñ. Gyicy dey nu gat mbecy nu güii. Nunu niê ziêl gyicy dey nu cut de bañ gyish de mbecy. 9 Na ornu biñ nu nac Shily zeê psug mi sey gay, orzeê par nañ mez ni cuug bzaaca̱ nu yuê de mbecy nu gut yu yaa de mbecy nu nac nu bzu fert dey nu nac de riidz ni Ãgyoozh, nunu nu nac nu bicy paa dey nu bzat dey Ãgyoozh. 10 Orzeê de yu zeê ye la rniiy. Orzeê nay: âÃgyoozh yon nu gya zir zu par dela mbecy, biñ nu ricy paa, ¿gul shuub dzi nu gri beer ni dela mbecy nu yuê gyishlombecy? Orzeê gyabic ru i de mbecy nu biit de̱ ya̱ âna dey. 11 Orzeê tub ga la dey guud tub negy cacy duñ zuy. Orzeê bdunii nu gyicy cup dey pase̱z se tub tiem miê ziêl, gashtal gzaê la numbr ni de mbecy nu ricy riiñ ni Crisht, de yu nu ca lo cuen nu gat gal mod nu gut de yu nu bi gut zeê. 12 Na ornu psug biñ nu nac Shily zeê sey shup, orzeê bzaaca̱ nu briib tub duru ily. Orzeê bet cow lo doo güidz gal nu na negy nu rzu mbecy ornu rat famil niy. Zeê beey byaña lo ma gal nu na reñ. 13 Zeê de bel baa bet lag ma lo yu gal nu yet lag de urlas caê ornu fert druu tub bi ily. 14 Orzeê mnit baa gal nu rzac tub lyag gyicy ornu rtub mbecy ñi. Orzeê dela bicy nu dela yu nu ri lo nisyudoo, delañ bruu chuñ seêñ. 15 Orzeê de rey ni gyishlombecy gua cach lo dey nañ de gyitaê blyuu gal nu de lat gyitaê ily ni de logyiê. Tublaazh la za dey nu de mbecy nu zu riiñ, gal nu de mbecy nu riib ic de soldad, gal nu de mbecy guaniêñ, gal nu de mbecy nu dzi cyiiñ, gal nu de mbecy nu byac moz por fers la, gal nu de mbecy nu a̱ê nac moz por fers la. 16 Orzeê na dey rab yu de gyitaê ily zeê, gal nu de bicy ily: â¡Bet lag to̱o̱ de̱ par nu cach ru de̱ ya̱, gun cueê nu gzac de̱ lo biñ nu zub lo yashily re, nunu cueê nu gzac de̱ lo cashtig nu cuic biñ nu nac Shily re! 17 Gun bi pshuub dzi nu blaazhaê zir dzi ily, dzi nu cuic mi cashtig. Orzeê ¿cyu gac gagye loñ? âna dey.