Apocalipsis 8

1 Na ornu biñ nu nac Shily zeê psug mi sey gagy zeê, se ri zu la byac gyibaa tub cyaal or. 2 Orzeê gazeê nu bzaaca̱ gagy anc zuy lo Ãgyoozh. Orzeê guud gagy trompet ni dey. 3 Orzeê gazeê nu bruu zac tub anc yad nuy tub psiêñ yaal or. Orzeê ingaab yaal guud niy. Orzeê gua nuy ñi lo cuug nu zaay yuñ lat nu rnii nu dela mbecy Ãgyoozh. Rzaay yuñ lo cuug or nu zu par lo yashily, zeê nu riib ic Ãgyoozh. 4 Orzeê dzeeñ yaal zeê bruuñ yaa anc nu zu lo Ãgyoozh, orzeê wes nañ ñi lat nu rnii nu de mbecy mi. 5 Orzeê gazeê nu anc zeê bduê yaay psiêñ yaal or zeê. Gazeê nu gush yu boo nu bruu lo cuug, bduêy ñi nañ psiêñ yaal zeê. Gazeê nu pshet lag yuñ lo yu. Gazeê nu mnii guzii. Nunu guc zu redz. Nunu bzu gyi ni guzii. Nunu briib duru. 6 Orzeê de gagy anc nu zu yaa gagy trompet zeê bzuub ruê dey trompet niy nu bzu lily yu nu laay ñi. 7 Gazeê nu anc loga blaay trompet niy. Orzeê bet gyey gye, nu gyi, nu reñ. Guê can ñii ornu beet ñi lo yu. Orzeê lo dela lugaar ni gyishlombecy, wic tub ga nac lugaar niñ. Zeê byeeñ cyup nac lugaar nu wanchic. Lo dela yag nu nash gyishlombecy, wic tub nac ñii. Orzeê byeeñ se cyup nac ñii. Orzeê lo dela gyish, wic tub nac ñii. Zeê byeeñ cyup nac ñii. 8 Gazeê nu anc cyup blaay trompet niy. Orzeê bet lag tub coz nu rca gyi. Nañ gal nu na tub bicy ily. Bet lag ñi lo nisyudoo. Orzeê lo dela nis nu yuê gyishlombecy, tub nac ñii byac ñi reñ. Zeê cyup nacaêñ wangyac ñi reñ. 9 Orzeê lo dela bañcyug nu yuê lo nisyudoo, gut tub nac ma. Zeê byeeñ cyup nac ma. Nunu lo dela barc, mnit lo tub nac ñii. Zeê byeeñ se cyup nac ñii. 10 Orzeê gazeê nu blaa gaê anc chon trompet niy. Orzeê bet lag tub bel baa ily. Rca gyi ma gal nu na tub yaa gyi gyegy. Bruu ma gal baa. Orzeê lo dela gyoow ni gyishlombecy, bet lag ma lo tub nac ñii. Zeê wangyet lag ma lo cyup nac ñii. Orzeê lo dela lugaar zeê nu driib nis, bet lag ma lo tub nac ñii. Zeê wangyet lag ma lo cyup nac ñii. 11 Orzeê nu la bel baa zeê, ndeê Bel Baa Lya. Orzeê lo dela nis nu yuê gyishlombecy, tub nac ñii byalyañ. Zeê cyup nac ñii wangyalyañ. Orzeê zigy mbecy gut yu nu nac nu goêy nis zeê, gun byalyañ. 12 Orzeê gazeê nu anc tap blaay trompet niy. Orzeê lo dela lugaar ni doo, bet cow tub nac ñii. Zeê cyup nac ñii wangyet cow ñi. Nunu lo dela lugaar ni beey, bet cow tub nac ñii. Zeê cyup nac ñii wangyet cow ñi. Nunu lo dela bel nu taê baa bet cow lo tub nac ma. Zeê cyup nac ma wangyet cow lo ma. Orzeê lo trocyup or ni tub dzi, bet cow tap or. Nunu lo trocyup or ni tub rel, bet cowaê tap or. 13 Orzeê bgüi̱i̱ baa. Bzaaca̱ tub psi. Gya zaab ma lo bi. Orzeê güeña̱ nu ye la mnii ma. Orzeê na ma: â¡Lashta de mbecy nu rcyiiñ lo yu ornu glaa se chon de anc trompet niy! âna psi zeê.