Apocalipsis 5

1 Orzeê bzaaca̱ mbecy nu zub lo yashily zeê nuum tub gyicy nu ndudub nu yaa beem. Rup chu laê la lo gyicy zeê taê letr. Orzeê gagy seê nag nañ ñi nu duu iily. Tub ga seê nu nag de duu iily zeê, zeê zub tub ga sey nu byaa nu biñ. 2 Orzeê bzaaca̱ tub anc nu dzi fert. Ye la rbish tiy nu rgugyiêy: â¿Ca na mbecy nu cyiiñ yu sug yu sey zeê? Orzeê tiily yu lo gyicy zeê âna anc zeê. 3 Tees wancyuu su ni tub la mbecy nu yuê gyibaa, ni mbecy nu yuê gyishlombecy ii, ni mbecy nu yuê lat de mbecy gut nu ñcyiiñ yu shaal yu loñ, ni nu güiiy loñ. 4 Orzeê tonaê la bduna̱, gun wangad ni tub la mbecy nu ñcyiiñ yu shaal yu lo gyicy zeê, ni nu ngüiiy loñ. 5 Orzeê na tub de yu bel zeê rab yu ya̱: âCueê gun ru, gun biidz, biñ nu bruu lat nez de mbecy Judá, biñ nu bruu cyong nez gyitoo rey Dabi, mi zeê bi bicy mi gan, nunu cyiiñ mi sug mi gagy sey zeê. Orzeê tiily mi lo gyicy zeê âna tub de yu bel zeê. 6 Orzeê gazel zeê nu zu yashily zeê, laab zeê nu zu tap de mbecy mbañ zeê, gal nu de yu bel zeê. Orzeê zeê bzaaca̱ tub Shily. Rlyu nu ma zeê bi gua ma guc ma gun. Zub gagy nguaz ma, gal nu gagy urlo ma. Ndeê yaruuñ Espiriit Yon ni Ãgyoozh, biñ nu nash numbr gagy. Mi zeê biñ nu bzuu nez Ãgyoozh nu cham dutuub la gyishlombecy. 7 Orzeê biñ nu nac Shily zeê guam lo biñ nu zub lo yashily zeê. Orzeê gush mi gyicy nu ndudub nu zu yaa bee biñ nu zub lo yashily zeê. 8 Na laab bduê yaa lam gyicy zeê, orzeê de tap mbecy mbañ nu zu zeê, nu de gal zu tap yu bel zeê, dela dey gusu tib yu lo biñ nu nac Shily zeê. Orzeê lo dela dey tub ga lay nuuy tub ga been nu la arpa. Nunu niê dela dey nuuy tub ga bas or nu yuê yaal nañ. Orzeê yaal zeê, ndeê yaruuñ ornu rnii nu de mbecy Ãgyoozh, de yu nu bi nac nim. 9 Orzeê biil dey tub cant cub. Orzeê rul dey: Ru nac ru biñ nu cyiiñ nu gash gyicy nu ndudub. Orzeê sug ru de sey niñ. Gun ru gut ru guc ru gun nu gua lo Ãgyoozh. Nunu pshu reñ ru. Gun orzeê wiir de mbecy par nu cuic ru nim. Wiir de lo la nez mbecy, gal nu de lo la mbecy nu rnii reñ gal la riidz, gal nu de mbecy nu yuê dela gyedz, gal nu de mbecy nu yuê dela lugaar. 10 De yu zeê, bicy ru nu byac dey tub nac mbecy nu gyub ic Ãgyoozh. Nunu bicy ru nu byac dey uz par nu gac dey riiñ ni mi zeê. Nunu de yu zeê gyub ic yu gyishlombecy. Ni mod za de riidz nu biil dey. 11 Gazeê nu bgüi̱i̱ nunu güeña̱ nu zaab tiê zigy tonaê la anc nu yuê dub yub la zeê nu zu yashily zeê, gal nu de tap mbecy mbañ zeê, gal nu dela de yu bel zeê. Zeê yuê bee miyo̱o̱ la dey nac yu yuêy. 12 Orzeê ye la rbish ti dey. Orzeê na dey: Biñ nu na gal nu na Shily nu gua gun lo Ãgyoozh, mi zeê yad ñi nim nu gyub ic mi dela coz, nunu yad ñi nim nu gyuê dela gyel nap yaam, nunu yad ñi nim nu gad lagy mi dela coz, nunu yad ñi nim nu nac mi biñ nu fert, nunu yad ñi nim nu ca lagy mbecy lom, nunu gyabic dey gyel mbecy nim, nunu griib zily dey mi, na dey. 13 Orzeê niê ziêl güeña̱ nu rnii dela coz nu psaê lagy Ãgyoozh: dela coz nu yuê gyibaa, nu de coz nu yuê gyishlombecy ii, nunu de coz nu bi gut, gal nu de coz nu yuê lo nisyudoo. Orzeê na dela ndeê: Gyabic den gyel mbecy ni biñ nu riib ic lo yashily, ni biñ nu nac Shily. Nunu ca lagy den lom, nunu grib zily den mi, nunu mi zeê gyub ic mi dela coz dub laa tiem, na de coz zeê. 14 Orzeê zaê tap la de mbecy mbañ zeê rnii dey: â¡Laab ni gac ñii! ânay. Zeê de gal zu tap de yu bel zeê gusu tib dey. Orzeê briib zily dey mi.