San Lucas 18

1 Orzeê Jesuuz mniim tub riidz tiily lo dey, gun orzeê glyuum ni dey nu zaab nii nu laa dey Ãgyoozh, nunu cueê shiêñ dey baloor. 2 Orzeê nam: âTub gyedz bzu tub feez. Orzeê ni wanchib lay lo Ãgyoozh, ni wanca lagy yu lo mbecy. 3 Nunu laab gyedz zeê bzu tub byud. Orzeê bicy cup mi tub gyel chaê ic. Orzeê zaab rza lam lo feez zeê nu rgyiiñ mi loy nu gyicy nuy losaê yuum gal nu yad ñi. 4 Orzeê bi guzañ tiem feez zeê wangalagy yu locyuub yum. Orzeê despuees mnii tooy: “Mas ya̱ wacchiba̱ lo Ãgyoozh nunu ni waca lagya̱ lo mbecy, 5 tees como byud ii wachecam nu ricy seed mi ya̱, orzeê ya̱ locyuuba̱m nu gad gyel fushtiz nim, gun orzeê cueê nu zaab cyid lam. Gun benu zaab cyid lam, orzeê gyicy mi nu lazh fers ne̱”, mnii tooy âna Jesuuz. 6 Orzeê na gaê Jesuuz: âDe ru zuub gyidag der de coz nu mnii feez a̱ê nap zeê. 7 Beni, ¿walab gaal wabic Ãgyoozh gyel fushtiz ni de mbecy nu bi pcuim, de mbecy nu dzi rel la rnii num? Walab nu dzi tuñ laam. 8 Ya̱ rne̱e̱ lor nu dzach cuic mi gyel fushtiz ni dey. Tees ornu ya̱, biñ nu byac mbecy, yapa̱ tuubaê tir, ¿a gyapa̱ mbecy nu ricy cup consuel lo̱ gyishlombecy ii? ânam. 9 Orzeê mniim tuubaê riidz tiily ii lo la be mbecy nu ricy nu nac mbecy nap, zeê rgüii naañ yu lo deê zir losaêy. 10 Orzeê nam: âCyup mbecy guay nañ yuê zeê nu driib zily mbecy Ãgyoozh par nu nii nu dey mi. Tub yu nac yu tub mbecy fariseo. Zeê tuubaêy nac yu tub mbecy nu rboo tiñ por cuen ni gubier Rom. 11 Orzeê mbecy fariseo zeê bzuy mnii nuy Ãgyoozh. Orzeê nay: “Ãgyoozh, ya̱ rica̱ gras nir, gun ya̱ walab nu na̱ gal nu na deê zir mbecy. A̱ê naca̱ gubaan. A̱ê naca̱ mbecy shiñ ricy. A̱ê naca̱ mbecy nu ricy cyi nu biñ mñaa. Ni a̱ê naca̱ mbecy nu na gal nu na mbecy ii, yu nu rboo tiñ por cuen ni gubier. 12 Ya̱ rca̱ ne̱ nu cueê da̱w gyit cyup tir nañ tub sman par nu rzu bicha̱ nu nac ru. Nunu lo tii coz nu ricya̱ gan, rlo̱o̱ tuub ñi nu drica̱ nir”, nay. 13 Tees mbecy nu rboo tiñ por cuen ni gubier zeê zet bzuy. Ni wangalagy yu shes nañ loy nu güiiy par baa, sinu pshet yu lyush yu. Orzeê nay: “¡Ãgyoozh, gushni ñuu lagy ya̱, gun ya̱ naca̱ mbecy cyi!” nay. 14 Orzeê na gaê Jesuuz: âYa̱ rne̱e̱ lo der nu mbecy nu rboo tiñ por cuen ni gubier zeê, Ãgyoozh bicy sulagy mi niy. Orzeê yay. Zeê mbecy fariseo zeê, Ãgyoozh wangyicy sulagy mi niy. Gun cyu ziêl mbecy nu ricy zily ub yu, yu zeê gruu gyel mbecy niy. Zeê yu nu ricy gyel gyidz ni, yu zeê gyed gyel mbecy niy ânam. 15 Orzeê la be mbecy bruêña nu dey yu nguzh miê lo Jesuuz par nu gal yaam dey. Na ornu bzaac de yu nu rsyaê lom, orzeê brugyiê rdzaê dey ni de mbecy nu yad nu de yu nguzh miê zeê. 16 Orzeê Jesuuz bredz mi dey. Orzeê nam rab mi dey: âBzaan der nu gyechaê de yu nguzh miê lo̱. Cueê niir lo dey nu ruu chuy. Gun lugaar zeê nu riib ic Ãgyoozh, ndeê lugaar nu yuê mbecy nu na gal nu na de yu nguzh ii. 17 Ya̱ rishli rne̱e̱ lo der nu yu nu wazaan nu gyub ic Ãgyoozh gal nu ricy de yu nguzh ii, orzeê wac chuêy zeê nu riib ic mi ânam. 18 Orzeê tub yu nu riib ic lat de mbecy Israeel nay rab yu Jesuuz: âMasht nap, ¿la ñuu coz rlagy ñi nu gyicya̱ par nu cui mbaña̱ tub la? ânay. 19 Orzeê na Jesuuz rab mi yu: â¿Lagu rnii gaê ru nu nap ya̱? Zeê cyu zir nu nap, sinu tub zi la Ãgyoozh. 20 Ru bi rad lagy ru de coz nu rnii Ãgyoozh nu gyicy yac ru. Cueê gal ru mbecy nu wanchelaar. Cueê cut ru losaêr. Cueê gyicy ru gubaan. Cueê riib ru gyidza too losaêr. Pca lagy lo uz ru, nunu pca lagy lo ñaar ânam. 21 Orzeê yu nu riib ic zeê nay rab yum: âDela ndeê bi bicy yaca̱ ñi nese miiñ la̱ ânay. 22 Na ornu güeñ mi ndeê, orzeê nam rab mi yu: âTees ru ricy falt se tub coz nir nu gyicy ru. Yaa cut ru dela coz nu yuê nir. Gazeê nu tiñ zeê cuic ru ni de mbecy zi. Orzeê gyibaa gyad gyel nap nir. Gazeê nu cyid ru cyid car icha̱ ânam. 23 Tees ornu güeñ mbecy zeê nu ni mnii Jesuuz, orzeê tonaê la bicy shniy, gun tonaê la guaniêñ yu. 24 Na ornu bzaac Jesuuz nu dzi ricy shniy, orzeê nam: â¡Dzi ga biigy nu chuê mbecy guaniêñ lat de mbecy nu riib ic Ãgyoozh! 25 A̱ê biigy zir ded tub camey gyeegy gyiê tub gyishtiib, gazeê nu chuê tub mbecy guaniêñ lat de mbecy nu riib ic Ãgyoozh ânam. 26 Orzeê de mbecy nu güeñ zeê na dey rab yum: âBeni, ¿cyu gac gruu mbañ, beni? âna dey. 27 Gazeê nu nam rab mi dey: âCoz nu wagac gyicy mbecy, tees Ãgyoozh gac gyicy mi ñii ânam. 28 Orzeê na Bed rab yum: âShuaan de̱, de̱ ya̱ bzeeñ de̱ dela coz nu yuê ne̱ de̱ nu yap ca̱ de̱ ich ru ânay. 29 Orzeê na gaêm rab mi yu: âYa̱ rishli rne̱e̱ lo der nu cyu ziêl mbecy nu bzeeñ la coz ni nu nac gyel gubier ni Ãgyoozh, orzeê de yu zeê sheñ zir gyad niy. De yu nu bzeeñ yuê, yu nu bzeeñ mñaa, yu nu bzeeñ bicy, yu nu bzeeñ uz, yu nu bzeeñ iêñ, o la ziêl coz nu bzeeñ dey, 30 tees sheñ zir gad niy gyishlombecy ii, nunu tuubaê lo yu zeê gad nu cui mbañ yu tub la ânam. 31 Orzeê Jesuuz gua nu reñ mi trocyup de yu nu rsyaê lom. Orzeê nam rab mi dey: âNa gyan par gyedz Jerusaleeng, gun orzeê gyuê niñ ni dela coz nu pcaa de yu nu mnii por cuen ni Ãgyoozh nu gzac ya̱, biñ nu byac mbecy. 32 Gun guê dey ya̱ yaa mbecy yad. Nunu de yu zeê gubdzaa dey ya̱. Nunu gab zi dey ya̱. Nunu co yeñ dey lo̱. 33 Orzeê gaaz dey ya̱ nu cuart. Gazeê nu cut dey ya̱. Tees ornu zaê dzi chon, orzeê gyabaña̱ ânam. 34 Orzeê de yu zeê rila wangyet lag dey cuen de nu ndeê. Ni wangad lagy dey de coz nu mniim. Tees de coz zeê, ndeê coz nu wangac gyet lag dey cuen. 35 Ornu bi rgaab Jesuuz tub gyedz nu la Jericó, orzeê nez nu zam, zeê zub tub mbecy lo caê nu rgyiiñ yu gun. 36 Na ornu güeñ yu nu dzi rded mbecy zigy loy, orzeê bdugyiêy ben la coz rac. 37 Orzeê mnii dey nu Jesuuz, biñ nu bruu Nazaret, yad mi lugaar zeê. 38 Orzeê brugyiê rbish tiy. Orzeê nay: â¡Jesuuz, nez Dabi, gushni ñuu lagya̱! ânay. 39 Orzeê de mbecy nu yad lo bdzaê dey niy, gun orzeê gariy. Tees orzeê rbish ti gaê zir yu. Orzeê na gaêy: â¡Jesuuz, nez Dabi, gushni ñuu lagya̱! ânay. 40 Gazeê nu gusum. Orzeê mniim lo dey nu cha tee dey lo ca zeê. Na ornu bruêñay lom na, orzeê nam rab mi yu: 41 â¿La coz rlagy ru gyicy du̱ ru? ânam. Orzeê na lo caê zeê rab yum: âShuaana̱, rlagya̱ nu zac nap la̱ ânay. 42 Orzeê na Jesuuz rab mi yu: â¡Na gac gzac ru! Byac ru nu nac nu bicy cup ru consuel lo̱ ânam. 43 Orzeê laab or la zeê lo caê zeê brugyiê rzac yu. Orzeê za cay ich Jesuuz, nunu ryabic yu gyel mbecy ni Ãgyoozh. Nunu niê ziêl dela mbecy nu bzaac de coz nu guc zeê ryabic dey gyel mbecy ni Ãgyoozh.