San Lucas 17

1 Orzeê Jesuuz nam rab mi de yu nu rsyaê lom: âDub laa tiem yuê coz a̱ê nap nu ricy ñi nu ricy mbecy cyi. ¡Tees cuaa mbecy nu ricy yu nu gyicy de losaêy cyi! 2 Nap zir benu cyiig dey tub gyitaê gyech yeñ yu. Orzeê shet lag dey yu lo nisyudoo. Nap zir ndeê gazeê nu gyicy yu nu gyicy tub yu shni cyi. 3 ¡Orzeê bicy cuidad der! ‘Benu tub losaêr ricy yu cyi, orzeê shuu nur yu. Tees benu neêy de cyi nu ricy yu, gyicy sulagy ru niy. 4 Mas tub gagy tir gyicy yu coz nu walab seêñ nuy ru nañ tub dzi, nunu benu tub ga gaê tir cyid yu lor nunu niiy nu wayicyaêy de coz nu bicy nuy der zeê, orzeê gyicy sulagy der niy ânam. 5 Orzeê de yu nu bloo su Shuaan na Jesuuz na dey rab yum: âLocyuub ru de̱ nu fert zir gyicy cup de̱ consuel lor âna dey. 6 Orzeê Shuaan na Jesuuz nam: âBenu de ru ricy cup der consuel lo̱ mas ñuu miê, gal nu na mbigy urnishtas, orzeê gac nii der lo yag ily ii nu gruu lyuñ nu chañ gal lo nisyudoo. Orzeê zeê gzub ñi, gnii der. Orzeê yag ii gyicy ñi gal nu de ru niir ânamâ. 7 ‘Gyicy pee lan nu zu tub moz ni ca na tub de ru. Orzeê ricy yu riiñ rlaêy yu, o nu rñay shily. Na ornu riy yuê or gudze nu guay lat naay, wanii gaal der: “Gyeed zub ru gor gyit”, niir. 8 Walab nu ni nii der, sinu niir: “Bzu lily, gun gyicya̱ che. Orzeê zu bich ru nu nac ya̱ lat nu rda̱w nunu rdo̱ê. Ornu lazh da̱w ya̱, orzeê gow ru, nunu goêr”, niir. 9 Niê ziêl waric na gras ni moz benu gyicy ziêl yu gal nu yad ñi nu gyicy yu. 10 Niê ziêl de ru, ornu glazh gyicy der gal nu mnii Ãgyoozh nu gyicy der, orzeê niir: “Gur moz ziêl nac de̱. Wangyicy de̱ coz ily. Nomaas bicy de̱ gal nu yad ñi nu gyicy de̱”, nii der ânam. 11 Orzeê nez nu ya Jesuuz par Jerusaleeng, bded mi lo de yu nu ri ruê bzaa ni Samaria, gal nu lo de yu ni Galilea. 12 Ornu brim ruê tub gyedz miê, orzeê bdzeel mi tii mbecy nu rat tub lo güii nu la lepra. Orzeê zet yuê dey 13 rbish ti nu dey mi. Orzeê na dey: â¡Jesuuz, masht, gushni ñuu lagy de̱ ya̱! âna dey. 14 Orzeê ornu Jesuuz bzaac mi dey, orzeê nam: âGua der lo uz rlyuur ub ru, gun orzeê gad lagy yu nu bi byac der ânam. Orzeê nez nu za dey byac dey ni güii zeê. 15 Orzeê tub yu nu gurat zeê, ornu gud lagy yu nu byac yu, orzeê bish cyay gua gaêy lo Jesuuz. Orzeê ye la rniiy nu ryabic yu gyel mbecy ni Ãgyoozh. 16 Orzeê gugyit tiily yu gal lo yu la yeñ gyiê Jesuuz nu rbic yu gras nim. Yu zeê nac yu mbecy Samaria. 17 Orzeê Jesuuz nam: â¿Walab gaal walab tii mbecy byac yu? ¿Ca za se gaa de mbecy zeê? 18 ¿A sacaê zir yu nu rbic gras ni Ãgyoozh gazeê mbecy ii? Ni a̱ê nac yu mbecy guledz ânam. 19 Orzeê nam rab mi mbecy zeê: âWes su, nunu yaa. Ru bi byac ru par nu bicy cup ru consuel lo̱ ânam. 20 Orzeê la be mbecy fariseo bdugyiê dey lo Jesuuz ben gul cyid gyel gubier ni Ãgyoozh. Orzeê nam rab mi dey: âMod nu cyid gyel gubier ni Ãgyoozh, ndeê walab mod nu zac mbecy. 21 Wac nii mbecy nu par ii zuñ, o par re zuñ. Gun bi zu gyel gubier ni Ãgyoozh lat de ru ânam. 22 Orzeê nam rab mi de yu nu rsyaê lom: âShuub dzi ornu de ru galagy der gzac der tub dzi nu ya̱, biñ nu byac mbecy, gzu̱ lat der, tees or la zeê wazacaê der ya̱. 23 Gun gruu zac mbecy nu nii dey: “Ii zum”, o “Re zum”, nii dey. Tees cueê cha güii der, nunu ni cueê cha ca der ich dey. 24 Gun gal nu rzu gyi ni guzii baa nu ricy ñi nu rzu yaa rup chu laê gaa la, orzeê ni mod gyicy ya̱, biñ nu byac mbecy, ornu shuub dzi nu yapa̱. 25 Tees nu loga la rlagy ñi nu gzac zi̱. Nunu rlagy ñi nu gzu chu de mbecy nu yuê tiem na ya̱. 26 Gal nu guc tiem ni Noé, orzeê niê ziêl mod gac ornu ya̱, biñ nu byac mbecy, yapa̱ tuubaê tir. 27 Tiem zeê de mbecy nu bdow ziêl dey, nunu goêy, nunu pchelaa dey. Ni bicy dey gashtal ornu pshuub dzi nu guê Noé nañ barc. Na ornu bruêña gyey, orzeê dela dey gut yu. 28 Nunu niê ziêl guc tiem ni Lot. De mbecy row dey, nunu roê dey. Rzii dey la coz, nunu rut dey la coz. Rnuuz dey la coz, nunu rzaa dey yuê. 29 Tees ornu bruu Lot lat gyedz Sodoma, orzeê bet gyey gyi gal nu asufre. Orzeê dela dey gut yu. 30 Niê ziêl gac ornu ya̱, biñ nu byac mbecy, gruu zaca̱ tuubaê tir. 31 ‘Orzeê dzi zeê yu nu zub too yuê, cueê nu gyet yu nu coy suuy nu yuê nañ yuê anzir nu ruu chuy. Nunu niê ziêl yu nu ricy riiñ lat naa, cueê gaê cush cyay gyay yuêy. 32 Byezaê lagy der mñaa Lot. 33 Gun yu nu rlagy co nap ub, yu zeê gnit loy. Tees yu nu shet ic nu gat, yu zeê gruu nap yu. 34 ‘Tees ya̱ rne̱e̱ lo der nu rel zeê cyup mbecy riib yu laab lo tub ziêl nuun nas yu. Orzeê tub yu gruuy gyishlombecy ii nu gyay. Orzeê tuubaêy gyiyeeñ yu. 35 Na cyup biñ mñaa cam rom iiñ gyech. Orzeê tub mi gruum gyishlombecy ii nu gyam. Zeê tuubaêm gyiyeeñ mi. 36 Na cyup mbecy riy ricy yu riiñ lat naay. Orzeê tub yu gruuy gyishlombecy ii nu gyay. Zeê tuubaêy gyiyeeñ yu ânam. 37 Orzeê na de yu nu rsyaê lom rab yum: â¿Ca gac de coz zeê Shuaan de̱? âna dey. Gazeê nu nam rab mi dey: âZeê nu nguaa de cuerp gut, zeê gyatublaazh dela lyash ânam.