San Lucas 16

1 Orzeê na gaê Jesuuz rab mi de yu nu rsyaê lom: âBzu tub mbecy guaniêñ. Nunu bzu tub moz nu byub ic de coz niy. Orzeê bruu zu tub mbecy briib yu cyi ic moz zeê nu rniit ton yu gyel nap ni patro̱o̱ niy. 2 Orzeê gazeê nu patro̱o̱ niy zeê bredz yu moz niy. Orzeê nay rab yuy: “¿La ñuu riidz zaab nu rnii dey nir? Zeed cuen ru lo̱ de riiñ nu ricy ru, gun na wacaê gac ru moz ne̱”, nay. 3 Orzeê moz zeê bzub yu gush yu shcab: “¿Lac mod gyicy na? Gun patro̱o̱ nin blooy riiñ yaan. Zeê sac fers nin nu gyicy na riiñ ngush, nunu gat loon benu chesan diñ na gun. 4 Na la bi rad lagy na la coz gyicy na. Gun orzeê gad cyu nu cuic yuê chuên ornu shuub dzi nu wayicyaên riiñ.” Ni mnii tooy. 5 Orzeê bredz yu tub ga yu nu zaab tiñ ni patro̱o̱ niy. Gazeê nu nay rab yu yu nu bruêña loga la: “¿La be zaab ru ni patro̱o̱ ne̱?”, nay. 6 Orzeê yu nu bruêña loga la zeê nay rab yuy: “Ya̱ zaaba̱ gal rub tii zu tap gaynal litr asecy niy”, nay. Orzeê na moz nu riib ic zeê nay rab yuy: “Ii gyicy nu taê de nu zaab ru. Gazeê nu zub ru zaar tuubaê nu niiñ nu zaab ru tiiñ zu tub gaynal litr asecy”, nay. 7 Na ornu blazh mniiy lo yu zeê na, orzeê nay rab yu tuubaê yu nu zaab ni patro̱o̱ niy zeê: “Zeê ru, ¿la be zaab ru?”, nay. Orzeê yu zeê nay rab yu yu nu riib ic zeê: “Tub gaynal bult trig”, nay. Orzeê na moz nu riib ic zeê: “Ii gyicy nu taê de nu zaab ru. Orzeê zaar tuubaê gyicy nu niiñ nu zaab ru ochent bult trig”, nay. 8 Orzeê patro̱o̱ niy zeê mniiy nu dzi lily na moz niy par nu dzi bzuy altant. Gun de mbecy nu ricy mod ni cualcyer la mbecy gyishlombecy ii, de yu zeê dzi zir zu dey altant gazeê de mbecy nu ricy mod nu rishli. 9 ‘Ya̱ do̱o̱ rishlor lac mod gyicy nur de gyel nap nir nu yuê gyishlombecy ii. Gyicy nur ñii tub mod par nu gad amig nir. Gun orzeê ornu lazh de gyel nap nir, orzeê gad mbecy nu nap nii nuy ru zeê nu cyiiñ ru tub la. 10 ‘Gun yu nu ricy paa nu ñumiiñ, orzeê niê ziêl ricy paay nu sheñ. Nunu yu nu wagyicy paa nu ñumiiñ, niê ziêl wagyicy paay nu sheñ. 11 Orzeê benu wac gyicy cup mbecy consuel lo der nu nac gyel nap ni gyishlombecy ii, ¿orzeê walab gaal gac gyicy cup Ãgyoozh consuel lo der nu nac gyel nap nu rishli? 12 Nunu benu wayicy paa der nu suu reñaê mbecy, orzeê se cyu la cuic la coz nir. 13 ‘Gun ni tub la mbecy nu ricy riiñ wagyicy yu riiñ ni cyup patro̱o̱ niy. Gun benu ni, orzeê ga zi lagy yu lo tub yu. Zeê tuubaêy cay yu. O nu gyicy paay nuy tub yu. Zeê güii naañ yu lo tuubaêy. Orzeê wac zu bich mbecy nu nac Ãgyoozh, nunu niê ziêl wac zu bich yu nu nac de gyel nap nu yuê gyishlombecy ii laab tub ziêl tiem ânam. 14 Na ornu güeñ de mbecy fariseo de coz zeê na, como dzi rca dey tiñ, orzeê bgubdzaa dey Jesuuz. 15 Orzeê na Jesuuz: âDe ru lo mbecy ziêl ricy der nu dzi nap ru. Tees Ãgyoozh rad lagy mi la coz yuê nañ lardoo der. Gun de coz nu rzii mbecy nu tonaê la sac, par lo Ãgyoozh rila a̱ê sac ñi ânamâ. 16 ‘Nese gulas gashtal pshuub la tiem ni Waa nu driib nis mbecy, de mbecy rshaal dey de riidz ni leey ni Moisees, gal nu de riidz ni de yu nu mnii por cuen ni Ãgyoozh. Tees nese tiem zeê rshaal dey de riidz nu sac ni gyel gubier ni Ãgyoozh. Ndeê nu na zigy mbecy ricy dey fers par nu chuêy zeê nu riib ic Ãgyoozh. 17 ‘Tees a̱ê biigy zir nit lo baa nu gyishlombecy ii, gazeê nu ricy falt nu gyuê ni tub coz miê ni leey. 18 ‘Benu tub mbecy coy gyicy rishbeey nu zaan yu mñaay, zeê chelaay tuubaê biñ mñaa, orzeê yu zeê ricy yu cyi. Nunu yu nu chelaa biñ mñaa nu bzaan ñgyee zeê niê ziêl ricy yu cyi. 19 ‘Bzu tub mbecy guaniêñ. Nunu tonaê la negy ñgyup rzuy. Nunu de dzi la rzu baay. 20 Zeê bzu gaê tub mbecy zi nu la Lázaro. Bzu laa gyedz dutuub la cuerp niy. Nunu rzub yu roê ni guaniêñ zeê. 21 Yu zeê rgyish loy nu mas ñuu de coz nguzh nu yet lag lo yu nu goy. Nunu gal de che̱ê yechaê ma rleê ma zeê nu taê gyedz niy. 22 Orzeê pshuub dzi nu gut mbecy zi zeê. Orzeê anc ya nuy yu zeê nu ri gyitoo Abraham. Niê ziêl yu guaniêñ zeê gut yu. Orzeê pcach dey yu. 23 ‘Orzeê lat nu ri mbecy guaniêñ zeê, zeê nu rza mbecy gut, orzeê pshes nañ ic yu bgüiiy zet. Orzeê bzaac yu Abraham nu Lázaro yuê dey tublaazh. 24 Orzeê brish ti nuy Abraham. Orzeê nay: “¡Uza̱ Abraham, gushni ñuu lagy ya̱! Orzeê zuu nez ru Lázaro nu cyid yu lo̱, gun sal yu too mbiz yu lo nis. Orzeê gyicy yu nu gyag lyudza̱, gun tonaê la rzac zi̱ lo gyi ii”, nay. 25 Orzeê na Abraham rab yuy: “Uza̱, bicy nu gyezaê lagy nu ru dzi gusht bzur lat nu gabee mbañ ru. Zeê Lázaro ii dzi shni pcyiiñ yu. Orzeê na ya̱ rica̱ consuel niy ii. Zeê ru rzac zir. 26 Zeê tuubaê coz, ri tub gyerlas ily cyaal nez par zeê nu ru rir. Orzeê benu ca na tub mbecy nu ri ii galagy yu chay par zeê nu ru rir, orzeê wac. Nunu niê ziêl de yu nu ri zeê nu ru rir wacaê cyid dey par ii”, na Abraham. 27 ‘Orzeê na yu guaniêñ zeê: “Beni orzeê ya̱ nishba̱a̱ lor uza̱ Abraham nu zuu nez ru Lázaro chay yuê uza̱. 28 Gun zu gaay bicya̱. Orzeê nii Lázaro lo dey nu gyicy cuidad dey ub yu, gun orzeê cueê nu gyed dey lugaar ii zeê nu rzac zi mbecy”, nay. 29 Orzeê na Abraham: “De yu zeê bi ricy cup dey de riidz nu bzeeñ Moisees, nu de riidz nu bzeeñ de yu nu mnii por cuen ni Ãgyoozh. Orzeê rlagy ñi nu gyicy cuen dey ñi”, nay. 30 Orzeê na yu guaniêñ zeê: “Laab ni uza̱ Abraham, tees benu tub mbecy gut gyabañ yu nunu gruu zac yu lat dey, orzeê neê dey dela cyi nu ricy yu”, nay. 31 Tees Abraham nay: “Benu wayicy cuen dey de riidz ni Moisees gal nu de riidz ni de yu nu mnii por cuen ni Ãgyoozh, orzeê niê ziêl waguugy lardoo dey mas tub mbecy gut gyabañ yu”, nay âna Jesuuz.