Hebreos 9

1 Nu nac trat loga la, yuê mod nu briib zily mbecy Ãgyoozh. Nunu bzub tub yuê negy gyishlombecy ii. Zeê briib zily dey mi. 2 Yuê zeê ricy cup ñi cyup cuart. Cuart loga la, ndeê bloo la dey ñi Lugaar Yon. Zeê zub tub candeler ily nu tub mez. Zeê nguaa gyishtily nu bzu chu dey par Ãgyoozh. 3 Na par ich tub roê negy ca tuubaê cuart. Orzeê cuart zeê bloo la dey ñi Zeê nu Blazhaê Zir Lugaar Yon. 4 Zeê zu tub mez or par nu zaay dey yaal. Nunu zeê zub gyiñ ni trat nu bicy nu Ãgyoozh dey. Gyiñ zeê briily dey or dutuub lañ. Nañ gyiñ zeê ri tub casit or. Zeê nañ ñi yuê maná, coz nu bdow dey lat nu gusay lugaar ub zi. Nunu laab nañ gyiñ zeê ri yanga Aroong nu briib iêñ ich zeê. Nunu laab nañ gyiñ zeê ri cyup gyitaê nu pca leey ni Ãgyoozh. 5 Zeê par too gyiñ zeê zub cyup nab ni tub lo mbecy nu yuê gyibaa nu la Querubines. Nab zeê, ndeê muesht ni gyel lily ni Ãgyoozh. Nunu ptiily loweêñ par nu soow ñi lugaar zeê nu ricy sulagy Ãgyoozh cyi mbecy. Tees na wac shaal de̱ lac zu dela coz zeê. 6 Na ornu bi zu lily de coz zeê, orzeê de uz nu zu riiñ lo Ãgyoozh zaab za la dey nañ cuart loga zeê par nu zaê lo dey riiñ nu bi cay. 7 Tees tub zi la uz nu rzuê lo Ãgyoozh por cuen ni de mbecy, tub zi la yu zeê gac chuêy nañ cuart cyup zeê. Nunu yu zeê tub tir zi gac chuêy nañ cuart zeê nañ tub ñaên. Rza nuy reñ nu rbic yu lo Ãgyoozh nu nac de cyiy, gal nu nu nac de cyi mbecy. 8 Na Espiriit Yon ni Ãgyoozh rbic mi nu gad lagy den nu lat nu gabee zu uz riiñ nañ cuart loga zeê, orzeê wac chuê mbecy nañ cuart cyup zeê, zeê nu blazhaê zir lugaar yon. 9 Mod nu ricy dey nañ yuê zeê, ndeê ricy ñi nu yet lag den cuen mod nu rac nu de ub na. Orzeê yaruuñ nu de gun nu rbic mbecy lo Ãgyoozh tiem zeê, gal nu de bañcyug nu rut dey lom, de ndeê wac gyicy nap ñi lardoo mbecy, gun gabee wac chuê dey nañ cuart cyup zeê. 10 De uz zeê tub lo ziêl cuen ni dey ni de coz row mbecy ziêl, gal nu ni de coz nu roê ziêl dey. Cuen ni dey nu lac mod gyicy caacy yu de coz. Nunu de riiñ nu ricy de yu zeê, ndeê tub lo ziêl nu cyiiñ ñi gal tiem nu bruu zac tub mod cub. Orzeê gyaê lo de coz nu ricy de uz zeê. 11 Tees na Crisht bi biid mi. Byac mi uz nu rzuê lo Ãgyoozh por cuen ni den. Ricy mi de coz nap nu rzac den na. Yuê nu zum riiñ nañ zeê, ndeê coz nap zir, nunu coz nu cyiiñ zir gazeê yuê nu bzu de uz riiñ nañ zeê. Nunu yuê zeê, walab mbecy bzaay ñi. Ndeê walab coz ni gyishlombecy ii. 12 Ornu Crisht guêm nañ cuart nu blazhaê zir yon zeê, orzeê wancha num reñ chiib, ni reñ biser par nu cuic mi lo Ãgyoozh, sinu reñ ub lam gua num. Orzeê guêm tub tir ziêl nu nac dela mbecy, nunu bicy mi nu gac gruu mbañ den tub la. 13 Gun gyishlombecy ii rbic dey reñ chiib, nunu rbic dey reñ tor, nunu rtush las dey diêñ terner too de mbecy nu a̱ê caacy, gun orzeê gyicy caacy dey yu. 14 Benu ni, orzeê ¡dzi zir coz ily ricy reñ Crisht! Gun nu nac Espiriit nu zu tub la, orzeê Crisht briic mi ub mi par tub gun nu rila sac falt ni. Nunu nu nac reñ mi, orzeê gyicy mi nu wat den lo Ãgyoozh nu nac de coz toê lo nu bicy den, de coz nu gyicy nu yad ñi nu gat den, gun orzeê gyicy den coz nu rlagy Ãgyoozh mbañ. 15 Ndeê nu Crisht nac mi biñ nu bzu trat cub. Nu nac nu gut mi, orzeê guud mod par nu gyicy sulagy Ãgyoozh de cyi nu bicy de mbecy nu byub ic trat loga zeê. Nunu gut mi, gun orzeê de mbecy nu bzum nu gac nim zeeñ mi gyel nap nu rila waded ni yaa dey, gal nu mnii Ãgyoozh nu segur la gyicy mi. 16 Na benu tub mbecy gyicy yu tub trat nu rniiñ lac mod gyicy nu dey de coz nu yuê niy ornu gat yu, orzeê rlagy ñi cuic de famil niy nu gad lagy de mbecy nu bi gut yu anzir nu gyicy dey gal nu rniiñ lo trat zeê. 17 Tees wagyicy dey gal nu rniiñ lo trat zeê lat nu gabee mbañ yu nu bzu trat zeê. Sinu ornu bi gut yu, orzeê gyicy dey gal nu rniiñ lo trat zeê. 18 Ndeê nu trat nu bicy Ãgyoozh nu loga la, bzu nap dey ñi nu nac nu pshu reñ. 19 Gun Moisees blab yu dela coz nu mnii leey zeê lat de mbecy zigy. Gazeê nu gush yu tub nac gyich ña shily, nunu gush yu tub yaa yag nu la hisopo. Orzeê psal yu ndeê lo reñ chiib, nu lo reñ biser nu guê can nu nis. Orzeê pcooy ndeê lo gyicy ni leey, nunu pcooy ñi lat de mbecy zigy. 20 Orzeê nay rab yu dey: “Nii reñ nu gyicy nu chesu nap trat ni Ãgyoozh, trat nu bzum nu gyicy yac der”, nay. 21 Niê ziêl mod pcoo Moisees reñ ich yuê yon zeê, nunu pcoo gaêy reñ zeê lo de yuu nu nguaa nañ ñi. 22 Gun par lo leey sñuu ga la gac dela coz yacaacy ñi nu nac reñ. Nunu Ãgyoozh rila wayicy sulagy mi ni de mbecy benu washu reñ. 23 De coz zeê, ndeê nab de coz gyibaa. Tees ni mod rlagy ñi gyacaacy ñi. Na de coz rishli nu yuê gyibaa dzi zir gun ily rlagy ñi niñ. 24 Gun Crisht wanchuêm nañ tub yuê yon nu bzaa mbecy. Yuê yon nu bzaa mbecy zeê, ndeê tub nab de coz rishli gyibaa. Tees Crisht ub la gyibaa guêm. Zeê zum lo Ãgyoozh por cuen ni de ub na. 25 Na uz nu zu riiñ lo Ãgyoozh por cuen ni de mbecy Israeel, yu zeê rzuêy nañ cuart zeê nu blazhaê zir lugaar yon. Tub ñaên ga rzuê nuy reñ bañcyug zeê. Tees Crisht wancuic mi ub mi par tub gun lo Ãgyoozh nu zañ tir gal nu bicy de yu zeê. 26 Gun benu ni, orzeê rlagy ñi nu zañ tir gat mi nese nu bzub gyiê gyishlombecy. Tees na, ornu sñuu ga gyaê lo tiem, orzeê bruu sac mi tub tir ziêl par dela mbecy. Briic mi ub mi par tub gun lo Ãgyoozh par nu zaê lom cyi de mbecy. 27 Na dela mbecy rlagy ñi nu gat dey tub tir ziêl, nunu despuees orzeê gri bee Ãgyoozh ni dey. 28 Nunu niê Crisht tub tir ziêl briic mi ub mi par tub gun lo Ãgyoozh par nu bzaê lom cyi zigy mbecy. Orzeê despuees gruu zac mi tuubaê tir, nunu ndeê walabaê nu zaê lom cyi de mbecy, sinu par nu co mbañ mi de mbecy nu rbez nu cyid mi.