Hebreos 8

1 Na coz nu ricy zir ñi presis nu nii den, ndeê nu zu tub uz nu rzuê lo Ãgyoozh por cuen ni de ub na. Nunu mi zeê nam gal nu bi mne̱e̱. Na zub mi par yaa bee Ãgyoozh gyibaa. 2 Zum riiñ nañ tub yuê yon nu rishli, tub yuê nu wansaa mbecy nu yaay, sinu coz nu bzaa Ãgyoozh. 3 Na dela uz nu zu riiñ zeê bdugyi dey riiñ zeê par nu cuic yu gun lo Ãgyoozh, nunu par nu cut dey bañcyug nu shuy reñ ma lom. Ndeê nu niê ziêl rlagy ñi nu Jesucrisht cuic mi gun lo Ãgyoozh. 4 Benu gyishlombecy ñcyiiñ mi, orzeê wac gyicy mi riiñ zeê, como par ndeê bi yuê de uz nu rbic gun lo Ãgyoozh mod nu rnii leey ni Moisees. 5 Ornu rzu dey riiñ zeê, orzeê rboo nab dey coz nu rac gyibaa. Ricy dey de coz zeê gyishlombecy ii gal nu na tub sheñ zi de coz rishli nu rac gyibaa. Rad lagy den nu nab ziêl ndeê ricy dey, gun ornu Moisees bi zuu lay nu zaay yuê yon zeê, orzeê Ãgyoozh nam rab mi yu: “Bzu cuidad ornu gzaar ñii. Gal mod nu na nab ñii nu bzaac ru ornu blyu̱u̱ lor too bicy zeê, ni na gzaar”, nam. 6 Zeê Crisht zum tub riiñ nu gya zir zu par riiñ nu zu deê zir uz. Niê ziêl trat nu bloom nu rniiñ nu lac gyicy nu Ãgyoozh den, ndeê tub trat nu nap zir par trat gush ni leey, gun riidz ni trat cub, riidz nu mnii Ãgyoozh nu segur la gyicy mi, ndeê riidz nu nap zir gazeê riidz ni trat gush. 7 Benu cueê ñgyuê falt ni trat nu loga la nu bicy nu Ãgyoozh de mbecy, orzeê walagy ñi tuubaê trat. 8 Tees Ãgyoozh byap mi falt ni de mbecy nim. Orzeê mniim: Shuaan den nam: Shuub dzi nu zu̱ tub trat cub lat de mbecy Israeel nu lat de mbecy Judá. 9 Reñaê mod nañ par trat nu bicy du̱ de gyitoo bel ni dey tiem nu blo̱o̱ dey lo yu ni Egipto ornu ya̱a̱ du̱ dey. Tees wangyicy yac dey trat ne̱. Orzeê ya̱ blaa ya̱a̱ dey, na Shuaan der. 10 Orzeê na gaêm: Mod nu za trat nu gyicy du̱ de mbecy Israeel: Ornu shuub dzi zeê, ya̱ gyicya̱ nu caa ic dey de riidz nu rne̱e̱. Gyicya̱ nu gad lagy dey ñi. Ya̱ naca̱ Ãgyoozh ni dey, nunu de yu zeê gac dey mbecy ne̱. 11 Ni tub la mbecy walagy ñi nu lyuuy ni losaêy. Ni walagy ñi nu lyuuy ni bicy yu nu niiy: “Rlagy ñi nu chuê lor Shuaan den”, niiy, gun dela mbecy chuê lo dey ya̱. Dela mbecy shni, nunu gashtal dela mbecy lily, se tub ruê la chuê lo dey ya̱. 12 Nunu ya̱ gyicy sulagya̱ dela cyi nu bicy dey. Nunu rila wayezaê gaê lagya̱ ñii, nam. 13 Ornu bzat mi tub trat cub, orzeê bicy mi nu trat loga zeê par tub trat nu bi bded ni. Nunu benu bi guush ñi, benu bi bded niñ, orzeê sñuu ga nit loñ.