Romanos 7

1 Bee saêa enu nzeli arquiaêahua Jesucristo liêihua nediyaêhua nú xneca neca ley, nú ley rnibiyaê lubee bene diqui nú nehuañi bene. 2 Necane xi neca tucu unaêa enu nechia nú lecaê modo chianchu stucu niyu rene diqui nú nehuañi niyuênchu, pero tunu ati niyuênchu leca ley nú cá nú chianchu stucu bese. 3 Pero tunu nehuañiscaê niyuênchu nu yucunchu stucu niyu, nehuañinchu lu eluhuexe che. Pero tunu unguti niyuênchu lecaê ley nucá nú chianchu stucu niyu, nu la riêinchu eluhuexe che. 4 Leêca scua bee saêa enu nzeli arquiaêahua Jesucristo, equie nú unguti Jesucristo, ulaxu nú rnibiyaê leyê Moisés luhua. Neequie necalahua bee beneê Jesucristo. Liêinu enu uhuañi zeca lu eluti, nu scua nuê modo nú riaêahua tucu nú niarquiê Diose nú riaêahua. 5 Xne chenu uhuañiaêahua tucu nú uniarquiêtsiaêahua aêla máse uriêi ley nú uyaêla elliebacuêahua para nú riaêahua lunú la nibiyaê ley nú riaêahua nu scua uriaêahua nú necha neca nú riala azeêcaêahua castiya. 6 Pero nee neca xi neca nú ungutilaêahua lu cuendaê ley, nee nú la nibiyaê ley luaêahua nu lunú ucheêela modo nú nehuañiaêahua, nee nuê modo nú riaêahua lunú niarquiê Diose nú riaêahua equie cuendaê Espíritu Santo nú nzu cuna liaêahua. Nu la necane equie nú nzenalaêahua nú rnibiyaê ley. 7 La nia luhua nú la neca nzeêca ley, xne lacane esquie. Xne tunu leca ley lá ariaêa beyaê nú xi neca dula, nu leca xunga ariaêa beyaê nú dula neca chenu rleêlu steneê saêlu, tunu leca nú rni ley: “La leêlu steneê saêlu." 8 Pero chenu uriêá beyaê nú la neca nzeêca nú rleê bene steneê saêlla che máse udala dula nú rriêá equie cuendaê ye nú rlea luêcua nú rluêcu stucu bene. Tunu leca ley lá ariêi bee bene beyaê xi neca dula. 9 Ante nú chulua ley ulleêcaa nú nehuañi nzeêcaa. Pero chenu uyulua ley uriêá beyaê nú rriêá dula nu equie cuendaê dula cuaê necaa xi neca tucu bene enu unguti. 10 Sibiê ley para nú riêi bee bene beyaê xneca riala nú huañilla. Pero para liêá sibiêtsia ley para nú atia. 11 Xne huaêtu uzequienu dula liêá nú nuê modo riêá ye nú rnibiyaê ley pero leêca lu cuendaê ley cuaê uriêá beyaê nú riala zecaa castiya. 12 Pero la necane nú necha neca ley xne Diose uduê ley, nu ye nú rni ley leêca Diose uduêe, nu neca nzeêcae, nu neli rnii. 13 La luêcu ley culpa nú atia, sino que dula neca nú uzequienu liêá para nú atia nu equie cuendaê ley cuaê uriêá beyaê nú necha neca nú rriêi bene dula. 14 Nediyaêahua nú equie cuendaê Espíritu Santo nzeêta ley nú rni equie cuendaênu. Pero lunú necaa bene, enzeêe siempre rriêi dula ana lua. 15 La riêá beyaê xi seêca xne lunú niarquia riêá la riêá, sino que lunú laniarquia riêá enzeêe neca nú rriêá. 16 Nu chenu rriêá lunú la niarquia riêá, scua rriêá beyaê nú neca nzeêca ley, xne lu cuendaê ley rriêá beyaê xi rriêá. 17 Nu la riêi riñaêa lunú la yala riêá, sino que rriêine equie cuendaê dula nú nuê arquia. 18 Xne lunú necaa bene, nediyaa nú lacaa bene nzeêca, mase nú niarquia riêá nú neca nzeêca, pero la riêá ana nú riêá scua. 19 La riêá ana riêá nú neca nzeêca niarquia riêá, sino que aêla lunú necha neca nú la niarquia riêá enzeêe rriêá. 20 Neequie tunu rriêá lunú la niarquia riêá, la neca nú rriêi riñaêne, sino que necane equie cuendaê dula nú nuê arquia enzeêe rriêá scua. 21 Pero nee rriêá beyaê nú máse niarquia riêá nú neca nzeêca, pero chu rriêi dula nú nuê arquia ana lua. 22 Chiquiê riuê arquia zucua nú rnibiyaê Diose. 23 Pero nuê tucu nú rcaa nú riêá scua, nu nucuaê neca dula, xne nuêscaê dula arquia. 24 ¡Cueêcurua! ¿Ti tsilaêa liêá lu castiya nú zecaa equie dula nú rriêá nú necaa bene? 25 ¡Pero cheêtsalá Diose nú equie cuendaê Jesucristo utsilaêanu liêá lu castiyacuaê! Xne mase rriêá elliebacuê nú riêá puro nú rnibiyaê Diose, pero lunú necaa bene, rriêi dula ana lua.