Romanos 6

1 La riêihua elliebacuê nú nia nú riêilaêahua dula para nú riêi nzeêcalá Diose luaêahua. 2 Lacane scua, xne neca xi neca nú ungutiêlaêahua lu dula, nu leca modo nú riêiláêahua dula. 3 Xne chenu uriênzaêahua equie cuendaê Jesucristo, neca xi neca nú ungutilaêahua cuna liêinu. 4 Chenu urinzaêahua neca nucuaê xi neca nú uhuachiêlaêahua cuna Jesucristo nu ungutilaêahua cuna liêinu para nú scua tucu nú uhuañinu lu eluti, cuna poderê Diose leêca nuê modo luêcuaêahua elunehuañi nú necuqui neca nu huañiaêahua tucu nú niarquiê Diose nú huañiaêahua. 5 Nu tunu neca tucunecatseêahua cuna Jesucristo lu elutiênu, leêca scua tucu nú uhuañi zecanu luêcuaêahua stucu elunehuañi nú necuqui neca. 6 Chenu unguti Jesucristo lu cruse, ungutinu equie ye nú necaêahua huaêtu chenu lascaê chuluaêahua liêinu, nu hasta luêtsia ulaxu nú necaêahua huaêtu xne lecaê modo nibiyaêlá dula luaêahua. 7 Xne bene enu ungutila lu cuendaê dula la nibiyaê dula lu nzeêe. 8 Nu equie nú unguti Jesucristo equie cuendaê stulaêahua, ungutiêlaêahua lu dula, nu leêca nediyaêahua nú huañiaêahua cuna liêinu. 9 Xne nediyaêahua nú chenu uhuañi zeca Jesucristo lu eluti, lecaê xunga atinu nu la nibiyaê eluti lunu. 10 Jesucristo ungutinu tucutsia bese equie cuendaê stula bee bene nu nee nehuañinu para nú zucuê ayanu Diose. 11 Leêca scua utsu arquiêhua nú ungutilahua lu dula nu nehuañihua para nú zibiêhua lu Diose, equie nú neca tucu necatselahua cuna Jesucristo. 12 Enzeêe diqui nú nehuañihua lu iliulabe quieê la zelahua nú nibiyaê dula luhua, nu la zelahua nú riêi elliebacuê nú necha neca ana luhua para nú riêihua nú necha neca. 13 La deteê cuendahua liêihua lu dula para nú riêihua nú necha neca, mejora uzuêcuêhua nú rni Diose xi neca tucu bene enu unguti nu uhuañi zeca para liêinu, nu uzelahua nú nibiyaênu luhua para nú riêihua nú neca nzeêca. 14 Nu nee la nibiyaê dula luhua xne la nibiyaê ley luhua sino que nehuañihua lu elusecaê Diose. 15 La nia luhua lunú nzenalaêahua elusecaê Diose nu nuê modo riêilaêahua dula, xne la nibiyaê ley luaêahua xne lacane scua. 16 Liêihua nediyaêhua nú tunu nuê tucu enu rnibiyaê luaêahua che rquiêña nú zucuaêahua stichiaê nzeêe. Nu tunu rnibiyaê dula luhua che yalahua castiya. Pero tunu sucuêhua Stichiaê Diose che huañi nzeêcahua. 17 Pero cheêtsalá Diose nú mase unibiyaê dula luhua huaêtu, pero nee diquinuê arquiêhua nzenalahua Stichiaê Diose. tucu nú ungalahua. 18 Nu nee nú la nibiyaê dula luhua nehuañilahua para nú riêihua tucu nú niarquiê Diose. 19 Rnia luhua puro bee bedichiaê nú rriêihua beyaê nú xi rni, xne nediyaa nú neriñaê riêihua beyaê bee nucuaê tucu nú unibiyaê dula luhua huaêtu chenu uriêihua beenú la zibiê cuna beenú necha neca, nee uzelahua nú nibiyaêli Diose luhua para nú riêihua nú neca nzeêca, nu uhuañihua tucu nú niarquiênu nu huañihua. 20 Chenu unibiyaê dula luhua lá chenu arquiêhua nú ahuañi nzeêcahua. 21 Pero, ¿xi uriêihua ana equie beenú necha neca uriêihua tiembu zeêe, nu neequie rtuêhua equie cuendaê beenú necha neca cuaê uriêihua? Xne nediyaêhua nú equie cuendaê nucuaê nzeêta castiyaê Diose. 22 Pero nee nú la nibiyaê dula luhua nu sucuêhua nú rni Diose, nucuaê ñia neca xne scua nuê modo huañihua tucu nú niarquiê Diose nú huañihua nu añica luêcuhua elunehuañi nú leca xunga laxu lunu. 23 Xne lunú rriêi bene ana nú rriêi bene dula neca castiya pero nú lia rliquiê Diose neca elunehuañi nú leca xunga laxu equie cuendaê Jesucristo enu rnibiyaê luaêahua.