San Lucas 9

1 Uquieteêsaê Jesuse chiêchiucu bee beneênu, nu udeteênu poder lubeella para nú hua beella ye clasiaê bee benechiquiê arquiê bee bene cuna nú riêiyeca beella bee bene enu riti. 2 Uxeêlanu liêibeella para nú ixiuleêe beella xa neca lunú rnibiyaê Diose, cuna nú riêiyeca beella bee bene enu riti. 3 Nu uninu lubeella: âLecaxi uyaêhua para inziu, niê xcahua niê biti, niê pá nu acuhua, niê dimi, niê xucuhua para nú cheêehua la uyaêhua. 4 Tatse niêi bee bene elu riñahua, uyaênatsiahua niêi zeêe, hasta nú chiuêuhua eyeche zeêe. 5 Nu tunu nuê tucu eyeche elu la zela bene nú yaênahua niêlla, uchiuêuhua eyeche zeêe nu riêquihua yuu beêchaê nú nuê cuchiuêhua xi neca tucu seña nú lá yucu arquiêbeei Stichiaê Diose. 6 Chequie uchiuêu beella nu nzuebeella cada tucua eyeche udixiuleêe beella bedichiaê nzeêcaê Diose lubee bene, nu uriêiyeca beella bee bene enu riti. 7 Chenu ubeneê arre Herodes ye bee milagro nú rriêi Jesuse, la riêilla beyaê ti necanu. Xne nuê bee bene enu rni nú uhuañi zeca Juan Bautista. 8 Nu nuê bee bene rni nú profeta Elías ulubeêlu. Nu nuê bee bene rni nú necanu tucu bee profeta huaêtu enu uhuañi zeca. 9 Pero uni Herodes: âLiêá unibiyaêa nú uruêu lluca equie Juan Bautista. ¿Ti benecuaê nú rienea nú rriêilla huaxi bee milagro scua? Nu chiquiê niarquiê Herodes nú lañiêlla Jesuse. 10 Chenu ubenchilaê bee apóstolê Jesuse, udixiuleêe beella lunu beenú uriêi beella. Che unguyaênu beella tucu luhuare elu la nucuaêa bee bene axu eyeche Betsaida. 11 Pero chenu uriêi bee bene beyaê, chu nzequie beei liêinu. Nu uya chaêcalu Jesuse liêibeei nu udixiuleêenu lubeei xa neca nú rnibiyaê Diose, nu uriêiyecanu bee bene enu riti. 12 Chenu nze cheela, uyabica chiêchiucu bee beneê Jesuse lunu nu uni beella lunu: âUniê lubee benequieê nú yue beei para nú chetsulachi beei nu chélaêna beei nú acu beei lubee eyeche axu caêa, xne elu nelluaêahua caêa lecalí xinuê. 13 Pero uni Jesuse lubeella: âLiêihua udeêtehua nú acubeei. Nu ucuaqui beella lunu: âRluêcutsiaru ayuê pá cuna chiucu bela. Mejora chatsiaêahua nú acu ye bee benequieê. 14 Neca tucu ayuê mili bee niyu zeêe. Pero uni Jesuse lubee beneênu: âUniêhua lubeei nú cuaêa cincuentaa cincuentaa beei cada tucu luhuare. 15 Scua uriêi beella, nu chu ucuaêa ye bee bene zeêe. 16 Chequie unaêtse Jesuse ayuê pá zeêe cuna chiucu bela zeêe, nu ubiêyanu enza liñibe nu udeteênu cheêtsa lu Diose, nu uleêenu bee pá zeêe cuna bee bela zeêe nu udeteênu nucuaê lubee beneênu para nú ritsiê beellae lubee bene zeêe. 17 Ye bee bene zeêe udacu beei hasta nú ubelaê beei. Chenu ulaxu nú udacu beei, uquietesaêscaê beella chiêchiucu llume bee pedaso bee pá leêe cuna bee bela lunú uyaêna udacu beella. 18 Tucu bichia chenu unacuê liêitsia Jesuse lu Diose nzununu bee beneênu zeêe. Che unidichiaênu lubeella: â¿Ti rni bee bene nú necaa? 19 Nu ucuaqui beella lunu: âNuê bee bene rni nú necalu Juan Bautista. Nu leêca nuê bee bene rni nú necalu profeta Elías, nu leêca nuê bee bene rni nú necalu tucu bee profeta huaêtu enu uhuañi zeca. 20 Che uninu lubeella: â¿Nu liêiquieehua ti rnihua nú necaa? Nu ucuaqui Pedro lunu: âLiêilu necalu Cristo enu uxeêla Diose. 21 Pero uni Jesuse lubeella nú la ixiuleêe beella nucuaê lu niê tucu bee bene. 22 Nu uninu lubeella: âLiêá Bene enu uxeêla Diose chiquiê nehuana zecaa, nu lee bee usticiaê bee bene Israel lua, cuna bee uleêya enu rnibiyaê lubee uleêya, cuna bee ulaxcuela enu reca leyê Moisés, uti beei liêá, pero bichia rriuna huañi zecaa stucu bese. 23 Che uninu lu ye bee bene: âTunu nuê bee bene enu niarquiê nú aca benea, la yala nú riêitsialla tucu nú necatsia elliebacuêlla. Nu ye bichia riquiêlla lubee nú xi zecalla equie nú necalla benea, nu chu yeêta quieella liêá. 24 Xne bee bene enu másela niarquiê huañi lu iliulabe quieê enta bichia nú laxu nucuaê. Pero bene enu ati equie nú necalla benea, luêculla elunehuañi lu Diose. 25 Lecaxi zibiê nú riêi bene ana ye beenú nuê lu iliulabe, tunu leêca liêitsialla nze nitilulla liêilla. 26 Tunu nuê bene enu tuê liêá cuna stichiaêa, leêca liêá Bene enu uxeêla Diose tua liêilla chenu nzela nú necaa arre cuna lunú rnibiyaê paa cuna lunú rnibiyaê bee ángeleênu. 27 Ixiuleêa luhua nu nuê bee bene enu nucuaêa caêa lá atiscaê, hasta nú lañiê beei xa neca lunú rnibiyaê Diose. 28 Chenu udete xi neca tucu xmana nú uni Jesuse bee bedichiaê cuaê, uyanu equie tucu dañi unacuênu lu Diose, nu unguyaênu Pedro, cuna Jacobo, cuna Juan. 29 Pero diqui nú rnacuê Jesuse lu Diose ucheêe xa rnaa lunu, nu chiquiê unga niquichiu xucunu nu tuêna rulu siquiêi. 30 Nu ulubeêlu chiucu niyu enu rdichiaênu liêinu zeêe. Bee bene zeêe neca Moisés cuna Elías. 31 Nu chiquiê rulu siquiê beella nu rdichiaênu beella Jesuse equie nú atinu nu nehuana zecanu eyeche Jerusalén. 32 Añinzuca nú chiquiê riuêu calaê lu Pedro cuna lubee saêlla, pero né aêtse beella, nu ulañiê beella nú rulu siquiê Jesuse cuna rucu bene enu nzununu zeêe. 33 Chenu lecaê rucu benecuaê elu nzu Jesuse, uni Pedro lunu: âMaestro, ¡neca nzeêca nú nelluaêahua caêa para nú recheêru chuna ranchu, tucue para liêilu nu stucue para Moisés, nu stucue para Elías! Pero la riêi Pedro beyaê xinu rnilla scua. 34 Diqui nú rnilla scua, ulaca tucu xcabe nú utsacuê equie beella, nu ulliqui beella chenu nchiñi beella liñi xcabe zeêe. 35 Nu liñi xcabe zeêe uyene tucu chii enu uni: âBenequieê neca Lliêñia enu chiquiê seêca, uzuêcuêhua stichiaênu. 36 Chenu ulaxu nú ubeneê beella chi enu uni zeêe, ulañiê beella nú stucu liêi Jesuse nzunu zeêe nu né nilí beella. Bee bichia zeêe niê tucu leca tilu udixiuleêe beella lunú ulañiê beella. 37 Chenu uyeêe lu yuu stucu bichia, nú ulaca beella equie dañi zeêe, huaxi bee bene uchiuêu uya chaêcalu Jesuse. 38 Chequie tucu bene enu nzeêta leta bee bene zeêe urixialii nú uni: âMaestro, ubiêyacuru endua, tucutsia liêi necai endua. 39 Nu nchiñi benechiquiê arquiêi nu rriêi nzeêe nú rixialii, nu secai ichia ziña nu xiuêu lliña ruêi, rtiêqui benechiquiê cuaê liêi nu la tsanaê nucuaê liêi. 40 Uzequieelá lubee beneêlu nú hua beella benechiquiê cuaê arquiê endua, pero lá aca beella. 41 Nu ucuaqui Jesuse nú uninu: â¡Cueêhua bee bene enu rluêcu dula nú la chili arquiêhua liêá! ¿Se xala tiembu rquiêña nú tsunua liêihua nu xa riquilá liêihua? Uteyuu enduêlu caêa. 42 Pero chenu nzebica enduê zeêe lu Jesuse, utsiêqui benechiquiê liêi lu yuu nu ulleêca zecai ichia ziña stucu bese, pero unibiyaê Jesuse lu benechiquiê nú chiuêi arquiê enduê zeêe nu uriêiyecanu liêi, che udeteê cuendanu liêi lu paêi. 43 Ye bee bene enu nucuaêa zeêe chiquiê uyanu arquiêbeei chenu ulañiê beei lunú llene neca nú reca Diose. Udixiuleêe Jesuse bese rrucu nú uti bee bene liêinu (Mt. 17:22-23; Mr. 9:30-32) Diqui nú nzenu arquiêbeei lunú rriêi Jesuse, uninu lubee beneênu: 44 âUquieêe nzeêca diacahua lunú nia luhua nu la zañiêhua nucuaê. Liêá Bene enu uxeêla Diose deteê cuenda bee bene liêá lubee bene enu rnibiyaê. 45 Pero lá riêi bee beneênu beyaê lunú rninu, xne lascaê deteênu nú rriêi beella beyaê, nu leêca xiqui beella nedichiaê beella lu Jesuse xi rni lunú uninu. 46 Chequie uquixie bee beneênu nú rni beella lusaêbeella nú tá beella neca enu máse neca equie. 47 Pero uriêi Jesuse beyaê lunú xa rriêi beella elliebacuê nu unaêtsenu tucu enduê utsunu elu nzunu, 48 nu uninu lubeella: âTatse bene enu riêi elietsa lu enduê quieê equie cuendaê liêá, neca xi neca nú rriêi nzeêe elietsa lua, nu tatse bee bene enu rriêi caso liêá, leêca rriêi caso nzeêe bene enu uxeêla liêá. Enzeêe enu máse lecati neca letahua, neca nzeêe enu máse neca equie. 49 Chequie uni Juan lunu: âMaestro, ulañiêru tucu bene enu rlua benechiquiê arquiê bee bene equie nú leelu, pero uniru lulla nu la riaêlla scua xne la acalla bene letaêahua. 50 Pero uni Jesuse lubeella: âLa cáhua nucuaê, xne enu la riêi condra liaêahua nzu nzeêe chuêahua. 51 Chenu nzeêta riña bichia nú nzia Jesuse liñibe, che utsu naaqui arquiênu nu nzanu Jerusalén. 52 Uxeêlanu bee bene enu uriculu para nú chue beei tucu eyeche nú nchiucuê lu iliu Samaria para nú cuaêna beei elu yaêna beella zeêe. 53 Pero lá zela bee bene eyeche zeêe ayaênanu eyeche zeêe, xne uriêi beei beyaê nú nzanu Jerusalén. 54 Chenu ulañiê Juan cuna Jacobo nucuaê, che uni beella lunu: âDetá Jesuse, ¿niarquiêlu nú nibiyaêahua nú laca quii enza liñibe para nú laêxue bee bene cuaê tucu nú uriêi profeta Elías la? 55 Chequie ubiêya Jesuse lubeella, nu uquiêyaê beella uriêinu nú uninu lubeella: â¿Xieê la riêihua beyaê nú lu bezeêlu nzeêta nú rnihua scua la? 56 Xne liêá Bene enu uxeêla Diose, lá yela para nú riêá nú ati bee bene, nzela para nú tsilaêa liêibeei lu dula. Che chu nzuebeella stucu eyeche. 57 Diqui nu nzuebeella inziu, uni tucu niyu lu Jesuse: âNiarquia nu nzela quiea liêilu catse elu nzalu. 58 Che ucuaqui Jesuse lui: âBee betsa rluêcuí bee iliuêu nú neca niêí nu bee iñi rluêcuí exliaêtseêí, pero liêá Bene enu uxeêla Diose niê elu quiee nchiñaê equiea la lucua. 59 Nu uni Jesuse lu stucu bene: âUtequiee liêá. Pero ucuaquii lunu: âUzela nú biêya paa hasta nú atinu nu che chu nzela quiea liêilu. 60 Che uni Jesuse lui: âUtsaêna paêlu cuna bee bene enu neca xi neca bene enu unguti, pero liêilu uquia tixiuleêe xa neca elurnibiyaê Diose. 61 Nu uni stucu bene lu Jesuse: âNiarquia nú nzelanala liêilu, pero rluti uzela nú nze tixiuleêexua lubee benea. 62 Pero uni Jesuse lui: âBene enu nzene ya acaratu nu belletalla enza diêchilla, leca modo nú cha neli excuêlla. Leêca esquie bee bene enu niarquiê nú yeêta quiee liêá, tunu la cheêe arquiêbeella lunú xa nehuañi beella, leca modo nú aca beella bee beneê Diose.