Gálatas 5

1 Jesucristo utsilaêa liaêahua para nú la nibiyaê ley luaêahua enzeêe utsutaê arquiêhua nu la zelaêhua acahua stucu bese xi neca esclavo equie nú rriêihua nú rnibiyaê ley. 2 Liêá Pablo nia luhua: Tunu liêihua aquie seña nú rnibiyaê ley nú quiehua lecaxi zibiê nú nzeli arquiêhua Jesucristo che. 3 Nu liêá rni zeca luhua: Titse bene enu quie señacuaê cuerpoê rquiêña nú riêilla ye nú rnibiyaê ley. 4 Liêihua enu rriêi elliebacuê nú lunú sucuêhua nú rnibiyaê ley che la luêcuhua dula lu Diose. Nucuaê rriêi nú lacaêhua beneê Jesucristo nu niê la luêcu cuendaêhua elusecaê Diose. 5 Pero liaêahua equie cuendaê Espíritu Santo, nu lunú nzeli arquiaêahua Jesucristo nzucu luaêahua nú riñaêahua lu Diose sin nú luêcuaêahua dula. 6 Xne chenu neca tucunecatsela bene cuna Jesucristo lecaxi sibiê nú nequie seña bene urre la nequie seña bene. Lunú mase sibiê neca nú nzeli arquiê bene Jesucristo nu lunú nzeli arquiê bene rlucu bene eluseca, che nuê modo nehuañi nzeêca bene. 7 Liêihua nzeli nzeêca arquiêhua. ¿Nu ti uni luhua nú lá riêi casoaêhua lunú neli neca? 8 Xne elliebacuêcuaê la yeêta lu Diose xne liêinu ucañilanu liêihua para liêinu. 9 Enzeêe ubiêyahua liêihua xne canu terratutsia nuê modo zequienu bee bene yehua. 10 Pero liêá nzutaê arquia lu Jesucristo, nú la chiecuê arquiêhua Stichiaê Diose nú uzetelahua. Nu Diose deteê castiya bene enu sequienu liêihua lecaxi riêi nú ti neca nzeêe. 11 Tunu liêá rniscaêlá luhua nú rquiêña nú quie seña bee bene, ¿xieê tiliacaê bee bene Israel liêá nu útibeei liêá chela? Nu tunu nia nú quie señacuaê bee bene neca nucuaê nú lecaxi zibiê nú unguti Jesucristo lu cruse che. 12 ¡Alaê nú bee bene enu rriêilliêbi arquiêhua rni nú rquiêña nú quiee, señahua alaê nú liêi eêcubeei chiecuêlí beei elunecachiêbeei! 13 Xne la nibiyaê ley luhua, nu la neca equie cuendaê nú la nibiyaê ley luhua nú riêitsiahua lunú niarquiêhua, sino que uzecahua bee saêhua nu uriêihua elietsa lubeella. 14 Xne tunu sucuêla bene tucu mandamiento nú rni: “Uzeca saêlu tucu nú secalu liêilu”, che sucuêla bene yenú rnibiyaê leyê Diose. 15 Pero tunu liêihua rana arquiêhua saêhua nu rliunuhua saêhua xi rriêi bee nañi ubiêyahua liêihua xne canu riêi nucuaê nú leêesaêhua. Uhuañihua tucu nú niarquiê Espíritu Santo nú huañihua. 16 Enzeêe nia luhua, uhuañihua tucu nú rnibiyaê Espíritu Santo luhua nú huañihua. Nu scua la huañiaêhua lunú necha neca nuê elliebacuêhua. 17 Xne lunú nehuañi bene lunú nechá neca nuê elliebacuê bene, lacane tucu nú rnibiyaê Espíritu Santo nú huañi bee bene. Nu tucu nú rnibiyaê Espíritu Santo nú huañi bee bene, lacane tucu nú niarquiê bee bene nú huañilla. Niê tucue nu niê stucue la uyaê saêe nu laca igualee, enzeêe liaêahua leca modo huañiaêahua tucu nú niarquiêtsiaêahua. 18 Pero tunu Espíritu Santo neca enu rnibiyaê luhua che la nibiyaê ley luhua. 19 Neequie achee neca nú necatsia elliebacuê bee bene: Necane eluhuexe nu beenú lecaxi zibiê, nu yelu clasiaê bee biciu. 20 Nu rluêcu beei ulaêna lubeenú seca beei nú neca diose nu rduê ixiu beei saêbeei, nu rliubeei, nu neyiê rcuaêa beei. Nu terratutsia rlebeei, nu rriêibeei nú rleêe saê bee bene, nu leêca rluêcubeei bee beneêbeei, 21 ria arquiêbeei, nu ruuti beei bene nu necabeei uniqui, nu racu xetaê beei, nu nuê beelá beenú iguale saêbee nucuaê rriêibeei, ni zeca luhua stucu bese tucu nú unila luhua ante, bee bene enu rriêi scua leca modo chuêu liñibe elurnibiyaê Diose. 22 Pero lunú rliquiê Espíritu Santo neca nú zeca bene saêbene, nú ñia tsu arquiê bene, nu la huañi bene cuna xuu, nú luêcu bene paciencia, nú ñia riêi bene lusaê bene nu riêi nzeêca bene lusaê bene nu tsaêalu bene stichiaêbene, 23 nu aca lleêna arquiê bene, nu riêilla ana lu elliebacuê nú necha neca, nu leca niê tucu ley nú cá nú riêi bee bene bee nucuaê. 24 Nu bee bene enu necala bee beneê Jesucristo para liêibeella neca xi neca nú ungutila yebee nucuaê, cuna yebeelá beenú nechá neca xne ungutila Jesucristo lu cruse equie cuendaê ye dula. 25 Nu nee nú nzu Espíritu Santo cuna liaêahua rquiêña nú huañiaêahua tucu nú rnibiyaênu nú huañiaêahua. 26 La aca nelliñaêahua nu la riaêahua nú le bene lu saê bene, nu la yea arquiaêahua lubee saêahua.