Gálatas 4

1 Xi neca tucu enduê llaêna enu atiê herencia, nú chenu lleênanu la luêcunu elurnibiya xi neca tucu mosoê, añinzuca nú necala steneênu, bee steneê paênu. 2 Pero nuê bee bene enu rriucu liêinu nu rnibiyaê lunu cuna lubee steneênu hasta nú riña bichia nú uni paênu nú yucunu herencia cuaê. 3 Leêca scua necane lu cuendaêahua, xi uriêi enduê uriaêahua huaêtu xne uyanalaêahua ye bee costumbreê bee bene. 4 Nu chenu uriña bichia nú uni Diose nú xeêlanu lliêñinu lu iliulabe, ungulanu equie cuendaê tucu unaêa. Nu uhuañinu tucu nú unibiyaê leyê Moisés nú huañi bee bene. 5 Para nú uhuanu liaêahua lu ley cuaê, nu scua yucu Diose liaêahua xi neca bee lliêñinu. 6 Nu lunú necaêlaêahua lliêñi Diose, liêinu uxeêlanu Espíritu Santoê lliêñinu Jesucristo luaêahua para nú huañiaêahua cuna liêinu, nu equie cuendaê Espíritu cuaê rniaêahua: “¡Pa Diose!" 7 Enzeêe la necaêahua xi neca esclavo lu ley sino que lunú necaêlaêahua lliêñi Diose, enzeêe rialaêahua herencia nú liquiênu luaêahua equie cuendaê Jesucristo. 8 Huaêtu chenu la chuluhua liêinu enu neca mero Diose, uzibiêhua lubee enu secahua nú neca diose, nu niê laca bee nzeêe Diose. 9 Pero nee nú nuêlulahua Diose nu leêca nuêlula Diose liêihua, ¿xiquie nú niarquiê zecahua riêihua yelu beenú uriêihua huaêtu? ¿Nu xiquie nú niarquiê zecahua nú aca zecahua esclavo lubee nucuaê stucu bese? 10 Nee nú rluêcu cuenda zecahua nú xi bichia nu xi uu nu xi lana nu xi tiembu nú riêihua tucu nú riêihua tucu nú neca costumbreêhua nú rriêihua huaêtu. 11 ¡Chiquiê xiquinuahua xne canú xleêe uzetea Stichiaê Diose liêihua! 12 Enzeêe bee saêa enu nzeli arquiaêahua Jesucristo zequiaa luhua: Nú uhuañihua tucu nú nehuañia, tucu nú ulaêna nú uhuañia xi nehuañihua, la nia luhua nú nuê xi tucu nú necha neca uriêinuhua liêá. 13 Xne liêihua nediyaêhua nú bese rluti nú uzetea liêihua bedichiaê nzeêcaê Jesucristo, ritia bichia zeêe. 14 Pero añinzuca nú scua ulleêca pero uriquiêhua liêá nu lá huachuhua liêá nu leêca né tsanaê arquiêhua liêá, sino que uriêi casohua liêá xi neca tucu ángeleê Diose urre xi neca liêi eêcu Jesucristo. 15 Liêá nediyaa nú tunu nuê modo hasta iêculuhua luahua liquiêhua lua. Nu nee, ¿cá uriêihua nú uzecahua liêá? 16 U, ¿xieê aêla rana arquiêhua liêá, lunú unitsia luhua lunú neli neca la? 17 Nia luhua nú bee bene enu rlaêna nú xa zucuêhua nú rnibeei lacane nú rriêi nzeêcabeei elliebacuê urre secabeei liêihua sino que elliebacuêbeei neca nú tsanaê arquiêhua lunú uzetea liêihua nu niarquiêbeei nú máse riêi casohua stichiaêbeei. 18 La necha neca nú seca bene saêbene pero rquiêña nú riêillae cuna elliebacuê nzeêca diqui tiembu, nu la riêihua scua chenu nzutsia cuna liêihua. 19 Xne liêá seêca nú necahua xi neca bee endua. Nu stucuaêla nehuana seêcaa equie cuendaêhua xi nehuana seca tucu unaêa chenu ala enduêlla. Nu la tsuxe nú nehuana seêcaa hasta chenu neli nzenalahua Jesucristo tucu nú rialane. 20 ¡Alaê nú nee nzu liêi eêcua luhua para nú nia luhua bee bedichiaê nú riêi nzeêcahua beyaê pero nee niê la riêá beyaê xa riêinuahua! 21 Liêihua enu niarquiê nú huañi tucu nú rnibiyaê leyê Moisés. ¿Xieê lascaê riêihua beyaê nú rni leycuaêla? 22 Lu leyê Moisés rni nú uluêcu Abraham chiucu enduê. Uluêculla tucu enduê cuna unaêa enu utsilla lee Agar nu leêca uluêculla stucu enduê cuna mero unaêalla Sara. 23 Enduê Abraham enu unganu Agar, unganu Agar enduê Abraham xne uzucunulla Abraham. Pero enduêlla enu unganu mero unaêlla, ungulanu pero la necane equie cuendaê nú uzucunutsialla unaêlla, sino que ungulanu para nú yalu lunú ucuaqui uêna Diose lu Abraham. 24 Nu nee Sara cuna Agar, neca tucu ejemplu luaêahua equie chiucu inziu nú nuê chenala bee bene, tucu inziu cuaê neca nú chenala bee bene ley nú udeteê Diose lu Moisés equie dañi nú lee Sinaí, nu bee enu nzenala ley cuaê neca xi neca esclavo lu leycuaê xi unga Agar esclavo lu Abraham. 25 Nu liêihua nediyaêhua nú enza Arabia nzucu dañi nú lee Sinaí nu bee bene enza zeêe rriêchiabeei dañi zeêe Agar. Pero nee Jerusalén neca xi neca dañi zeêe xne yebee bene enu nucuaêa Jerusalén, bee enu nzenala ley, neca beella xi neca esclavo lu ley. 26 Pero liaêahua lachiaêahua neca Jerusalén liñibe nú laca esclavo lu ley, tucu nú lá aca Sara esclavo. 27 Nu lu ichiê Stichiaê Diose rni: Ãia utsu arquiê liêilu unaêa enu leca modo nú luêcu enduê; nu chiquiê ullilaê liêilu enu la chulu xa nehuana seca tucu unaêa enu rala enduê. Xne huaxilá enduê luêcu unaêa enu leca modo luêcu enduê luquela unaêa enu rluêcu niyuê. 28 Bee saêa enu nzeli arquiaêahua Jesucristo liêá rnia luhua nú tucu nú ungula Isaac equie nú uchili arquiê Abraham Stichiaê Diose nú acane scua leêca scua liaêahua necaêlaêahua beneê Diose xne nzeli arquiaêahua stichiaênu. 29 Nu tiembu zeêe enduê Agar, la yuê arquiêi enduê Sara unaêa Abraham. Leêca scua bee bene enu nzenala nú rni leyê Moisés sequichiaê beei liaêahua nú nzu Espíritu Santo cuna liaêahua, nu lunú necaêlaêahua beneê Diose. 30 Pero liêihua nediyaêhua nú lu ichiê Stichiaê Diose rni: “Uteliacaê unaêa enu utsilu cuna enduênchu, xne la yala nú atiê enduê cuaê herencia nú riala enduê Sara unaêalu." 31 Enzeêe bee saêa enu nzeli arquiaêahua Jesucristo liaêahua la necaêahua xi neca enduê unaêa enu utsi Abraham sino que liaêahua necaêahua xi neca enduê Abraham enu uluêcu unaêlla xne la nibiyaê ley luaêahua.