Efesios 5

1 Scua tucu nú necalahua lliêñi Diose enu secanu, ulaênahua nú riêihua tucu nú rriêinu. 2 Huañi nzeêcahua, uzecahua bee saêhua tucu nú seca Jesucristo liaêahua nú udeteê cuendanu liêinu nú ungutinu equie cuendaêahua, nu unganu xi neca tucu uêna nú ñia rlia para Diose. 3 Liêihua enu necala bee beneê Diose, la tsu neyiêhua nu niê la yala nihua bee bedichiaê nú necha see, cuna yelu beenú lecaxi zibiê. 4 La nihua bee bedichiaê nú necha see, niê bee bedichiaê nú lecaxi zibiê nu bee bedichiaê nú la yala nihua, xne la neca nzeêca bee nucuaê. Mejora udeêtehua cheêtsa lu Diose. 5 Xne nediyaêlaêhua nú bee bene enu nehuañi lu eluhuexe, nu bee enu rriêi nú necha neca, nu bee enu neyiê rcuaêa nu niarquiê luêcu huaxi beenú luêcu, máse seca beei bee nucuaê luquelá Diose, leca modo chuêu bee nzeêe elurnibiyaê Jesucristo nu Diose. 6 La zelahua nú ti zequienu liêihua cuna bee bedichiaê nú lecaxi zibiê, xne equie beenú lecaxi zibiê cuaê nzeêta castiyaê Diose lubee bene enu la zucuê stichiaênu. 7 Enzeêe la riêihua tucu nú rriêibeei. 8 Ante uhuañihua xi neca bene enu necabe elliebacuê, pero nee lunú neca tucu necatselahua cuna Jesucristo enu neca ellieêe luhua. Enzeêe uhuañihua xi nehuañi bee bene enu nzenala ellieêe cuaê, 9 xne lunú nzenala bee bene ellieêe cuaê, che rriêilla nú neca nzeêca, tucu nú rialane nu tucu nú neli neca. 10 Ucuaênahua nú riêihua tucu nú riuê arquiê Diose. 11 La riêihua beenú la zibiê nú rriêi bee bene enu necabe nzu elliebacuê, sino que uniêhua lubeei para nú riêibeei beyaê lunú rriêibeei. 12 Xne hasta rtuêbene ni lunú rriêi aêchiêbeei. 13 Pero equie cuendaê stichiaê Jesucristo chu riêibeei beyaê lunú rriêibeei. 14 Xne equie cuendaê stichiaênu rriêi bee bene beyaê yeene. Enzeêe rni lu ichiê Stichiaê Diose: Udeêteê ellieêe liêilu enu nza inziu nú necha neca, utsanaê arquiê stulalu che xaêla Jesucristo elliebacuêlu. 15 Enzeêe ubiêyahua xa nehuañihua, xne la neca nú lia nehuañihua sino que ubiêyahua xa nehuañihua. 16 Diquila nú nehuañihua la zelahua nú lia xleêe dete bee bichiaêhua, uhuañihua tucu nú riala huañihua, xne tiembu quieê necha nehuañi bee bene. 17 Enzeêe la huañihua lunú necatsia elliebacuêhua, sino que ucuaênahua nú riêihua beyaê xa niarquiê Diose nú huañihua. 18 La lluchiêhua, xne elu xuchiê cuaê rnitilu bene, mejora uzelahua nú nibiyaêli Espíritu Santo luhua. 19 Uniêhua lubee saêhua bee Salmo, cuna bee himno, cuna bee canto nú neca para Diose, nu diquinuê arquiêhua ulaêhua nu uzuêcuê ayahua Diose. 20 Nu equie cuendaê Jesucristo udeêtehua cheêtsa lu Paêahua Diose ye bichia equie ye beenú rriêinu luaêahua. 21 Uzuêcuêhua nú rni bee saêhua equie nú rluêcuhua ulaêna lu Jesucristo. 22 Nu liêihua bee unaêa enu nechia uzuêcuêhua nú rni bee niyuêhua, tucu nú sucuêhua nú rni Jesucristo. 23 Xne niyu rnibiyaê lu unaêi, tucu nú rnibiyaê Jesucristo lubee bene enu nzeli arquiê liêinu, liêinu enu utsilaêa liêibeei. 24 Nu leêca scua tucu nú sucuê bee bene enu nzeli arquiê Jesucristo stichiaênu, leêca scua bee unaêa enu nechia rquiêña nú zucuêhua nú rni bee niyuêhua tucu nú rialane. 25 Leêca liêihua bee niyu enu nechia uzecahua bee unaêhua, tucu nú seca Jesucristo bee bene enu nzeli arquiê liêinu, nu hasta ungutinu equie cuendaêbeella. 26 Para nú uquieenu liêibeella lu cuendaê stula beella. Uquieenu liêibeella equie cuendaê stichiaênu nu cuna equie cuendaê elu rrinza, 27 para nú ñia naa beella riña beella lunu nu lecaxi na beella, sin niê tucu equiya nu niê xitse stucu bee dula, sino que lecalí xi naa beella sin dula. 28 Leêca scua bee niyu enu nechia rquiêña nú zeca beella unaêa beella, tucu nú seca beella liêibeella. Nu enu seca unaêa seca leêca liêi. 29 Xne niê tucu bene la chana arquiê leêcatsia liêi, sino que rebaculla liêilla nu riêyalla liêilla, tucu nú rriêi Jesucristo cuna liaêahua enu nzeli arquiê liêinu, 30 equie nú neca tucu necatseêahua cuna liêinu. 31 Enzeêe tucu nú rni lu ichiê Stichiaê Diose: “Tsaêna niyu paêlla cuna naêlla para nú aca tucutsialla cuna unaêlla, nu rucu beella aca beella xi neca tucutsia bene." 32 Chiquiê neriñaê nú riêi nzeêca bee bene beyaê bee bedichiaê quieê, pero rniine xne leêca scua neca Jesucristo cuna bee beneênu. 33 Nee bee niyu uzecahua bee unaêhua tucu nú secahua liêihua, nu liêihua bee unaêa uluêcuhua ulaêna lubee niyuêhua.