Efesios 6

1 Leêca esquie liêihua bee enduê, uzuêcuêhua nú rni bee uzanaêhua xne scua rialane, equie nú nzeli arquiêhua Jesucristo. 2 Nu mandamiento rluti nú rni nú yucu cuendaêahua lunú ucuaqui uêna Diose luaêahua tunu zucuaêahua mandamiento nú rni: “Uluêcu ulaêna lu paêlu cuna lu naêlu, 3 para nú huañi nzeêcalu nu huañixeelu lu iliulabe quieê." 4 Nu leêca esquie liêihua bee paa cuna bee naa, la detehua lunú rriêinuhua bee enduêhua para nú la leebeei equie cuendaê nucuaê, mejora ubiêya nzeêcahua liêibeei, uniêhua bezeteê lubeei nu uzeêtehua liêibeei tucu nú niarquiê Diose. 5 Nu liêihua bee enu rriêi riñaê bee bene, uzuêcuêhua nú rni bene enu rriêihua riñaêlu lu iliulabe quieê, nu diquinuê arquiêhua uluêcuhua ulaêna lubeella, nu uzuêcuêhua nú rni beella, uriêihua xineca nú rriêihua riñaê Jesucristo. 6 Uriêihua riñaê beella, nu la riêihuane chenu riêyatsia beella luhua para nú yaêna nzeêcahua lubeella, sino que uriêihua riñaê beella xi neca nú sibiêhua lu Jesucristo, equie nú neli rriêihua tucu nú niarquiê Diose nú riêihua. 7 Uriêihua riñaê beella diquinuê arquiêhua, uriêihuane xi neca nú rriêihua riñaê Jesucristo xne la necatsiae riñaê bee bene. 8 Nu liêihua nediyaêlaêhua nú cada bee bene, mase nú necalla mosoê urre lacalla mosoê, pero deteê Jesucristo lulla nú riala nú atiêlla equie nú neca nzeêca uriêilla. 9 Leêca esquie liêihua bee patrón, aca nzeêcahua lubee mosoêhua, la riêihua nú nehuana zeca beella. Xne liêihua nediyaêhua nu liêinu enu rnibiyaê lubeella nu luhua nzucunu liñibe nu ante lunu iguale neca ye bee bene. 10 Leêca nia luhua bee saêa enu nzeli arquiaêahua Jesucristo nú utsutaê arquiêhua lunú neca tucu necatselaêahua cuna liêinu, lunú chiquiê rnibiyaênu. 11 Ubiêyahua liêihua cuna elietsaê Diose para nú tsutaê arquiêhua, nu para nú la riêi bezeêlu ana luhua nú zequienui liêihua. 12 Xne la liunuaêahua bee bene lu iliulabe quieê, sino que rliunuaêahua cuna yelu clasiaê bee benechiquiê, sia bee enu rluêcu nú rnibiyaê, cuna enu rluêcu elu usticia, cuna ye beelá bee espírituê bezeêlu nú nuê, nu rnibiyaê lu iliulabe quieê. 13 Enzeêe ubiêyahua liêihua cuna poder nú rliquiê Diose luhua para nú riquiêhua lu xitse beenú nehuana nzeêta zecahua, nu utsutaê arquiêhua mase secahua lunú secahua. 14 Utsutaê arquiêhua lunú neli neca nú nediyaêlaêhua, nu uyanalahua tucu nú riala nú huañihua. 15 Ucuaêa tsiñahua para nú ixiuleêehua lubee bene bee bedichiaê nzeêcaê Jesucristo nú rriêi nú nzuxe arquiê bee bene lu Diose. 16 Nu lu yeene la zañiêhua lunú nzu tenelí arquiêhua, nú neca nú rriêi elietsa luhua luye beenú necha neca nú nzeêta lu bezeêlu. 17 Nu lunú utsilaêa Diose liêihua nucuaê neca nú recanuê liêihua, nu stichiaênu neca xi neca tucu espada nú rliquiê Espíritu Santo luhua. 18 La tsanaêhua nú rnacuêhua lu Diose. Uzequiehua lunu nu unaêcuhua lunu yebichia cuna elietsaê Espíritu Santo. Utsutsiñahua unaêcuhua lunu nu la llacaêhua, nu unaêcuhua lunu equie cuendaê ye bee beneênu. 19 Leêca unaêcuhua lu Diose lu cuendaa para nú liquiênu bee bedichiaê nú riala nia para nú aca ixiuleêene lubee bene sin nú lliquia, nu nia bee bedichiaê nzeêcaê Jesucristo nú rni nú xneca tsilaêa bee bene. 20 Uxeêla Diose liêá para nú ixiuleêa bee bedichiaê nzeêca quieê, enzeêe nchiñia niêcuê nee. Pero unaêcuhua lu Diose para nú la lliquia nia equie cuendaênu tucu nú riala nú nia. 21 Tíquico, enu neca tucu bee saêahua enu chiquiê seêcaêahua enu neli rriêi elietsa luaêahua lunú sibiaêahua lu Jesucristo, liêilla ixiuleêella luhua lu ye nú xa nzucuaêa caêa nu xi rriêá. 22 Xne para enzeêe xeêlalla luhua para nú ixiuleêella luhua nú xa nelluaêaru caêa, nu scua duêlla ana arquiêhua. 23 Nacua lu Diose nú ye bee saêahua enu nzeli arquiaêahua Jesucristo liquiênu nú nzuxe arquiêhua, cuna eluseca, cuna nú chililá arquiêhua Paêahua Diose nu Jesucristo enu rnibiyaê. 24 Diose riêi nú cha nzeêca lu cuendaê ye bee bene enu neli seca Jesucristo enu rnibiyaê. Amén.