Efesios 4

1 Liêá enu nchiñia niêcuê lunú sibiêa lu Jesucristo, zequiea luhua nú scua tucu nú necalahua bee beneê Diose, uhuañihua tucu nú riala nú huañi bee bene enu necala bee beneênu. 2 Aca lleêna arquiêhua nu aca nzeêcahua, nu tsuquie arquiêhua, nu uriquiêhua bee saêhua lunú xi rriêinu beella liêihua, equie nú secahua beella. 3 Uzuêcuê luhua nú chenalaláhua nú neca tucu necatsehua cuna elietsaê Espíritu Santo, enu rliquiê nú nzuxe arquiêhua, nu rriêi nú neca tucu necatsehua. 4 Liaêahua necaêahua xi neca tucutsia bene, nu yeêahua nzu Espíritu Santo cuna liaêahua, nu scua tucu nú necalaêahua bee beneê Diose leêca scua tucutse nelluaêaquieêahua nú liquiênu luaêahua. 5 Tucutsia enu rnibiyaê, tucutsia nú nzutenelí arquiaêahua, nu tucutsia elu rrinza nuê, 6 xne nuê tucutsia Diose enu neca Paêahua nu liêinu rnibiyaênu lu yeêahua. Nu liêinu rnibiyaênu lu ye beenú nuê, nu nzunu cuna yeêahua nu rriaêahua lunú niarquiênu. 7 Pero cada tucuaêahua utsula Jesucristo nú riaêahua tucu nú uniarquiênu nú riaêahua. 8 Tucu nú rni lu ichiê Stichiaê Diose: Chenu uquienu liñibe, uriêinu ana lu ye bee elurnibiyaê, nu udeteênu lubee bene lunú riala riêi beella. 9 Nu, ¿xi rni elu rni nú “uquienu liñibe”? Rni nucuaê nú ubeêtanu lu iliulabe. 10 Nu Jesucristo enu ubeêta lu iliulabe, leêca liêinu uquienu liñibe nu rnibiyaênu diquineca iliulabe. 11 Nu udeteêlanu lubee bene lunú riala riêibeella, nuêbeella enu uyala nú aca bee apóstol, leêca nuêbeella enu uyala aca bee profeta, nu nuê beella enu uyala nú ixiuleêe stichiaênu lubee bene, nu leêca nuê beella enu uyala nú ni bezeteê nu zeteê bee bene enu nzeli arquiê liêinu. 12 Scua ucañi Jesucristo bee beneênu para nú zeteê beella beelá bee bene enu nzeli arquiê liêinu para nú scua aca beella zibiê beella lunu, nu nzechululá beella liêinu, 13 hasta nú nezaêli nú nzeli arquiaêahua nú chuluaêahua lliêñi Diose para nú riêiliaêahua beyaê xa riala chenalaêahua Jesucristo tucu nú rialane. 14 Chequie la aca neriñaê nú zequienu bee bene liaêahua xi sequienu bee bene bee enduê, la acaêahua xi neca tucu nú ruyaê bii enzichiuê enzerquie equie yelu beenú rdichiaê bee enu rlaêna nú xa modo zequienu bee bene. 15 Sino que rquiêña nú niaêahua nú nelíneca nu chenalaêahuane cuna eluseca nú rluêcuaêahua, nu lunú neca tucunecatseêahua cuna Jesucristo enu rnibiyaê luaêahua chenalaêahua tucu nú niarquiênu nú riaêahua. 16 Xne equie cuendaê Jesucristo iguale necaêahua nu necaêahua xi neca tucutsia bene, yeêahua enu nzeli arquiê Jesucristo, xne equie cuendaênu neca tucu necatseêahua, nu cada tucuaêahua riaêahua lunú riala riaêahua para nú riaêahua elietsa lubee saêahua, nu zecaêlaêahua bee saêahua. 17 Nu nee equie cuendaê Jesucristo nialuhua: La huañihua xi nehuañi bee bene enu la chulu Diose, xne liêibeei nehuañitsiabeei lunú necatsia elliebacuêbeei 18 nu necabe neca elliebacuêbeei. Nu la zucuêlubeei nú huañibeei tucu nú niarquiê Diose nú huañibeei, equie nú la riêibeei beyaê nu nziti arquiêbeei. 19 Lecaê xi zeca beei nu utsanaê arquiêlabeei leêcatsia liêibeei nu rriêibeei seidu nú nzeriêibeei yelu clasiaê beenú necha neca. 20 Pero liêihua lá chuluhua Jesucristo para nú huañihua scua, 21 tunu neli nú ubeneêlaêhua lu cuendaênu, nu neli nú ungalahua beenú neli neca nzeêta lunu. 22 Utsana arquiêhua lunú uhuañihua chenu lascaê chuluhua liêinu nucuaê rnitilutsia liêihua, xne bee elliebacuê nú necha neca uzequienu liêihua nu uriêitsiahua tucu nú uniarquiêtsiahua. 23 Ucheêelihua xa necahua, 24 para nú acahua xi neca tucu bene cuqui enu urecheê Diose tucu nú niarquiênu cuna tucu elunehuañi nú leca nú lixiu neca tucu nú rialane, equie cuendaê stichiaênu nú neli neca. 25 Enzeêe la niaêhua eluquichiaê, uniêtsiahua nú neli neca lubee saêhua xne neca tucu necatsela yeêahua. 26 Tunu rlehua, la riêihua dula. La ducheêhua elu rlecuaê arquiêhua debichia. 27 Para nú la deteêhua luhuare nu riêi bezeêlu ana luhua. 28 Bene enu rcachiê rquiêña nú tsanaêlla nú rcachiêlla, nu riêilla riñaê para nú equie riñaê nzeêca nú rriêilla nuê modo riêilla elietsa lubee bene enu nuê xi secalaêchaê. 29 Leêca la nihua bee bedichiaê nú necha neca, uniêtsiahua puro bedichiaê nzeêca nú riêi elietsa nu zibiê lu beelá bee bene enu yeneêe. 30 La riêihua nú tsúnehuana arquiê Espíritu Santoê Diose nú nzula cuna liêihua xi neca tucu seña nú rlubeê nú necalahua bee beneênu para bichia nú riñahua lunu. 31 Utsaênahua tucu chu ye nú rlee nzu arquiêhua, nu elu rlee, nu elu rana arquiê, cuna nú rixialihua lu saêhua, cuna bee bedichiaê chiêquiê, cuna ye beenú necha neca. 32 Aca nzeêcahua, nu uhuaêa arquiêhua bee saêhua nu uriêihua perdona bee saêhua tucu nú uriêi Diose perdona liêihua equie cuendaê Jesucristo.