2 Corintios 5

1 Liaêahua nediyaêahua nú cuerpo nú rluêcuaêahua lu iliulabe quieê neca xi neca tucu niêi nú enta bichia nú laxu lu iliulabe quieê, pero nediyaêahua nú liñibe Diose liquiê luaêahua stucu cuerpo, cuerpo nú lá arecheê bene xi recacheê xitse tucu niêi nu cuerpo zeêe luêcuaêahua diqui tiembu. 2 Enzeêe diquila nú rluêcuaêahua cuerpoêahua lu iliulabequieê xana bitsiêahua, nu niarquiaêahua nú alaê nú uriñala bichia nú luêcuaêahua stucu cuerpo nú luêcuaêahua liñibe. 3 Xne la acaêahua Espíritutsia liñibe leêca luêcuaêahua stucu cuerpo nú liquiê Diose luaêahua. 4 Diquila nú rluêcuaêahua cuerpoêahua nú rluêcuaêahua lu iliulabe quieê nehuana seêcaêahua nu nzenu arquiaêahua lunú seêcaêahua. Nu la niru nú niarquiêru nú yaênaru sin cuerpo lunú niarquiaêahua nú luêcuaêahua stucu cuerpo nú necuqui neca nú leca xunga laxu, nú tucu bichia nitilu, cuerpo nú rluêcuaêahua nú rquiêña nú nitilu. 5 Nu Diose urecheê liaêahua nú necaêahua scua lu cuendaê nú uliquiênu Espíritu Santoênu luaêahua, xi neca tucu seña luaêahua nú aca tucu nú unilanu luaêahua nú aca. 6 Enzeêe siempre nzuculuaêahua nú aca tucu nú uninu luaêahua nú aca, nu liaêahua nediyalaêahua nú diquila nú rluêcuaêahua cuerpo quieê leca modo riñaêahua elu nzucu Jesucristo liñibe. 7 Pero liêiru nzenalaru liêinu xne nzeli arquiêru liêinu nu la necane equie cuendaê nú rlañiêru liêinu. 8 Enzeêe nzucu luaêahua nú acane scua, nu niarquiaêahua nú alaê chu zaênaêahua cuerpo nú rluêcuaêahua lu iliulabe quieê para nú nzaêahua huañiaêahua cuna Jesucristo. 9 Enzeêe lecaxi riêi tunu nehuañiru lu iliulabe quieê urre liñibe, pero lunú niarquiêru neca nú riêiru lunú niarquiê Jesucristo. 10 Xne yeêahua rquiêña nú riñaêahua lu Jesucristo liñibe elu hualunue lu cuendaêahua para nú cada tucuaêahua atiaêahua lunú riala atiaêahua, equie nú uriêi nzeêcaêahua urre equie nú necha uriaêahua lu iliulabequieê. 11 Enzeêe lunú rluêcuru ulaêna lu Jesucristo, rquiêña nú rcuaênaru nú xneca chili arquiê bee bene stichiaênu. Nu nuêlu Diose nú ti necanu, nu alaê nú leêca nuuhua chuluhua nú ti necanu. 12 La cuaênaru nú sucuê ayaru leêcatsia liêiru tucu nú rriêi bee bene elliebacuê nú rriêiru, sino que lunú niarquiêru nú ñiatsu arquiêhua nu riêihua beyaê lunú neli neca lunú rriêiru, para nú acahua cuaquihua lubee bene enu máse rriêi caso nú xneca yaêna nzeêca beei lubeelá bee bene luhuare nú riêi beei elliebacuê nú xneca nehuañi beei ante Diose. 13 Nu nee tunu para bee bene ichia lucu seêcaru lunú rriêiru pero rriêirune lu cuendaê Diose. Nu tunu rriêinzeêcaru elliebacuê necane para nú riêiru elietsa luhua. 14 Equie nú seêcaru Jesucristo enzeêe rriêiru lunú rriêiru, xne liêiru nediyaêru nú unguti Jesucristo equie cuendaê ye bee bene, nu ye bee bene la quiêñaê nú huañi lu dula. 15 Nu Jesucristo unguti equie cuendaê stula ye bee bene, para nú ye bee bene enu nehuañi nee la huañi beella tucu nú necatsia elliebacuê beella, sino que nehuañitsia beella tucu nú niarquiê Jesucristo nú huañi beella, liêinu enu unguti equie cuendaê bee bene nu uhuañi zecanu stucu bese. 16 Enzeêe tunu huaêtu uriaêahua elliebacuê nú Jesucristo necatsianu tucu bene lu iliulabe, pero nee la riaêahua elliebacuê scua lu cuendaênu. Nu leêca la riaêahua caso nú xneca neca bee bene nu ti neca bee bene, 17 xne titse bee bene enu neca tucu necatsela cuna Jesucristo, liêilla necalla xi neca tucu bene cuqui, ye nú ungalla huaêtu udetelane nu nee necalalla xi neca tucu bene cuqui. 18 Pero ye nucuaê necane lu cuendaê elietsaê Diose, nu Diose uriêi nú equie cuendaê Jesucristo nelluaêa nzeêcaêahua cuna Diose, nu liêinu ucañinu liaêahua para nú dixiuleêahua lubee bene nú xneca modo cuaêa nzeêca bee bene cuna liêinu. 19 Nu ye nú uriêi Jesucristo nucuaê uriêi nú nzu nzeêca arquiê Diose lubee bene nu lá duê cuendanu stula beella nu Diose ucañi liaêahua para nú dixiuleêahua lubee bene nú xneca cuaêa nzeêca bee bene cuna liêinu. 20 Enzeêe liêiru necaru bee bene enu rni equie cuendaê Jesucristo luhua, nu neca xi neca nú liêi eêcunu necanu enu rni luhua. Nu equie cuendaê Jesucristo rnacuêru luhua nú cuaêa nzeêcahua cuna Diose. 21 Xne Jesucristo lá riêilinu dula, pero equie cuendaê stulaêahua uzela Diose nú unguti Jesucristo xi neca tucu bene enu rluêcu dula nu equie cuendaê nucuaê rluêcu cuenda Diose liaêahua xi neca tucu bene enu la luêcu dula.