LOMA 10

1 Baphangi bama, mabanza ma bukheti ma mbundu yama yi lombilu lwama kwena Nzambi kikuma kya Bayuta, menina ni bahuluka. 2 Mukuma yisi batila kimbangi ni benina yi tsambu ya lawu ya kusadila Nzambi, kaasi bisibwoku sadila bwosu buna yenina nzayilu yina yifwani. 3 Kikuma, bwosu bakonda zaya keti bweti kisi kitula Nzambi batu ba masonga amana bawu yi kusandaka keti bweti bakitukila batu ba masonga, bwabuna bakonda lemvukila ku mambu mana kisi zola Nzambi mu kukituka mutu wa masonga; 4 mukuma Kidisitu kenina tsuka ya mitsiku, ndangu kosu mutu wuna wukwikidini bamukitula mutu wa masonga. 5 Kikuma, Moyize kaÌsonika kikuma kya masonga mana misi tuka ku mitsiku: «Mutu wuna wasaÌla mambu mana mazodi mitsiku, kaziÌngila muna mitsiku meni myamina .» 6 Kaasi, tala buna misi zonza masonga mana misi tuka mu lukwikilu: «Wuzonzaku muna mbundu yaku: Nani wazaÌnza ku zilu?» âDisongidila: ndangu kalenga mukulumuna Kidisitu.â 7 Holo, «Nani wamuÌthuta mu kalunga?» âdisongidila kamulubula Kidisitu mu bafwaâ. 8 Biki wuzonzini si mukanda watoma? «Ndinga yenina bela-bela yi ngeyi, muna munwa waku yi muna mbundu yaku .» Yayina ndinga ya lukwikilu, thwisi longa. 9 Kikuma, honi, muna munwa waku wumuzayini Yesu ni Pfumu, amana honi, yi mbundu yaku, wukwikidi ni Nzambi waÌmutokamisa ku bafwa, wahuÌluka. 10 Mukuma, mu mbundu mwisi kala lukwikilu luna lwisi nata ku masonga, amana muna munwa mwamuna bisi tambwasila kidimbu kina kyisi nata ku luhulusu. 11 Kikuma Masonuku mazonzini: «Wosu wuna wakwiÌkila mwena yandi kakwaÌtukaku tsoni .» 12 Kikuma, kweku diswaswanu, mukati dya Muyuta yi wuna kondi kala Muyuta: boosu benina yi Pfumu mosi, wuna wenina mvwama kikuma kya boosu bana bisi mutela. 13 Mukuma bwaÌsonama: «Wosu wuna wateÌla zina dya Pfumu kahuÌluka .» 14 Kaasi, abweti bamuÌtela yandu bakondi kwikila? Amana abweti bakwiÌkila mwena yandu bakondi yuka kumulongila? Amana abweti bamuÌyuka honi heku mutu wulongidini mu ndinga ya yandi? 15 Amana abweti bakwenda mulongila yuka ni babatumiku? Bwosu bisi zonza muna Masonuku: «Kitoku zenina thambi za batu babana bisi kwenda samuna Misamu mya Bukheti !» 16 Kaasi boosu baÌlemvukaku ku Musamu wa Bukheti. Kikuma Yesaya kaÌzimbula: «A Pfumu, nani waÌkwikilawa Musamu wuna tusamunini ?» 17 Yihana ni, lukwikilu lwisi tuka kuna mana bisi yuka, amana mana bisi yuka mu lusadisu lwa ndaka ya Kidisitu. 18 Kaasi, phyudini: «Bayuta baÌyukawoku musamu meni wawuna? Kaasi, kinga ndinga ya bawu yaÌyukalakana kuna tsi yosu, ndaka za bawu zaÌtula yi kuna tsuka ya tsi muna bisi zingila batu.» 19 Kaasi phyudini: Kiseledi kaÌzayabwoku? Moyize, mutu wa theti, wuzimbudini: «YiluÌyukisa kiphala kwena kanda dina dikondi kala kanda dyama dya mukwandi; muna kanda dina dyakonda nduka, yithuÌbula khabu zenu.» 20 Amana Yesaya waÌmeka mu kusongila kikesa kya kuzimbula: «BaÌtsengumuna kwena babana bakalaku tsanda, yiÌdisongila kwena babana bakalaku phyula.» 21 Kaasi kikuma kya Kiseledi wuzimbudini: «Bilumbu byosu yikala lambula moku kwena batu bamosi bakolama amana bisi thendisa .»