LOMA 11

1 Amana phyudini: Keti Nzambi waÌbalosila batu bandi? Bwalendakanaku! Mukuma meni-meni yenina mwisi Kiseledi, muna butuka dya Bulahami, mwisi kanda dya Benzyame . 2 Nzambi kabalosidiku batu bandi, bana katekila sola . Luzayiku mana mazimbudi Masonuku muna kitini kina kabati nyengalakana Diya kwena Nzambi kikuma kya Kiseledi: 3 «Pfumu, baÌbahonda bambikudi baku, baÌmwanga mesa maku ma bimenga; yiÌsala meni hika, amana luzingu lwama babati sanda.» 4 Kaasi khi yawu mvutu ya Nzambi? «YiÌdiyidikila mafunda tsambwadi ma bayakala, babana baÌfutikaku kungulu ku thwala ya nzambi Baala .» 5 Tangwa dyadi phi kitesu kimosi, ndambu yisadini bwosu yaÌsolama kwena Nzambi muna khenda zandi. 6 Kinga, honi kikuma kya khenda, hana heku hika mambu matadidini mihangu; kondilo khenda zakaÌlaku hika khenda. 7 Amana biki si? Kina kisi sanda Kiseledi, kaÌlendakyoku: Kaka babana lwesi baÌsolama yi bawu baÌlendakya. Bahika bana, baÌbazitika mbundu, 8 bwosu baÌsonika: «Nzambi waÌbaheka kitembu kya luhuku, mesu ndangu bamonaku, matu ndangu bayukaku, tii yi kuna kilumbu kya lelu.» 9 Amana Tavidi wuzimbudini: «Mukinzi wa bawu wakala mutambu kikuma kya bawu, wanda yi kisinza kya kubwila, amana lwakala lufutu lwa bawu! 10 Mesu ma bawu makala mu phipha ndangu bamonaku! Wabavwembika makunda mu kimakulu !» 11 Amana mbati hyula: Bayuta badikhukudini ndangu balenga bwa kyamakulu? Bwalendakanaku! Kaasi, kikuma kya mutsoki wa bawu, luhulusu baÌhanalwa kwena bana bakondi kala Bayuta, ndangu bavundumuna kiphala kya Bayuta. 12 Kinga honi mutsoki wa bawu waÌnata kimvwama mu tsi, amana ho kudikulumuna kwa bawu kwaÌmvwamisa bana bakondi kala Bayuta, abweti ni bimvwama bya bawu byakonda hitakana mu luhulusu lwalunga! 13 Kwena benu baphani mbatibwa zimbula: Bwosu yenina thumwa wa baphani, meni mbati dizatula kikuma kya kisalu kyama, 14 ndangu, ho bwalendakana, mu kuyangumuna kiphala ha kati dya batu baba twenina bawu lutu lumosi yi kuhulula ndambu ya batu hana henina bawu. 15 Mukuma ho kingenga kya bawu kyaÌkala mutindu wa kuvutula ngemba mu tsi, abweti kwakaÌla kukokuluka kwa bawu, yuka ni ka luzingu ku ha kati dya bafwa? 16 Kinga, honi mutu kaheka Nzambi dipha dyandi dina dya theti, mapha mana masadini moosu makala matoma; amana ho musodi wakala watoma, mihandi phi bwabuna myenina . 17 Kiseledi kenina hanga miti wa olive wuna baÌhawula mihandi myahika; amana ngeyi, wuna wukondi kala Muyuta, miti wa olive wa mu tseki, baÌkunamika ha kifulu kya mihandi meni mina, amana honi wubati khundakana ku musodi yi ku budimbu bwa miti wa olive, 18 syaku lulendu ngeyi mutu wisi zyamina ku mihandi. Honi wasya lulendu, zimbakanaku ni ka ngeyi ku wisi zyamisa musodi, kaasi musodi wisi kuzyamisa. 19 WaziÌmbula bwabu: «Mihandi mina baÌhawulamya ndangu, meni, bandamika.» 20 Bwa bukheti lawu; baÌhawulamya kikuma kya kukonda kwa lukwikilu kwa myawu, amana ngeyi, kikuma kya lukwikilu wisi zyamina, wudikundikaku, kaasi kala mu bweya; 21 mukuma honi Nzambi kaÌbahawula Bayuta, mihandi mya kisina, keba kwaku ngeyi phi kakuÌsisaku. 22 Zayidila buweti yi nziki-nziki ya Nzambi: nziki-nziki kwena batu babana bamani bwa, yi buweti bwa Nzambi kwena ngeyi, honi wazingilaka muna buweti meni buna; kondilo, ngeyi phi bakuÌhawula. 23 Phila mosi phi yi bawu, honi bananginiku muna kukonda kwa lukwikilu lwa bawu, babaÌnamika; mukuma Nzambi kenina yi hamu dina dya kubanamika hika. 24 Kikuma, honi baÌkuhawula ngeyi muhandi wa olive dya mu tseki, amana wenina waswaswana yi kisina, baÌkunamika ku miti wa olive wa kukuna, abweti bakonda banamikina Bayuta benina mihandi mya kisina ku miti wa olive wa bawu-meni. 25 Mukuma nzodiku, baphangi bama, ni lwakonda zaya kitsweki kina, ndangu lwadimona nana ni benu lwenina badimuka: ndambu ya bisi Kiseledi baÌyika yi mbundu ya ngolu, tii yikuna bakotidini mu kanda dya Nzambi boosu bana bakondi kala Bayuta. 26 Yihana ni Kiseledi kyosu kyahuÌlukila, bwosu bwaÌsonama: «Muhuludi katuÌka ku Siyoni, kakaÌtula mbi yosu ya bana ba Yakobi. 27 Amana bwabuna bwakaÌla bulunda bwama yi bawu, mu tangwa dina yikaÌtula masumu ma bawu .» 28 Mu mana matadidini Musamu wa Bukheti, benina bambeni ba Nzambi kikuma kya benu; kaasi mu mana matadidini kusola kwa Nzambi, kisi bazola kaka kikuma kya bakhaka ba bawu. 29 Mukuma Nzambi kalendaku katula makabu ma khenda mana kahani amana kisiku soba mabanza kwena babana kaÌtela. 30 Kikuma mbala yikwawu, phila mosi yi benu, lwaÌkolama kwena Nzambi, amana buthwena, lutambudikini khenda, mu nzila ya kukolama kwa Bayuta. 31 Kikuma kya bawu phi, phila mosi, buthwena baÌkolama kikuma kya khenda zina baÌlufwila, kaasi ndangu, [buthwena] bawu phi babafwila khenda. 32 Mukuma Nzambi waÌbayafikila batu boosu muna kukolama ndangu kabafwila khenda zandi boosu. 33 Khi lawu dya kimvwama, yi mudimu yi nzayilu ya Nzambi! Nati walenda tendula pfundusu zandi! Khabu zandi bafwanizoku mu kumeka. Amana nzila zandi bafwanizoku mu kukota ? 34 Kikuma: «Nati waÌzayadya dibanza dya Pfumu? Nati waÌkala mulongisidi wandi? 35 Nati watekila mukabila Pfumu, ndangu yandi kalenga futa kunima ?» 36 Kikuma byosu byenina bya yandi, kwena yandi yi kikuma kya yandi. Khembu kwena yandi muna mvula yi mvula! Abwabuna!