LOMA 9

1 Kyedika mbati zonza mwena Kidisitu, mbatiku huna, katsasa kama kabati ta kimbangi mu nzila ya Kitembu Kyatoma: 2 kiwayi kya lawu yenina kyawu yi ndunza kosu tangwa muna mbundu. 3 Mukuma yizola ni bambundila, bangyekula kwena Kidisitu, kikuma kya baphangi bama, biwutu byama bya mu kimutu. 4 Bawu benina bisi Kiseledi, kwena bawu, kaÌhana Nzambi lukumu lwandi lwa tsatsidi ya bana, khembu, bulunda, mitsiku, bisambu, bilangi, 5 bakhaka, yi mwamuna kaÌbutukila, mu kimutu, Kidisitu wuna wenina ha thandu ya byosu, lukumu kwena Nzambi bilumbu byosu! Abwabuna! 6 Heku ni ndinga ya Nzambi yazimuka kyamakulu. Mukuma boosu babana baÌbutukila ku Kiseledi, beku bisi Kiseledi ba mukwandi. 7 Mu kukala bana ba Bulahami, boosu beku mu butuka dyandi, kaasi: «Mwena Yizaki waboÌngila dina batediki butuka dyaku .» 8 Disongidila ni, ka bana ba mu kimutu ku benina bana ba Nzambi, kaasi bana ba kilangi bisi tangama hanga butuka. 9 Kikuma, tala yayi ndinga ya kilangi: «Muna tangwa meni dina, yikwisa vutwakisa amana Sala kavwa mwana mosi wa yakala .» 10 Kuluta hika, ka yandi ku lwesi, kaasi bwabuna phi dyaÌkala kikuma kya Lebeka, waÌyimita vumu kwena yakala mosi lwesi, Yizaki, tata wetu; 11 kikuma hana bana khaniku kedi babutuka amana khaniku kedi bahanga keti kima kya mboti keti kya mbi. Kinga mukusya ni lwalungila lukanu lwa Nzambi, bwosu buna kaÌzola yandi meni, 12 heku ni kikuma kya mihangu, kwena yandi wuna wisi tela. Kaasi baÌzonzilabwa kwena Lebeka: «Wuna wenina mbuta kuluta kakaÌla muhika wa koma ka muleki.» 13 Bwosu bwaÌsonama: «YiÌmuzola Yakobi kaasi yiÌmumenga Kizawu .» 14 Amana biki si twaziÌmbula? Ni kwena Nzambi kukondi masonga? Bwalendakanaku! 15 Mukuma, kaÌzimbula kwena Moyize: «Kyadi yimuÌyukila wuna nzodi kuyukila kyadi amana yiyaÌnanina wuna nzodi mu kuyananina .» 16 Yihana ni mambu mana matadiku keti wuna wuzodini, keti wuna wisi kwenda thinu; kaasi kwena Nzambi wuna wisi yukila batu kyadi. 17 Mukuma Masonuku maÌzimbula kwena Falawo: «YiÌkuswanika kyamvu ndangu yisongila mwena ngeyi ngolu za meni amana ndangu zina dyama basamunadya muna tsi yosu.» 18 Yihana ni yandi kisi yukila kyadi wuna kazodini, amana kisi zitika mbundu ya wuna kazodini. 19 Hanga wuzonzi hika: «Kikuma kya biki kisi tukayila hika? Kikuma nani fwani kukolama ku luzolu lwandi?» 20 Kaasi nani wenina ngeyi mutu, ndangu watendana yi Nzambi? Kilekwa kyatuma kyalenda zimbula kwena mubumbi: «Kikuma kya biki wuphangidini bwabu?» 21 Mubumbi wa tuma, keti keku yi kiyeka kwena tuma dyandi mu kubumbila muna kithoba kimosi, kilekwa kya lukumu yi kina kyeku kya lukumu? 22 Amana honi Nzambi, mu kusongila khabu zandi yi kumonikisa ngolu zandi, waÌkwamina muna kuvibidila kwa lawu kwa bilekwa bya khabu bina byaÌyilama kikuma kya kutotisa, 23 ndangu kamonikisa kimvwama kya khembu yandi mu bilekwa bya khenda bina katekila diyidikila ku thwala kikuma kya khembu. 24 Disongidila ni kwena betu babana kaÌtela, heku ni hakati dya Bayuta lwesi, kaasi keti hana kati dya bana bakondi kala Bayuta, 25 bwosu kaÌzonzabwa muna mukanda wa Ozeya: «Kina kyaÌkalaku kikanda kyama, yiteÌlakya ni kikanda kyama. Amana wuna yikonda tonda, yimuÌtela ni watondama; 26 Amana keti kwakuna bakala bazimbwala: “Lweku kikanda kyama !” BabaÌtela ni bana ba Nzambi wa moyu.» 27 Yesaya, yandi, kaÌsamuna kikuma kya Kiseledi: «Keti bweti bisi Kiseledi bavudi hanga tsenga za yanga dya mbuta, kaka ndambu yina yaÌsala, yawu yahuÌluka; 28 Mukuma Pfumu kaluÌngisaya, ha tsi, ndinga yandi yi kuna tsuka yi tswalu phi.» 29 Amana bwosu kaÌtekilabwa zonza Yesaya: «Wadi Pfumu Mukwa ngolu zoosu kaÌtusisaku konda khuna, wadi twayika kedi hanga Sotomu, tukhani fwanana yi Komolu .» 30 Biki si tufwani kuzimbula? Bana bakondi kala Bayuta bakalaku sanda masonga, baÌbonga masonga mana misi tuka ku lukwikilu. 31 Kinga bisi Kiseledi bana kakala sanda ni bakituka batu ba masonga mu mitsiku, hanga baluti ku kabeta ka mitsiku meni mina. 32 Kikuma kya biki? Mukuma bakalaku sanda ni Nzambi kabatambwasa mu lukwikilu, kaasi bakala banza ni kabatambwasa kikuma kya mihangu. Benda dikhukula ku «ditadi dina disi khukula batu», 33 bwosu baÌsonikabwa: «Tala meni tsini muna Siyoni ditadi dya kudikhukula, kalunga tadi kana kisi bwisisa, amana wosu wukwikidini mwena yandi kakwaÌtukaku tsoni.»