MALAKU 9

1 Yesu waÌbazimbwala hika: «Mu kyedika yiluzimbwadini, ndambu ya batu mu kati dya baba benina haha benina haha bafwaku kedi konda kumona Kipfumu kya Nzambi buna kyakwiÌsila yi ngolu.» 2 Kunima dya bilumbu bisambanu, Yesu waÌbonga Phetelu, Zyaki yi Yowani phangi wandi, hanga wubanati bawu buhika ku phungamu hana mongu wumosi wa kaleyi. Kwakuna, ku phungamu. Yesu waÌbalumuka hana mesu ma bawu; 3 miledi myandi myakala kedyamina mu phembi yimosi yina kalendaku mu kusemisa kwena mutu wa ha tsi yayi. 4 Diya yi Moyize baÌdimonikisa kwena bawu, yi kuyambilaka yi Yesu. 5 Phetelu waÌzimbula kwena Yesu: «Mulongi, bulungi ni twakala kwetu kwakuku. Tutungenu masombolu matatu, dimosi kikuma kya ngeyi, dikwawu kikuma kya Moyize, dikwawu hika kikuma kya Diya.» 6 KaÌmonaku mayakwadi, mukuma bweya bwaÌbakwata. 7 Hanga kwisi tuti dimosi dyaÌbafidinga yi kivula kya dyawu, amana ndinga yaÌyukalakana: «Yandu kenina Mwana wama watondama, muyukilenu!» 8 Muna mbala mosi, baÌtala hana baÌkala, kaasi baÌmonaku hika mutu mukwawu; Yesu lwesi yandi buhika yi bawu meni. 9 Mu kukulumuka kwa bawu kuna mongu, Yesu waÌbakandisa mu kumenika kwena mutu mana baÌmona yikuna kaÌfutumukina Mwana wa mutu, ku bafwa. 10 BaÌsimbidilaya ndinga meni yayina, kaasi kuna yi kudihyulaka bawu yi bawu: «Biki disongidila dya “kufutumuka ku bafwa”?» 11 Bakala muhyula: «Kikuma kya biki balongi ba mitsiku bisi zimbwala ni Diya fwani mu kutekila kwisa?» 12 Yandi waÌbavutwala: «Diya kafweti tekila kwisa ndangu kalongika byosu. Amana kikuma kya biki baÌsonikina ni Mwana wa mutu kanyoÌkuka amana kaleÌwuka? 13 Kaasi yiluzimbwadini ni Diya wiÌsa kedi amana baÌmuhanga buna baÌzola, bwosu buna baÌsonika kikuma kya yandi.» 14 Buna baÌtula bela-bela yi balonguki bahika, baÌmona mulumba-lumba wa batu lawu babazingiki balongi ba mitsiku bakala tendana yi balonguki. 15 Buna baÌmumona Yesu, baÌyituka lawu amana beÌnda thinu ndangu bamuheka mboti. 16 Yandi waÌbahyula balonguki bandi: «Biki lukadi tendanina yi bawu?» 17 Yakala mosi, muna mulumba-lumba waÌmuvutwala: «Mulongi, yikunatini mwana wama wuna wenina yi kitembu kya kamama. 18 Kwosu kuma kimukwatidini, kyisi mulemba ha tsi, hanga mwana wuyandiki kulubuka mafulu-fulu yi kudyaka makwenzi, amana yandi mutu wekina sununu. Yibabokwadidiki balonguki baku mu kukukwasa kitembu kina, kaasi balendikisikikyoku.» 19 Yesu waÌbazimbwala: «Benu mbandu yakonda lukwikilu! Yi kuna khi tangwa yikadiki yi benu? Yi kuna khi tangwa yilutambwasiki? Mundatinenu.» 20 BaÌmunatina yandi. Buna kaÌmona Yesu, kitembu kyambi kyaÌmunikisa ngolu; waÌbwa ha tsi amana weka dibundumuna yi mafulu-fulu kaki-kaki. 21 Yesu waÌhyula kwena tata wandi: «Tukidila mvula kwa kedi kisi bela bwabubu?» Tata wandi waÌvutula: «Tukidila kimwana kyandi. 22 Mbala za lawu, kitembu kyisi mulundika ku mbawu ho loni mu mamba ndangu kyamuhonda. Kaasi yuka ni wufwani mu kuhanga kima, tuyukila kiwayi amana awisa tusadisa.» 23 Yesu wumuzimbwadini: «Ho walenda! Moosu malendakana kwena wuna wisi kwikila.» 24 Muna mbala mosi, tata wa mwana waÌkalunga: «Khwikidini, awisa tsadisa kikuma kya kukonda kwa lukwikilu kwama!» 25 Yesu buna kaÌmona mulumba-lumba wa batu wakala yikama hika; kahanga wukayi kitembu kya mbi mu kuzimbwalakya: «Kitembu kya muhunga yi kahuwa, meni yikuhekini muswa, lubuka mwena mwana yandu amana wuvutukamwoku hika!» 26 Kitembu kyaÌlubuka mu kukalunga yi kukonya kwa lawu. Mwana wekina hanga wuna wufini; muna phila meni yana, batu bahika bakala zimbula: «Mwana wufini.» 27 Kaasi Yesu, buna kaÌmusimba mwana kuna koku, waÌmutelamisa, mwana phi wekina mutendendi. 28 Tangwa kaÌvutuka Yesu ku nzu, balonguki bandi baÌyandika mu kumuhyula mu kingenga: «Kikuma kya biki tulendidikiku mu kukukwasakya betu-betu kitembu meni kina?» 29 Yesu waÌbazimbwala: «Mbandu ya kitembu kina yisi lubukila lwesi mu lombilu.» 30 Buna baÌkatuka hahana, baÌhitila mu Ngadidi. Yesu kaÌzolaku ni bamubakula kuna kenina. 31 Mukuma kakala balongisila balonguki bandi yi kubazimbwalaka: «Mwana wa mutu baÌmulambula ku moku ma batu, bamuÌhonda amana kunima dya bilumbu bitatu bya lufwa lwandi, kafuÌtumuka.» 32 Kaasi balonguki bakalaku bakisa thendula ya ndinga yina; amana baÌkala yi bweya bwa kumuhyula byufu. 33 BaÌtula ku Kafadinawumi. Tangwa baÌkala muna nzu, Yesu waÌhyula kwena balonguki: «Tendu dya biki lukadiki dyawu mu nzila?» 34 Kaasi bawu baÌdibata, mukuma, mu nzila, bakala tendana bawu yi bawu mu kuzaya keti nati wenina mbuta. 35 Hanga wuzakadini, waÌtela bawu kumi yi bodi amana waÌbazimbwala: «Yuka mutu wuzodi kukala watheti, kakala watsuka ha kati dya batu boosu yi musadi wa batu boosu.» 36 Hanga wubongi mwana wakhunda mosi, waÌmusya hana kati dya bawu amana, kunima dya kumuzangula, waÌbazimbwala: 37 «Wosu wuna wayaÌmba mwana mosi wakhunda, hanga yandu, mu khumbu ya meni, meni-meni kayambini; amana wosu wuna wungyambini, kayambiku lwesi meni, kaasi wuyambi phi wuna waÌthuma.» 38 Yowani kaÌzimbula kwena Yesu: «Mulongi, tumonikini mutu mosi wisi kukwasa bitembu bya mbi mu khumbu ya ngeyi, amana tusandikini mu kumukandisabwa, kikuma kisiku landa betu.» 39 Yesu wuvutudini: «Lumukandisabwoku, mukuma heku mutu wasaÌla kiphadi mu khumbu yama amana muna mbala mosi kenda zonza hika mambu mambi matadidi meni. 40 Kikuma, wuna wisiku tubwisa, hakimosi kenina yi betu. 41 Amana wosu wuna waluÌheka kopha dya mamba mu khumbu ya buna lwenina kwena Kidisitu; abwabuna, yiluzimbwadini, kalendalwoku totisa lufutu lwandi.» 42 «Wosu wuna wuhukumuni mosi wa bana ba khunda baba bisi kwikila mwena meni, bulungi kwena yandi bamuzitikila kalunga tadi hana tsingu amana bamudibula muna dingu dya yanga dya mbuta. 43 Yukani koku dyaku dyakusumunaka, bukunadya; bulungi kwena ngeyi wakota mu luzingu yi koku dimosi, ka mboti ku ni wakala yi moku maku modi amana wenda ku bilungi, kuna kwisiku zima mbawu. [ 44 Kuna, “mimvidya mina misi vukula lutu misiku fwa amana mbawu yisiku zima.”] 45 Yukani ni kitambi kyaku kyakusumunaka, bukunakya; bulungi kwena ngeyi wakota mu luzingu yi kitambi kimosi, ka mboti ku ni wakala yi bitambi byaku byodi amana bakulosa ku bilungi. [ 46 Kuna, “mimvidya mina misi vukula lutu misiku fwa amana mbawu yisiku zima.”] 47 Yuka phi ni disu dyaku dyakusumunaka, vusadya, bulungi kwena ngeyi wakota mu Kipfumu kya Nzambi yi disu dimosi; ka mboti ku ni wakala yi mesu modi amana bakulosa ku bilungi. 48 Kwakuna, “mimvidya mina misi vukula lutu misiku fwa, amana mbawu yisiku zima." 49 Kikuma, kosu mutu katwa mungwa wa mbawu . 50 «Mungwa wenina kima kya bukheti; kaasi yuka ni munzenzu wuhwini, yi biki bavuÌtwalawa hika? Kalenu yi mungwa mwena benu-benu, amana zingilakenu mu ngemba benu yi benu.»