MALAKU 10

1 Yesu buna kaÌkatuka hahana, wisa ku kinzunga kya Yuteya yi kuna sambwa dikwawu dya Yolutani. Milumba-lumba mya batu myaÌkhokama hika bela-bela yi yandi; bwosu kyaÌkala kikalulu kyandi, waÌyandika mu kubalonga. 2 Bafwadisi bisa muhyula, ndangu bamuleya. BaÌmuhyula: «Yakala kenina yi muswa wa kuyambula mukhetu wandi?» 3 Yesu waÌbavutwala: «Khi mutsiku kaÌluheka Moyize?» 4 Bawu baÌzimbula: «Moyize waÌhana muswa wa kusonikina mukanda wa kufwa kwa longu yi wa kukula.» 5 Yesu wubazimbwadini: «Moyize, kikuma kya mbundu ya tadi yina lwenina yawu, kaÌluhekila mutsiku wuna." 6 Kaasi ku luyandiku lwa phangamu, Nzambi kaÌbahanga yakala yi mukhetu. 7 “Kikuma kya bwabuna, yakala kasiÌsa tata wandi yi ngudi wandi amana kadiÌnama yi mukhetu wandi, 8 amana bawu bodi bakiÌtuka mutu mosi.” Yihana ni beku hika bodi kaasi mutu mosi. 9 Mutu kahambulaku kina kakhundikisini Nzambi.» 10 Buna baÌtula ku nzu, balonguki baÌmuhyula hika byufu kikuma kya dyambu meni dina. 11 Yesu waÌbazimbwala: «Wuna wayaÌmbula mukhetu wandi amana kakwela wahika, wuti mbongi ku thwala wuna watheti; 12 amana yuka ni mukhetu kadihambula yi yakala dyandi amana kakwela wahika, wuti mbongi.» 13 Batu bakala munatina bana ndangu kabasimba kuna moku, kaasi balonguki bakala bakaya. 14 Mu kumona bwabuna, Yesu waÌyuka khabu amana waÌbazimbwala: «Yambulenu bana bakhunda bisa kwena meni! Lubakandisaku, mukuma Kipfumu kya Nzambi kyenina kikuma kya batu bana benina hanga bawu. 15 Abwabuna, yiluzimbwadi: wosu wuna wakonda yamba Kipfumu kya Nzambi hanga mwana wakhunda, kakoÌtamwoku.» 16 Kunima waÌbazangula muna moku mandi amana waÌbasakumuna mu kubathetikaka moku. 17 Bwosu kakala kwenda muna nzila, yakala mosi wiÌsa thinu amana waÌfukama kuna thwala ya Yesu mu kumuhyula: «Mulongi wa bukheti, biki pfwani yihanga mu kuvwa luzingu lwa mvula yi mvula?» 18 Yesu waÌmuzimbwala: «Kikuma kya biki wuthedidini wa bukheti? Heku mutu wenina wa bukheti ho ka Nzambi lwesi ku. 19 Wuzayi mitsiku myami: “Wuhondaku mvumbi ya khengu, wutaku mbongi, wuyibaku, wutaku kimbangi kya bukamvi, wuhunaku musamu, zitisa tata waku yi ngudi waku.» 20 Yandi wumuvutwadini: «Mulongi, mambu mana mosu yisima zitisa tukidila kileki kyama.» 21 Yesu waÌmutala amana waÌmutonda, wumuzimbwadini: «Kima kimosi kikukondini: ndawenda, tekisa byosu bina wenina byawu, hanabya kwena batsukamini, amana wataÌmbula kuvwa ku zilu; kunima nzawisa amana ndanda.» 22 Kaasi yandi buna kaÌyuka ndinga meni yina, kiwayi kyaÌmukwata amana weÌnda mu kyadi, mukuma bima bya lawu kaÌkala byawu. 23 Yesu buna kaÌtala muna kabeta kandi, wuzimbudini kwena balonguki bandi: «Phasi bwenina kwena bana benina yi bimvwama mu kukota mu Kipfumu kya Nzambi!» 24 Balonguki baÌyituka lawu kikuma kya ndinga zandi. Kaasi Yesu waÌvutwakila: «Bana bama, phasi bwenina mu kukota mu Kipfumu kya Nzambi! 25 Bweku phasi kwena kamela mu kulobuka ha hundu dya ndongu, kaasi phasi lawu kwena mvwama mu kukota mu Kipfumu kya Nzambi.» 26 Balonguki baÌyituka hika lawu, bakala dihyula bawu yi bawu: «Amana nati walenda huluka?» 27 Yesu waÌbatala amana wuzimbudini: «Mana malendakanaku kwena batu, malendakana kwena Nzambi; mukuma heku dyambu dyakonda lendakana kwena Nzambi.» 28 Phetelu waÌyandika mu kumuzimbwala: «Tala betu, tusisini bima byetu byosu amana tulandi ngeyi.» 29 Yesu waÌvutula: «Abwabuna, yiluzimbwadibwa: heku mutu waÌsisa nzu, baphangi ba bayakala, baphangi ba bakhetu, ngudi, tata, bana kondilo mafu, kikuma kya meni yi kikuma kya Musamu wa Bukheti; 30 amana kakonda tambula mbala khama buthwena bwabu: nzu, baphangi ba bayakala, baphangi ba bakhetu, bangudi, bana, yi mafu yi munyanga phi; amana muna tsi yina yakwiÌsa, kakonda tambula moya wa mvula yi mvula. 31 Lawu bakala batheti, basuÌkinina amana lawu bakala batsuka, bateÌkila.» 32 Mu nzila baÌkala mu kutombuka ku Yelusalemi. Amana Yesu kakala kwenda ku thwala ya bawu. Balonguki mu tsumbi baÌkala, bana bakala mulanda phi, bweya bakala bwawu. Yesu waÌbonga hika bawu kumi yi bodi, bela-bela yi yandi, amana waÌyandika mu kubazimbwala mambu mama makhana mubwila. 33 KaÌbazimbwala: «Talenu, ku Yelusalemi tubati tombuka; Mwana wa mutu bamuÌlambula kwena bambuta ba banganga Nzambi yi kwena balongi ba mitsiku. Ndola ya lufwa bamuÌzengila, bamuÌlambula kwena baphani. 34 BamuÌseya, bamuÌlokwala metya, bamuÌzyatula amana bamuÌhonda. Amana kunima bilumbu bitatu, kafuÌtumuka.» 35 Bana ba Zebeteya bodi, Zyaki yi Yowani, biÌsa muzimbwala: «Mulongi, twazoÌla ni wahanga kikuma kya betu mana twakuÌlomba.» 36 Yandi wubahyudini: «Biki luzodi ni yihanga kikuma kya benu?» 37 Bawu bamuzimbwadini: «Tuheka nzila ni twazakala mosi kuna koku dyaku dya kitata, mukwawu kuna koku dyaku dya kimama muna khembu yaku.» 38 Kaasi Yesu wubazimbwadini: «Lwisiku zaya mambu mana lwisi lomba. Lwalenda kunwa bungu dyadi yinwa meni, kondi loni kutambula mbotika yayi yitaÌmbula meni?» 39 Bawu bamuzimbwadini: «Twalendabwa.» Yesu wubavutwadini: «Bungu dyadi nzodi yinwa meni, lwanwaÌdya, amana balubotika phi mu mbotika yayi yitaÌmbula meni. 40 Kaasi mana matadidini kuzakala ku kitata kyama holo ku kimama kyama, ka meni ku yisima hana; bifulu bina byenina kikuma kya bana baÌyidikilabya.» 41 Kumi bana bahika baÌyuka bwabuna, hanga babafungidi khabu Zyaki yi Yowani. 42 Yesu waÌbatela amana wubazimbwadini: «Luzayi ni malemba ma makanda bisi yala batu hanga bapfumu, amana bambuta bisi songila kwena bakwawu hamu dya bawu. 43 Dyeku buna mu kati dya benu, kaasi wuna wazola, mu kati dya benu, kukituka mbuta, kakaÌla musadi wenu, 44 amana wosu wuna wuzodi kukala watheti mu kati dya benu, kakaÌla muhika wa batu boosu. 45 Mukuma keti yandi meni Mwana wa mutu kiÌsaku ndangu bamusadila, kaasi kikuma kya kusadila yi kulambula luzingu lwandi mu phila ya kukatula batu balawu mu kihika.» 46 Bisi ku Yediko. Amana buna kaÌlubuka Yesu mu Yediko, yi balonguki bandi yi mulumba-lumba wa batu, phofu mosi wakala lomba bima muna nzila, khumbu yandi Balatimeya, mwana wa Timeya, kaÌkala wazakala kuna kabeta ka nzila. 47 WaÌyuka ni wuna Yesu mwisi Nazaleti amana waÌyandika kukalunga: «Yesu, Mwana wa Tavidi, ngyukila kyadi!» 48 Balawu bakala mukaya ndangu kadibata, kaasi yandi waÌkalunga hika ngolu: «Mwana wa Tavidi, ngyukila kyadi!» 49 Yesu waÌtelema amana wuzimbudini: «Mutelenu.» BaÌmutela phofu yi kumuzimbwalaka: «Sya kikesa, telema, kabati kutela.» 50 WaÌlosa muzaka wandi, waÌtelama mbala mosi amana wiÌsa kuna kaÌkala Yesu. 51 Yesu waÌmuhyula: «Biki wuzodi yikuhangila?» Phofu waÌmuzimbwala: «Mulongi, nzodi yimona hika.» 52 Yesu waÌmuzimbwala: «Ndawenda, lukwikilu lwaku lukuhuludini .» Muna tangwa meni dina, waÌyandika kumona, amana waÌmulanda muna nzila.