MALAKU 8

1 Muna bilumbu meni bina, haÌkala yi mulumba-lumba wa batu wumosi wambuta bakhokana hika. Bakalaku keti kima kya kudya. Yesu waÌtela balonguki bandi amana waÌbazimbwala: 2 «Kiwayi yenina kyawu kikuma mulumba-lumba wa batu wawu. Tala bilumbu byekina bitatu tukidila buna benina hakimosi yi meni amana beku keti kima kya kudya. 3 Yukani yibasula yi nzala, bakwenda lengalakana muna nzila, mukuma bahika hana kati dya bawu kyana batukini.» 4 Balonguki bandi bamuvutwadini: «Kubiki twawana mapha ma kubadisila mu tseki mwamu?» 5 Yesu wubahyudini: «Mapha makwa lwenina mawu?» Bazimbudini: «Tsambwadi.» 6 Kahanga wulombi kwena mulumba-lumba wa batu ni bazakala muna mafu. Kunima waÌbonga mapha tsambwadi amana waÌvutula matondu kwena Nzambi. WaÌbukununama amana waÌhanama kwena balonguki bandi ndangu bakabisa kwena mulumba-lumba wa batu. Balonguki phi bahangini bwabuna. 7 BaÌkala hika yi tuma twa batsema. Kunima dya kubasakumuna, waÌzimbula ni babakabisa hika. 8 Batu baÌdya amana baÌyukuta. BaÌtonguna bitunga tsambwadi bya kabasi yi bitini bina byaÌsala. 9 BaÌkala kitesu kya mafunda maya. Kunima Yesu waÌbasula. 10 Muna mbala mosi, yandi waÌkota mu masuwa yi balonguki bandi amana beÌnda muna kinzunga kya Talamanuta. 11 Bafwadisi baÌtula, baÌyandika kutendana yi Yesu. Amana, kikuma kya kumuleya, hanga bamulombi kiphadi kimosi kyatuka ku zilu. 12 Yesu waÌhumwakina amana wuzimbudini: «Kikuma kya biki batu ba mbandu yayi babati lombila kiphadi? Mukyedika yiluzimbwadini: yamoÌnaku keti kiphadi kimosi, batu ba mbandu yayi!» 13 Kunima waÌbasisa amana waÌkota muna masuwa mu kukwenda ku sambwa dikwawu dya yanga dya thibu. 14 Balonguki baÌzimbakana mu kunata mapha. Dipha dimosi lwesi baÌkaladyawu mu masuwa. 15 Yesu waÌbakebisa: «Kebenu! Dikengenu ku muvimbu wa bafwadisi yi muvimbu wa Eloti.» 16 Balonguki bakala tendana bawu yi bawu kikuma baÌkalaku yi mapha. 17 Yesu waÌbakulabwa amana waÌbazimbwala: «Kikuma kya biki lubati tendanina ni lweku yi mapha? Khaniku kedi lubakisa? Khaniku kedi lumona? Mbundu zazitama ziluyenina? 18 Lwenina yi mesu amana lwisiku mona? Lwenina yi matu amana lwisiku yuka? Lwisiku yubuka: 19 ha yiÌbukuna mapha matanu kikuma kya bayakala mafunda matanu, bitunga bya kabasi bikwa bya bitini bya mapha bina lwaÌtonguna?» Bavutudini: «kumi yi byodi». 20 «Amana tangwa yiÌbukuna mapha tsambwadi kikuma kya mafunda maya ma bayakala; bitunga bya kabasi bikwa bya bitini bya mapha bina lwatonguna?» Bavutudini: «Tsambwadi.» 21 Amana kakala bazimbwala: «Khaniku kedi lubakisa kwenu?» 22 Buna baÌtula ku Betisayita, bamunatini phofu mosi, bamubokwadidi ni kamusimba. 23 Yesu waÌmusimba phofu muna koku amana waÌmulubula mu hata. Kunima waÌmusya metya muna mesu amana waÌmusya moku, wumuhyudini: «Kima wubati mona?» 24 Phofu waÌtemuna mesu amana wuzimbudini: «Mbati mona batu, mbati bamona hanga miti kaasi babati kangala.» 25 Yesu waÌmusya hika moku muna mesu; phofu waÌkola amana wekina mona mboti-mboti bima byosu. 26 Hanga wumusendi ni kavutuka ku nzu yandi, mu kuzimbula: «Vutukaku ku hata.» 27 Yesu yi balonguki bandi beÌnda ku mahata mana menina bela-bela yi Sezale dya Fidiphu . Muna nzila, waÌyandika mu kuhyula kwena balonguki bandi: «Biki bisi zonza batu kikuma kya meni?» 28 Bamuzimbwadini: «Bahika bisi zonza ni ngeyi wenina Yowani Mubotiki, bakwawu ni ngeyi Diya, bakwawu hika phi ni ngeyi wenina mosi hana kati dya bambikudi.» 29 Yandi wubahyudini: «Amana kwena benu, nati lwisi zimbula yenina meni?» Phetelu wumuzimbwadini: «Ngeyi wenina Kidisitu.» 30 Yesu waÌtomabakandisa ndangu bazimbulaku kima kitadidi yandi kwena mutu. 31 Hanga Yesu wuyandikini kubalonga: «Bulungi ni Mwana wa mutu kanyokuka lawu, bamulosila kwena bambuta ba Bayuta, bambuta ba banganga Nzambi yi balongi ba mitsiku, bamuÌhondisa amana kafuÌtumuka kunima dya bilumbu bitatu.» 32 Yesu kaÌkalabwa zonza wengele. Hanga Phetelu wumunati ku kabeta wekina mukaya. 33 Kaasi Yesu waÌbaluka, waÌbatala balonguki bandi amana waÌmukaya Phetelu: «Katuka, awenda ku manima ma meni, Satana! Mukuma wisiku banza hanga Nzambi, kaasi hanga batu.» 34 Kunima Yesu kahanga wutedi mulumba-lumba wa batu yi balonguki bandi amana wubazimbwadini: «Yuka ni mutu wuzodini kandanda, kadizimbakana yandi meni, katikula kitakani kyandi amana kandanda. 35 Mukuma, wosu wuna watoÌnda mu kuhulula luzingu lwandi, katoÌtisalwa; kaasi wosu wuna watoÌtisalwa kikuma kya meni yi kikuma kya Musamu wa Bukheti kahuÌlulalwa. 36 Amana khi wawu mupfunu kwena mutu wa kuvwila kwandi tsi yosu amana katotisa luzingu lwandi? 37 Mutu, biki kafwani mu kuhana tambwa-tambwa yi luzingu lwandi? 38 Mukuma, wuna wangyuÌka tsoni yi ndinga zama ku mesu ma batu ba mbandu yayi bakonda kwikama yi ya basumuki, Mwana wa mutu phi tsoni kamuÌyuka tangwa kakwiÌsa mu khembu ya Tata wandi yi yina ya banzyo ba Nzambi.»