MALAKU 11

1 Amana Tangwa baÌbwesuka yi Yelusalemi, mu kukwenda ku hata dya Betifasi yi Betaniya, bela-bela yi mongu wa Olive, Yesu waÌtuma bodi ba balonguki bandi 2 mu kubazimbwala: «Alwenda kuna hata dina dyenina ku thwala ya benu, buna lwakoÌta, lwawaÌna mwana wa ane wakuzitikila, wuna bakonda kedi zakala kwena mutu; mukutumunenu, amana mundatinenu. 3 Amana yuka ni mutu kaluzimbwala: kikuma kya biki lubati hangila bwabuna?" Zimbulenu: “Pfumu mupfunu kamuvwini.” Amana, muna mbala mosi, kamuÌsula.» 4 BeÌnda amana baÌwana mwana wa ane wa kuzitikila hana nzila, bela-bela yi mwelu wumosi, muna nzila. Bamukutumuni. 5 Ndambu ya batu bana baÌkala hana baÌyandika mu kubazimbwala: «Biki lubati hanga? Kikuma kya biki lubati mukutwamina mwana wa ane wuna?» 6 BaÌbavutwala bwosu kaÌzimbulabwa Yesu, amana baÌbasula. 7 BaÌmunata mwana wa ane kwena Yesu; baÌthetika miledi mya bawu hana thandu ya yandi, Yesu waÌzakala hana thandu. 8 Batu balawu baÌyala miledi mya bawu muna nzila, amana bahika yi ndala zina baÌkesa mu bilanga. 9 Bana bakala kwenda ha thwala yi bana bakala landa bakala kalunga: «Ozana ! Kasakumuka wuna wubati kwisa mu khumbu ya Pfumu! 10 Lwasakumuka luyalu luna lubati kwisa, luyalu lwa Tavidi tata wetu! Ozana muna bisoka!» 11 Yesu waÌkota mu Yelusalemi, kuna nzu ya Nzambi. Kunima dya kusimbululaya bima byosu yi bwosu kwaÌyila kuma, weÌnda ku Betaniya kumosi yi bawu kumi yi bodi. 12 Kilumbu kyaÌlanda, bwosu kakala lubuka ku Betaniya, Yesu waÌyuka nzala. 13 Buna kaÌmona muna kyana mufiki waÌvwota yi khaya, wenda tala akolu kawanakwa kima; kaasi buna katula hahana, kaÌwanaku keti kima, khaya za khatu, mukuma yaÌkalaku tsungi ya bibundu bya fiki. 14 Hanga wuzimbudi kwena mufiki: «Mvula yi mvula, ka mutu ku wadya hika kibundu kyatuÌka mwena ngeyi!» Amana balonguki bandi baÌmuyuka. 15 BaÌtula ku Yelusalemi. Yesu waÌkota kuna nzu ya Nzambi, waÌyandika mu kukwasa bana bakala tekisa yi bana bakala sumba kuna nzu ya Nzambi, waÌmwanga mitalaka mya bakwa tsyenzya yi biti bya bateki ba baphombu, 16 konda kusisa mutu kanata kima muna luphangu lwa nzu ya Nzambi. 17 Kakala balonga yi kuzimbulaka: «BwaÌsonamaku bwabu: “Nzu yama bateÌdikiya ni nzu ya bisambu kikuma kya bikanda byosu?” Kaasi benu, lukitudiya saka dya bandwandwa!» 18 Bambuta ba banganga Nzambi yi balongi ba mitsiku baÌmuyuka; bakala sanda phila ya kumuhondisila; bweya bwa yandi baÌkala bwawu, kikuma mulumba-lumba wa batu wosu wakala yituka kikuma kya malongi mandi. 19 Ha mabwa masikidika, Yesu yi balonguki bandi baÌlubuka mu mbanza. 20 Buna bakala hita muna suka, balonguki baÌmona mufiki wayumuka yi kuna misodi. 21 Phetelu, bwosu kaÌyubuka mana maÌhita, wumuzimbwadini: «Mulongi, talandi, mufiki wawu waÌbundila wosu wuyumukini.» 22 Yesu waÌbazimbwala: «Kwikilenu mwena Nzambi! 23 Abwabuna, yiluzimbwadibwa, wuna waziÌmbula kwena mongu wawu: “Kinduka hana, dilosa mu yanga dya mbuta,” konda keti keti muna mbundu yandi, kaasi kakwikilaka ni mamana kabati zimbula maluÌngila, mamana mamuÌhangamina. 24 Yihana yiluzimbwadini: “Kyosu kina lwaloÌmba mu kulombila, kwikilenu ni lutambudikya kedi amana baluÌhekakya." 25 “Amana buna lutelamikini mu kulombila, yuka ni dyambu lwenina dyawu yi mukwenu, mulolulenu, ndangu Tata wenu wenina muna mazilu kalulolula phi mitsoki myenu. [ 26 Kaasi yukani lubaloludiku, Tata wenu wuna wenina mu mazilu, ketibwe kaluÌlolulaku mitsoki myenu.] » 27 Yesu yi balonguki bandi baÌvutuka ku Yelusalemi. Bwosu kakala kangala muna luphangu lwa nzu ya Nzambi, bambuta ba banganga Nzambi, balongi ba mitsiku yi bambuta ba dibundu bisa muwana. 28 Amana bamuhyudini: «Mu hamu dya nati wisi hangila bwabuna? Nati wukuhekini hamu dya kuhangilabwa?» 29 Yesu wubavutwadini: «Meni phi yiluÌhyula kyufu kimosi; yuka ni lwamvutwala, yiluzimbwala keti mu hamu dya nati yisi hangila mambu mana. 30 Mbotika yina ya Yowani, ku zilu yaÌtuka ho kwena batu? Phekenu mvutu.» 31 Kaasi baÌyandika kutendana bawu yi bawu yi kudizimbwalaka: «Yuka ni twavutula: “Ya ku zilu”, kaziÌmbula: “Kikuma kya biki lwakonda mukwikidila?" 32 Kaasi yuka twazimbula: “Kwena batu”, hanga…» Bweya bwa mulumba-lumba wa batu baÌkala bwawu, mukuma boosu bakala mubongila Yowani hanga mbikudi mosi wa kyedika. 33 Hanga bavutudi kwena Yesu: «Tuzayiku.» Hanga Yesu wubazimbwadini: «Meni phi yiluzimbwalaku keti mu hamu dya nati yisi hangila mambu mana.»