MATHAYI 10

1 Yesu waÌtela balonguki bandi kumi yi bodi, waÌbaheka hamu dya kukukwasa bitembu bya mbi yi kubelula maladi moosu yi bimbefu byosu. 2 Amana tala khumbu za bathumwa bana kumi yi bodi: Watheti Simoni, wuna bisi tela ni Phetelu, yi myaki wandi Andele; Zyaki yi myaki wandi Yowani, bana ba Zebeteya; 3 Fidiphu yi Batolomi; Tomasi yi Mathayi kalaki ka phaku; Zyaki mwana wa Alufwe yi Thati; 4 Simoni wuna waÌkala mu kibuka kya batu bana bakala wila diphanda yi Yutasi Sikadyoti, wuna waÌlambula Yesu. 5 Yesu waÌtuma ba kumi yi bodi mu kisalu, amana waÌbaheka milongi myami: “Lwendaku mu milambu mya baphani, amana lukotaku phi mu mbanza mosi ya bisi Samadiya, 6 kaasi ndenu lwenda kwena mikoku mina myaÌtota mya kanda dya Kiseledi . 7 Amana muna nzila, longakenu mu kuzimbula: Kipfumu kya mazilu kibwesuki!" 8 Belulenu bambefu, futumunenu bamvumbi, semisenu bakwa bwasi, kukwasenu bitembu bya mbi. LwaÌtambula bya khatu, hanenu bya khatu. 9 Lunataku keti wolu, keti fwalanga, keti ndisu muna khola yenu; 10 keti waba kikuma kya mu nzila, keti bikutu byodi, keti tsabatu, keti koka. Mukuma musadi wulungi mu kutambula madya mandi. 11 Muna mbanza yosu holo hata dyosu dina lwakoÌta, hyulenu ndangu lwazaya yukani mutu wa bukheti weninamwa, amana nangenu kuna nzu yandi tii yi kuna lwakwendila. 12 Amana mu kukota mu nzu, hanenu mboti kidimbu kya ngemba. 13 Amana yukani nzu yakala yafwana mu kutambula ngemba, ngemba yenu yayaÌla mwamuna; kaasi yuka yeku yafwana, ngemba yenu yaluvutwakila. 14 Amana wuna wakonda luyamba, kayukiku phi ndinga zenu, mu kulubuka mu nzu yandi, keti mu mbanza yina, khukumunenu fusyangeni dya bitambi byenu . 15 Mu kyedika yiluzimbwadi: mu kilumbu kya pfundusu, phasi za mulambu wa Sotomu yi Ngomolu za khunda zaÌkala kuluta mbanza yina. 16 «Talenu! Meni yilutumini hanga mikoku hana kati kya bambwa-ngongu. Disonga, kalenu balwenga hanga banyoka, talala hanga mayembi. 17 Amana dikengenu yi batu, mukuma baluÌlambula ku kimvuka kyambuta amana baluÌzyatula mafimbu muna nzu za kimvuka za Bayuta za bawu. 18 Amana baluÌnatiki, kikuma kya meni, ku thwala bapfumu ba mbanza, yi kwena bakyamvu; kyakaÌla kimbangi kikuma kya bawu yi kikuma kya baphani. 19 Kaasi tangwa baluÌlambula, luyananaku keti kikuma kya phila yina lwazoÌnzila, keti mana lwaziÌmbula, kikuma mambu mana lwaziÌmbula Nzambi kaluÌhekama muna tangwa meni dina, 20 mukuma kabenuku lwazoÌnza, kaasi Kitembu kya Tata wenu kyazoÌnza mwena benu. 21 Amana phangi kalaÌmbula phangi wandi ku lufwa, amana tata kalaÌmbula mwana wandi; bana bakiÌtuka bambeni ba bibuti bya bawu amana babaÌhondisa. 22 Amana baluÌmenga kwena batu boosu kikuma kya khumbu ya meni; kaasi wuna wakwaÌmina tii yi kuna tsuka kahuluka. 23 Amana tangwa baluÌnyokuna mu mbanza yayi, tinenu mu mbanza yikwawu. Amana mu kyedika yiluzimbwadi, lwamaÌnisaku kedi mu kuluta mu mbanza za Kiseledi ku thwala kukwisa kwa Mwana wa mutu.» 24 «Mulonguki kalutiku mulongi wandi, keti musadi kalutiku pfumu wandi. 25 Bulungi kwena mulonguki kakituka hanga mulongi wandi, amana kwena musadi kukituka hanga pfumu wandi. Yukani bamutela mukwa nzu ni Belezebula, amana abweti bahanga kwena batu bena mu nzu yandi !» 26 «Disonga, lubabangaku, mukuma heku kima kyaswamana kyakoÌnda zayakana, ka kima ku kya kitsweki kyakoÌnda tunguluka. 27 Mana mbati luzimbwala mu phipha, zimbulenumoku mu kati kya mwini; amana mana bisi lufwetisa mu kutu, samunenuma hana thandu za midilu. 28 Amana lubangaku bana bisi honda lutu, kaasi balendaku kuhonda moya; kaasi bangenu lwesi wuna wufwani kutotisa yi moya yi lutu ku bilungi. 29 Luzayibwoku ni banuni ba khunda bodi bisi batekisa mu fwalanga dimosi? Kinga ka mosi ku wa bawu wisi bwa ha tsi konda luzolu lwa Tata wenu. 30 Amana kwena benu, keti tsuki za mutwa wenu zoosu za kutanga zenina. 31 Ihana ni lukalaku yi bweya: lwenina yi mupfunu kuluta banuni ba khunda ba lawu . 32 «Disonga, wosu mutu wuna wathaÌmbwasa meni ku mesu ma batu, meni phi yimuÌtambwasa ku thwala Tata wama wenina mu mazilu; 33 Kaasi yukani mutu kathuna ku thwala batu, meni phi yimuÌtuna ku thwala Tata wama wuna wenina mu mazilu.» 34 «Lubanzaku ni ngemba yisa nata ha tsi: yisaku nata ngemba, kaasi mbedi ya phoku. 35 Mukuma ngyengu yisa nata ha kati dya mwana mosi wa yakala yi tata wandi, ha kati dya mwana mosi wa mukhetu yi ngundi wandi, ha kati dya mukhetu mosi wa mwana yakala yi buko bwa mukhetu wandi. 36 Amana bambeni ba mutu bakaÌla biwutu byandi. 37 Wuna wisi zola tata wandi holo ngundi wandi kuluta meni, yandi kafwaniku kala nduku wa meni, amana wuna wisi zola mwana wandi wa yakala holo mwana wandi wa mukhetu kuluta meni kafwaniku kala mulonguki wama. 38 Amana wuna kanatiku kitakani kyandi mu kundanda, keku mulonguki wa meni . 39 Wuna wasaÌnda kuhulula luzingu lwandi, katoÌtisalwa; kaasi wuna watoÌtisa luzingu lwandi kikuma kya meni kataÌmbulalwa hika.» 40 Wuna waluÌyamba, wungyambini, amana wuna wungyambini, wuyambini phi wuna waÌthuma. 41 Wuna wuyambi mbikudi mosi muna khumbu yandi ya kimbikudi kataÌmbula ndandu ya mbikudi, amana wuna wuyambi mutu wa masonga mu khumbu yandi ya mutu wa masonga katambula ndandu yimosi ya mutu wa masonga. 42 Amana wuna wahaÌna kunwa keti kopha dya mamba ma tsimina kwena mosi wa baleki baba mu khumbu yandi ya mulonguki, mu kyedika, yiluzimbwadi, katoÌtisaku ndandu yandi.