MATHAYI 11

1 Amana tangwa kaÌmanisa Yesu mu kuhana milongi kwena balonguki bandi kumi yi bodi, waÌkatuka hana, wenda longa yi kusamuna mu mbanza za bawu. 2 Amana Yowani, muna boloku dyandi, waÌyuka kuzonzila mihangu mya Kidisitu. WaÌtuma balonguki bandi 3 benda muhyula: «Ngeyi wenina wuna walunga kwisa, ho twahingila wahika?» 4 Amana Yesu waÌbavutwala: «Alwenda samuna kwena Yowani mana lubati yuka yi mana lubati mona: 5 Baphofu babati mona, bakwa khonzu babati kangala, bakwa bwasi basemi, tuhuwa tubati yuka, bamvumbi bafutumuki, amana Musamu wa Bukheti basamuniwa kwena batsukami . 6 Amana kyesi kwena wuna yikonda kadila kisinza mwena meni!» 7 Amana mu kukwenda kwa bawu, Yesu waÌyandika kuzonza kwena milumba-lumba mya batu kikuma kya Yowani: «Biki lwendi talaka mu nganga? Muswangina wuna wubati ningana ku muphephi? 8 Amana biki lwendi talaka? Mutu wuna wuvwatiki miledi mya khembu? Kaasi bana bisi vwata miledi mya khembu, mu nganda za bakyamvu benina. 9 Kaasi nati lwendi talaka? Mbikudi mosi? Kyedika, yiluzimbwadibwa, kuluta phi mbikudi mosi. 10 Kikuma kya yandi, tala mana maÌsonama: “Tala, meni thumini, ku thwala ya ngeyi, mbambala wama ndangu kakuyidikila nzila ku thwala ngeyi . 11 Abwabuna yiluzimbwadi: ha kati dya bana baÌbutuka kwena bakhetu, heku mutu wateÌlama kuluta Yowani Mubotiki. Ihana ni wuna wenina wakhunda mu Kipfumu kya mazilu kenina mbuta kuluta Yowani. 12 Tukidila mu tangwa dya Yowani Mubotiki tii yi kuna lelu dyadi, bakwa kingolu-ngolu bisi nwanisa Kipfumu kya mazilu amana bisi sanda mu kubotulakya. 13 Mukuma bambikudi boosu yi mitsiku baÌbikula tii yi kuna Yowani. 14 Amana yuka luzodi kumuyamba, yandi kenina Diya wuna waÌlunga mu kukwisa. 15 Wuna wenina yi matu, kayuka! 16 «Amana yi banani pfwani kufwanikisa mbandu yayi? Bafwanani yi bana ba khunda benina bazakala ku zandu, babati tamikina bakwawu khunda 17 bazimbudi: “Tulusikidi mahongi, amana lukiniku! Tuluyimbididi makana ma kudidila kaasi lusiku khondu!" 18 Mukuma Yowani wiÌsa, kakalaku dya keti kunwa, amana bazimbudi: “Kitembu kya mbi kenina kyawu!" 19 Mwana wa mutu wiÌsa, yi kudyaka yi kunwaka, amana bisi zimbula: “Yandu madya-madya yi kinwa-malafu, nduku wa bakalaki ka phaku yi basumuki!” Kaasi nduka zibati monika mu mihangu myandi.» 20 Hanga wuyandiki kukaya bisi mbanza zina zaÌmona lawu dya biphadi, mukuma baÌbalumunaku mbundu za bawu! 21 «Khi kyadi kwena ngeyi, Kolazini! Khi kyadi kwena ngeyi, Betisayita! Mukuma wadi biphadi bina byaÌhangama theti kwena benu, byaÌhangamaka ku Tidi yi ku Sitoni, tuka thama, wadi batu ba bawu, baÌkala balumuna mbundu za bawu, baÌvwata tsaki amana baÌdifuba mu mbombi ! 22 Kaasi yiluzimbwadibwa, mu kilumbu kya pfundusu, phasi za Tidi yi Sitoni za khunda zakaÌla kuluta benu. 23 Amana ngeyi Kaphedinawuma, wadiÌthumba yi kuna zilu? WakuÌlumuka yi kuna kalunga. Mukuma wadi ni biphadi bina byaÌhangama kwena ngeyi byaÌhangamina ku Sotomu, wadi kaÌkala zinga yi lelu dyadi. 24 Kaasi, yiluzimbwadibwa, mu kilumbu kya pfundusu, phasi za khunda zakaÌla kikuma kya tsi ya Sotomu kuluta ngeyi.» 25 Muna tangwa meni dina, Yesu waÌbonga ndinga, waÌzimbula: «Yikukumisi, Tata, Pfumu wa zilu yi tsi, kikuma waÌsweka mambu mama kwena batu badimuka yi batu ba ngangu, amana wusongidima kwena bana bakhunda. 26 Abwabuna, Tata, watya mu weti dyaku. 27 «Byosu Tata wama waÌphekabya. Amana ka mutu ku wuzayi nani kenina Mwana ho ka tata ku, ka mutu ku phi wuzayi nati kenina Tata ho ka Mwana ku yi kwena mutu wuna kazodi Mwana mu kumusongila . 28 «Alwisenu kwena meni benu boosu lwenina balembwa yi zitu, meni, yiluÌlembwasa. 29 Zangulenu muteti wuna mbati luheka amana longukenu kwena meni, mukuma meni yenina yi mbundu ya lembama yi yadikulumuna, lwaleÌmbwa . 30 Mukuma muteti wama weku phasi mu kunata, amana zitu dyama dyenina hengi-hengi.»