MATHAYI 9

1 Amana bwosu kaÌkota Yesu muna mudimba wumosi, waÌsabuka yanga amana weÌnda kuna mbanza yandi. 2 Amana kutala bisi munatina mutu mosi wawokumuka, walandalala hana kiphoyu. Amana mu kumona lukwikilu lwa bawu, Yesu wuzimbudi kwena mutu wawokumuka: «Kala yi kikesa mwana! Masumu maku makulolukini!» 3 Kutala, ndambu ya balongi ba mitsiku badizimbwadi: «Yandu kabati lewula Nzambi.» 4 Amana bwosu kaÌbakula mabanza ma bawu, Yesu wuzimbudi: «Kikuma kya biki lwenina yi mabanza ma mbi muna mbundu zenu? 5 Biki byakonda phasi mu kuzimbula: “Masumu maku maloluki, ho kuzimbula: “Telama amana kangala!”? 6 Amana ndangu lwazaya ni Mwana wa mutu kenina yi hamu ha tsi mu kulolula masumu.» Hanga wuzimbudi kwena mutu wuna wawokumuka: «Telama, zangula kiphoyu kyaku amana ndawenda ku nzu yaku!» 7 Amana buna kaÌtelama, weÌnda ku nzu yandi. 8 Amana mu kumona bwabuna, milumba-lumba mya batu, bweya bubakwati amana baÌyandika kuzatula Nzambi wuna wahana kwena batu hamu dya mutindu wuna. 9 Amana mu kuluta kwakuna, Yesu waÌmona mutu mosi bakala tela Mathayi, wazakala hana homa hana kakala futisila phaku. Wumuzimbwadi: «Ndanda!» Yandu-yandu waÌtelama amana waÌmulanda. 10 Amana bwosu kaÌkala ku mesa, muna nzu, kutala lawu dya bakalaki ka phaku yi basumuki bahika bisa zakala ha kimosi yi Yesu yi balonguki bandi. 11 Mu kumona bwabuna, Bafwadisi baÌzimbula kwena balonguki bandi: «Kikuma kya biki mulongi wenu kisi dya homa ha mosi yi bakalaki ka phaku yi basumuki?» 12 Kinga Yesu waÌyuka, amana wuzimbudi: «Kabanaku benina bakola mu lutu bisi vwa mupfunu wa munganga, kaasi bambefu . 13 Amana mu kukwenda, longukenu disongidila dya: “Yisi tonda khenda kaasi mikhayilu loni.” Mukuma yiÌsilaku mu kutela batu ba masonga, kaasi basumuki.» 14 Hanga balonguki ba Yowani babwesuki kwena yandi mu kumuhyula: «Kikuma kya biki ni betu yi Bafwadisi thwisi zila kosu tangwa kaasi balonguki ba ngeyi bisiku zila?» 15 Amana Yesu wuzimbudi kwena bawu: «Banduku ba kikwedi bafwani kukala mu khondu mu tangwa dina kenina kikwedi ha kimosi yi bawu mu mukinzi wa longu? Kaasi bilumbu byakwiÌsa bina babaÌkatula yandi kikwedi; hahana baziÌla . 16 «Amana ka mutu ku wisi londa sengi dya muledi yi kitemba kya muledi wa pha, mukuma kitemba kya pha kyayaÌta sengi dya muledi amana hundu dyavuÌla hika. 17 Amana bisiku longulula vinu dya pha mu bilungu bya khulu; kondilo; bilungu byabuÌdika, amana vinu dityakani, amana bilungu bizangani. Kaasi vinu dya pha bisidya longulula muna bilungu bya pha, amana bya byodi byalundama bukheti.» 18 Buna kakala bazimbwala bwabuna, pfumu mosi wa nzu ya kimvuka ya bayuta waÌtula; waÌfukama kuna thwala yandi mu kuzimbula: «Mwana wama wa mukhetu wufini buthwena bwabu, kaasi awisa, thetika koku dyaku hana thandu ya yandi, amana kaziÌnga.» 19 Amana buna kaÌtelama Yesu waÌmulanda kumosi yi balonguki bandi. 20 Amana mukhetu mosi, wakala noka menga tukila mvula kumi yi zodi; wisa bwesuka kuna manima amana wasimba nzenzi ya muledi wandi. 21 Mukuma kakala dizonzila: «Yuka yisimba lwesi muledi wandi, yibeÌluka.» 22 Amana Yesu waÌbaluka, waÌmumona amana waÌzimbula: «Kala yi kikesa, mwana wama wa mukhetu! Lukwikilu lwaku lukuhuludini.» Muna tangwa meni dina mukhetu wuna waÌbeluka. 23 Amana buna kaÌtula Yesu ku nzu ya pfumu wa bayuta, wumoni basiki ba mahongi yi mulumba-lumba wa batu mu bidilu, 24 wuzimbudi: «Lubukenu, mukuma mwana wa mukhetu kafiku, kaasi wanimba kenina.» Bawu baÌmuseya . 25 Amana tangwa baÌlubula ku phenza mulumba-lumba wa batu, buna kaÌkota, waÌmusimba mwana wa mukhetu kuna koku, amana mwana wa mukhetu waÌtokama. 26 Amana khululuka yaÌmwangana ku mulambu wuna wosu. 27 Amana bwosu kakala luta Yesu kwakuna, baphofu bodi baÌmulanda mu kukalunga mu ndinga ya ngolu: «Tuyukila kyadi, Mwana wa Tavidi!» 28 Amana tangwa kaÌtula mu nzu, baphofu baÌbwesuka bela-bela yi yandi, amana Yesu wubahyudi: «Lukwikidi ni fwani yisala bwabuna?» Bawu, bamuvutwadini: «Bwabuna, Pfumu.» 29 Hanga, Yesu wubasimbi kuna mesu, wuzimbudi bwabu: «Bwaluhangamina bwosu lwenina lukwikilu lwenu.» 30 Amana mesu ma bawu maÌtemuka. Yesu waÌbakebisa, wubazimbwadi phi: «Kebenu! Ka mutu ku kazayabwa!» 31 Kaasi, buna baÌlubuka, baÌmuzonzila muna mulambu wuna wosu. 32 Amana bwosu bakala kwenda, Yesu yi balonguki bandi, baÌmunatina mutu mosi wakalaku zonza, waÌkala yi kitembu kya mbi. 33 Amana buna kaÌkukwasa kitembu kya mbi, mutu wuna waÌzonza. Amana milumba-lumba mya batu baÌyituka, bakala zimbula: «Khaku kedi, dyambu dya bwabu dyasalama mu Kiseledi!» 34 Kaasi bafwadisi bakala zimbula: «Mu khumbu ya pfumu wa bitembu bya mbi, kisi kukwasila bitembu bya mbi.» 35 Amana Yesu kaÌkala kwenda kangala mbanza zoosu yi mahata; kaÌkala longa, kwena bawu, muna nzu za kimvuka za Bayuta, kaÌkala samuna Musamu wa Bukheti wa Kipfumu kya mazilu yi kubelula maladi mosu yi bimbefu byosu. 36 Amana buna kaÌmona milumba-lumba mya batu, kiwayi kyaÌmukwata, mukuma bakala balembwa, bakonda kikesa, hanga mikoku mikondi kalema. 37 Hanga wuzimbudi kwena balonguki bandi: «Mbongu ya lawu yenina, kaasi basadi ba khunda benina. 38 Disongidila lombenu kwena Mukwa mbongu kahitika basadi mu kukatula mbongu yandi .»