YOWANI 3

1 Mutu mosi waÌkala muna mukanzu wa Bafwadisi khumbu yandi Nikundimu, kaÌkala phi mosi hana kati dya bapfumu ba Bayuta. 2 Wisa muwana Yesu muna phipha yimosi, amana wumuzimbwadini: «Mulongi, tuzayi ni Nzambi waÌkutuma ndangu wisa tulonga; mukuma ka mutu ku wufwani mu kuhanga bidimbu bya biphadi bwosu wisibya hanga ngeyi, yuka ni Nzambi keku hakimosi yi yandi.» 3 Yesu waÌmuvutwala: «Mu kyedika, yikuzimbwadibwa: ka mutu ku walenda mona Kipfumu kya Nzambi yuka ni kabutukiku lubutuku lwa pha.» 4 Nikundimu waÌmuhyula: «Khi phila, mutu yandu wukodi kedi kafwani mu kubutuka hika mbala yikwawu? Wufwani hika ni kavutuka mu kundu dya ngudi wandi, amana kabutuka hika mbala ya zodi?» 5 Yesu wumuvutwadini: «Kyedika, kyedika, yikuzimbwadibwa: yuka ni mutu kabutukiku mu mamba yi mu Kitembu, kafwaniku mu kukota mu Kipfumu kya Nzambi. 6 Kina kibutukidini mu kimutu, kyenina kya kimutu; amana kina kibutukidini mu kitembu kyenina Kitembu. 7 Yitukaku kikuma kya buna yikuzimbwadini: “Bulungi kwena benu ni lwabutuka mu mbala yikwawu." 8 Muphephi wisi fula kuna wuzodini; wisiwa yuka, kaasi wazaÌyaku kuna wisi tuka yi kuna wisi kwenda. Phila mosi bwenina yi wuna wubutukini mu Kitembu.» 9 Nikundimu wumuhyudini: «Abweti bwalenda salamina bwabuna?» 10 Yesu wumuvutwadini: «Ngeyi wenina mulongi mu Kiseledi, amana wuzayibwoku bwabuna? 11 Kyedika, kyedika, yikuzimbwadibwa: thwisi zonzila mana tuzayi, amana thwisi ta kimbangi kya mana tumoni, kaasi benu lwisiku tambwasa kimbangi kya betu. 12 Yuka ni lubatiku khwikila tangwa mbati luzonzila mambu ma tsi; abweti lwakhwiÌkidila yuka ni yiluzonzila mambu ma ku zilu? 13 Heku mutu watombuka kedi ku zilu, yuka ni ka wuna ku wakulunga ku zilu, Mwana wa mutu ! 14 Bwosu buna kaÌtombula Moyize nyoka muna nganga, Mwana wa mutu phi bafweti mutombula bwabuna , 15 ndangu wosu wuna wukwikidini, katambula mwena yandi moyu wa mvula yi mvula. 16 Mukuma Nzambi watoma zola tsi, waÌhana Mwana wandi mosi, ndangu wosu wuna wukwikidini mwena yandi, katotaku kaasi katambula moya wa mvula yi mvula. 17 Kikuma Nzambi kaÌtumaku Mwana wandi mu tsi kikuma kya kufundisa tsi, kaasi ndangu, muna nzila ya yandi, tsi yahuluka. 18 Wuna wisi kwikila mwena yandi bamufundisaku; kaasi wuna wisiku kwikila, bamufundisi kedi, kikuma kakwikidiku mu zina dya Mwana mosi wa Nzambi. 19 Amana tala pfundusu buna yenina: mwini wisa muna tsi, kaasi batu baÌsangwala yi phipha kuluta mwini, kikuma miza mya bawu mya mbi. 20 Mukuma wosu wuna wisi hanga mambu mambi waÌmenga mwini; yandi kisiku kwisa kwena mwini, hanga mihangu myandi myazayakana nana; 21 kaasi wuna wisi lemvuka ku kyedika, kisi kwisa kwena mwini, ndangu bwamonika ni mihangu myandi myisi hangama mu kimosi yi Nzambi.» 22 Kunima dya bwabuna, Yesu wisa mu mulambu wa Yuteya hakimosi yi balonguki bandi. Kwakuna, waÌnanga hakimosi yi bawu amana kakala botika . 23 Yowani yandi phi kakala botika kuna Eno, bela-bela yi Sadimi, kikuma mamba ma lawu kwaÌkala. Batu bakala kwenda kwakuna yi kutambulaka mbotika. 24 Hana Yowani khaku kedi kakota mu boloku . 25 Hanga balonguki ba Yowani beka tendana yi Muyuta mosi kikuma kya dyambu ditadidini kudisemisa. 26 Benda kwena Yowani amana baÌmuzimbwala: «Mulongi, tala mutu wuna wukadiki yandi ku sambwa dikwawu dya Yolutani, wuna waÌtila ngeyi kimbangi, kabati botika amana batu boosu babati kwisa kwena yandi!» 27 Yowani waÌvutula: «Ka mutu ku wabonga kima kyahika yuka ni kimutukiku ku zilu. 28 Benu-benu lufwani mu kuthila kimbangi ni meni bwabu yiÌzonza: “Meni yeku Kidisitu, kaasi ku thwala ya yandi baÌthuma ." 29 Yandi wuvwini mukhetu wa longu, kenina mukwedi; kaasi nduku wa mukwedi wuna wenina hana kabeta, wubati muhinikina, kyesi kya lawu kisi kala kyawu mu kuyuka ndinga ya mukwedi; Bwabuna phi kyenina kyesi kyama, kyalungila kyenina. 30 Yambulenu yandi kaluma, meni yibetuka kwama.» 31 «Wuna wutukini ku zilu kenina hana thandu ya boosu; wuna wenina ha tsi kenina phi wa ha tsi, amana ndinga yandi phi yenina ya ha tsi. Wuna wutukini ku zilu kenina [ha thandu ya boosu]; 32 kisi ta kimbangi kya mamana kamonini yi mana kayukini, kaasi ka mutu ku wisikya tambwasa kimbangi kyandi. 33 Wuna waÌtambwasa kimbangi kyandi, kisi songila ni Nzambi kyedika kisi zonza. 34 Mukuma wuna katumi Nzambi, kisi zonza ndaka za Nzambi, kikuma kisi hana Kitembu kyakonda kitesu. 35 Tata kisi muzola Mwana; amana waÌsya moosu muna moku mandi. 36 Wuna wisi kwikila mwena Mwana, kenina yi luzingu lwa mvula yi mvula; wuna wakonda mulemvukila Mwana, kabongalwoku luzingu, kaasi khabu za Nzambi zenina yi yandi.»