YOWANI 4

1 Yesu ha kaÌzaya ni Bafwadisi baÌyuka mu kuzonzila ni yandi kaÌkala kitula yi kubotika balonguki kuluta Yowani, 2 -kinga ka yandi meni ku Yesu wakala botika, kaasi balonguki bandi. - 3 Yesu waÌkatuka ku kinzunga Yuteya amana weÌnda hika ku kinzunga Ngadidi. 4 Kinga waÌfwana kuhitila mu kinzunga kya Samadiya. 5 Yesu waÌtula muna mbanza yimosi ya Samadiya, yina bakala tela ni Sikadi; yina yenina bela-bela yi kilanga kina kaÌhana Yakobi kwena mwana wandi Yozefu. 6 Hahana haÌkala yi tho ya mamba ya Yakobi. Bwosu kaÌkala mu kitambu, Yesu waÌlembwa, amana waÌsikuka hana kabeta ka tho ya mamba. Yakala kitesu kya tangwa dya tsinzi. 7 Mukhetu mosi wa ku Samadiya wisa teka mamba. Yesu wumuzimbwadini: «Pheka mamba yinwa.» 8 -Kikuma balonguki bandi benda sumba bima bya kudya mu mbanza. - 9 Mukhetu wa ku Samadiya wumuzimbwadini: «Abweti ni ngeyi wenina Muyuta, wufwani mu kulomba mamba ma kunwa, kwena meni yenina mukhetu wa ku Samadiya?» -Kikuma Bayuta bisiku zola kukhundakana kwena bisi Samadiya.- 10 Yesu wumuvutwadini: «Wadi waÌzayaka kabu dya Nzambi, amana keti nani kenina wuna wubati kulomba mamba ma kunwa, wadi ngeyi wukhanima mulomba, amana yandi kakhani kuheka mamba ma luzingu.» 11 Mukhetu wumuvutwadini: «A Pfumu, weku keti kilekwa kya kutekila, dibulu phi dya kaleyi. Abweti wateÌkilama mamba meni mana ma luzingu? 12 Ngeyi wubanzi ni mbuta wenina, kuluta khaka wetu Yakobi, wuna waÌtuheka dibulu dya mamba dyadi; yandi meni phi waÌnwama yi bana bandi yi bibulu byandi?» 13 Yesu waÌmuvutwala: «Mutu wosu wanwa mamba mama, kihwinya kyamuÌkwata hika; 14 kaasi wuna wanwa mamba mana yimuÌheka meni, kihwinya kyalendaku mukwata hika: mamba mana yimuÌheka, mamuÌkitukila tho ya mamba mana makwata lubuka kikuma kya luzingu lwa mvula yi mvula.» 15 Mukhetu wumuzimbwadini: «A Pfumu, pheka mamba meni mamana, ndangu khwataku hika kihwinya amana khalaku hika yi mupfunu wa kwisa teka mamba kwaku.» 16 -Yesu wumuzimbwadini: «Ndawenda, mutela yakala dyaku amana awisa vutuka kwaku.» 17 Mukhetu waÌvutula: «Yeku yi yakala.» Yesu wumuzimbwadini: «Mboti wuzonzini, ha wuzimbudini ni weku yi yakala; 18 mukuma waÌkala yi bayakala batanu, amana yandi wubati zinga yandi buthwena, keku yakala dyaku. Kyedika wuzonzini.» - 19 Mukhetu wumuzimbwadini: «A Pfumu, mboni ni ngeyi, mbikudi wenina. 20 Bakhaka betu baÌfukamina Nzambi ha mongu wawu, kaasi benu Bayuta lwisi zimbula ni kizika kilungini mu kufukamina Nzambi, ku Yelusalemi kyenina.» 21 Yesu wumuzimbwadini: «Khwikila, mukhetu, ni tangwa dyakwiÌsa, dina dyakaÌla ni Tata bamuÌfukaminaku hika ha mongu wawu keti ku Yelusalemi. 22 Benu lwisi fukamina Nzambi wuna luzayiku; betu Bayuta thwisi fukamina wuna tuzayini, mukuma luhulusu, kwena Bayuta lwaÌtuka. 23 Kaasi tangwa dyakwiÌsa, dilungidi kedi, ndangu bafukamini ba kyedika bamuÌfukamina Tata mu kitembu yi mu kyedika; mukuma wawuna mutindu wa bafukamini bana kisi sanda Tata. 24 Nzambi kenina Kitembu, bulungi ni bana bisi mufukamina, bamufukamina mu kitembu yi mu kyedika.» 25 Mukhetu wa musamadiya wumuzimbwadini: «Nzayi ni Masiya wuna bisi tela Kidisitu, kabati kwisa. Tangwa kakwiÌsa, yandi watuÌsamwana moosu.» 26 Yesu wumuvutwadini: «Meni yandu yibati kuzonzisa.» 27 Muna tangwa meni dina, balonguki bandi bakala yituka mu kumona ni kabati yambila yi mukhetu mosi. Kaasi keti mosi wa bawu, waÌfwana ni kaÌhyula: «Biki wubati sanda?» kondilo «Kikuma kya biki wubati yambidila yi mukhetu?» 28 Amana mukhetu waÌsisa kalondu kandi, wenda mu mbanza amana wuzimbudini kwena batu: 29 «Alwisa tala! Mutu mosi wenina kuna, kaÌnzimbwadini mambu moosu mana yiÌhanga. Yandi kafwaniku ni kakala Masiya?» 30 Batu baÌlubuka mu mbanza amana bisa kwena Yesu. 31 Muna tangwa meni dina, balonguki bakala muzimbwala: «Ah Mulongi, dya!». 32 Kaasi yandi wubavutwadini: «Meni yenina yi bima bya kudya, bina lukondi zaya benu.» 33 Balonguki bakala dihyula bawu yi bawu: «Henina yi mutu wumunatini kima kya kudya?» 34 Yesu wubazimbwadini: «Madya mama menina mu kuhanga luzolu lwa wuna waÌthuma yi mu kumanisa kisalu kyandi. 35 Benu lwisiku zonza bwabu: “Ngonda ya zisadi mu kukatula mbongu?” Kaasi meni yiluzimbwadini: vumbulenu mesu amana talenu bilanga, bibundu bibengi amana tangwa dya kuhelabya difwani! 36 Wuna wisi katula mbongu, lufutu kisi tambula; amana kisi hela bibundu kikuma kya luzingu lwa mvula yi mvula; ndangu ni wuna wisi kuna yi wuna wisi hela, babodi basephila hakimosi. 37 Mukuma, kingana kina kya kyedika kyisi zimbula: “Mutu mosi wisi kuna amana mukwawu wendi hela." 38 Meni yiÌlutuma mu kuhela mbongu muna lwakonda monina phasi; batu bahika baÌmona phasi amana benu lubati zingila muna bisalu bya bawu.» 39 Bisi Samadiya balawu ba mbanza meni yina baÌkwikila mwena Yesu, kikuma kya kimbangi kina kya mukhetu: «KaÌnzimbwala moosu mana yiÌhanga.» 40 Buna baÌtula bela-bela yi yandi, bisi Samadiya baÌmulomba ni kazakala ndambu yi bawu; bilumbu byodi kaÌnanga kwakuna. 41 Batu balawu-lawu hika baÌkwikila kikuma kya ndinga yandi; 42 amana baÌzimbula kwena mukhetu: «Heku ni kikuma kya mambu mana wutuzimbwadikini tukwikididi; mukuma tumuyukini betu-betu yi matu metu, tukwikidi phi ni yandi kenina kyedika muhuludi wa tsi.» 43 Kunima dya bilumbu byodi meni bina, Yesu waÌkatuka hahana, wenda ku Ngadidi. 44 Mukuma yandi meni Yesu kata kimbangi: «Mbikudi kisiku lumina ku tsi yandi.» 45 Tangwa kisa ku Ngadidi, bisi Ngadidi baÌmuyamba mboti-mboti, kikuma baÌmona moosu mana kaÌsala kuna Yelusalemi, muna tangwa dya mukinzi, mukuma bawu meni kuna benda kuna mukinzi meni wuna . 46 Yesu waÌvutuka hika ku mbanza ya Kana dya Ngadidi, kuna kaÌbalula mamba mu vinu. Pfumu mosi wa ku nganda ya kyamvu wavwa mwana wandi wa yakala waÌkala wabela kuna Kafadinawumi. 47 Buna kaÌyuka ni Yesu wutudini mu Ngadidi ha kaÌtuka ku kinzunga kya Yuteya, wenda kwena yandi amana waÌmulomba ni kakulumuka ndangu kamukodisa mwana wandi wuna waÌkala mu kulakana, kuna Kafadinawumi. 48 Yesu wumuzimbwadini: «Benu, lwalendaku kwikila yukani khaku lumona bidimbu bya biphadi yi bithondu!» 49 Pfumu wa ku nganda wumuzimbwadini: «A Pfumu, kulumuka ku nzu, thweÌnda, buna khaku kedi kafwa mwana wama.» 50 Yesu wumuzimbwadini: «Awenda kwaku, mwana waku moya kenina.» Mutu wuna waÌkwikila muna ndinga yina kaÌmuzimbwala Yesu amana wenda. 51 Buna kakala kulumuka, basadi bandi bisa mulanda ndangu bamuzimbwala: «Mwana waku moya kenina.» 52 Hanga wubahyudini keti khi tangwa, mwana wandi kaÌdiyuka; bawu bamuvutwadini: «Mukolu, muna tangwa dya theti dya masikidika, yimumanisikini mbawu ya mu lutu.» 53 Tata waÌzaya kwandi ni muna tangwa meni dina, mwamuna kamuzimbwadikini Yesu: «Mwana waku moya kenina.» Amana waÌkituka mukwikidi yandi yi nzu yandi yosu. 54 Kina kyaÌkala kidimbu kya kiphadi kya zodi kaÌhanga Yesu, ha kaÌtuka ku kinzunga kya Yuteya mu kukwisa ku Ngadidi.