YOWANI 2

1 Muna kilumbu kya tatu, mukinzi wa longu waÌkala kuna Kana, muna kinzunga kya Ngadidi. Ngudi wa Yesu hana kaÌkala, 2 Yesu phi baÌmutedisa kuna longu meni luna hakimosi yi balonguki bandi. 3 Amana bwosu dyaÌkonda vinu, muna tangwa dimosi, hanga ngudi wa Yesu wumuzimbwadini: «Beku hika yi vinu.» 4 Yesu wumuvutwadini: «Ngudi, biki ngeyi yi meni mu mambu mama? Tangwa dyama khaniku kedi dilungila.» 5 Ngudi wandi wuzimbudini kwena basadi: «Hangenu kyosu kina kaluÌzimbwala.» 6 HaÌkala hahana yi mindungu sambanu mya tuma myaÌkala kikuma kya kudisemisa kwa Bayuta. Kosu mundungu yakala kota kitesu kya milangi khama. 7 Yesu wubazimbwadini: «Basisenu mindungu myami yi mamba.» Babasisimya yi hana thandu. 8 Yesu wubazimbwadini: «Buthwena, teÌkunenu amana natenumoku kwena muyidiki wa mukinzi.» Amana bawu baÌmunatinama. 9 Tangwa kaÌyedika, muyidiki wa mukinzi, mamba maÌkituka vinu, kaÌzayaku kubiki dyaÌtuka vinu meni dina. Kaasi basadi babana baÌlongulula mamba baÌzayabwa. Muyidiki wa mukinzi waÌmutela yakala wuna waÌkwela 10 amana wumuzimbwadini: «Mutu wosu kisi tekila hana vinu dya bukheti, yuka batu bazedini, wuhani nana mulala. Ngeyi wuswekiki vinu dya bukheti yi buthwena bwabu!» 11 Luna lwaÌkala luyandiku lwa bidimbu bya biphadi bya Yesu. KaÌsadilakya kuna mbanza ya Kana dya Ngadidi; waÌsongila khembu yandi, amana balonguki bandi baÌkwikila mwena yandi. 12 Kunima dya bwabuna, waÌkulunga ku mbanza ya Kafadinawumi yi ngudi wandi yi baphangi bandi yi balonguki bandi. Amana bilumbu bya khunda lwesi baÌnangakwa. 13 Mukinzi wa Phaki ya Bayuta waÌbwesuka amana Yesu waÌtombuka ku Yelusalemi. 14 Kuna nzu ya Nzambi, kaÌwana bateki ba bangombi, ba mikoku yi ba mayembi; yi bakwa tsyenzya baÌkala basikuka. 15 Kahanga wuyidiki fimbu dya misinga amana waÌbakukwasa boosu kuna phenza ya kyanzala kya nzu ya Nzambi, yi mikoku yi bangombi; waÌmwanga makuta ma bakwa tsyenza, waÌzanga phi mesa ma bawu; 16 hanga wuzimbudini kwena babana bakala tekisa mayembi: «Katulenu byabina byosu haka! Lukitulaku Nzu ya Tata wama hanga nzu yimosi ya kikhita!» 17 Balonguki bandi baÌyubuka ni baÌsonika bwabu: «Kitya kya lawu kina yenina kyawu kikuma kya Nzu yaku, kyanziÌnisa.» 18 Bayuta baÌmuzimbwala: «Khi kidimbu wutusongidini mu kuhanga bwabuna?» 19 Yesu waÌbavutwala: «Mwangenu nzu ya Nzambi yayi, amana mu bilumbu bitatu yituÌngululaya.» 20 Bayuta bamuzimbwadini: «KwaÌfwana mvula makumaya yi sambanu mu kutunga nzu ya Nzambi yayi, amana ngeyi, mu bilumbu bitatu, watuÌngululaya?» 21 Kaasi nzu ya Nzambi yina kakala zonzila yandi yaÌkala lutu lwandi. 22 Amana tangwa kaÌfutumuka ku bafwa, balonguki bandi baÌyubuka ni waÌzimbulabwa bwabuna; amana baÌkwikila mu Masonuku yi ndinga yina kaÌzimbula Yesu. 23 Buna kaÌkala Yesu ku Yelusalemi, kuna mukinzi wa Phaki, balawu baÌkwikila mu khumbu yandi, mu kumona bidimbu bya biphadi bina kakala hanga. 24 Kaasi Yesu, yandi, kaÌkwikilaku mwena bawu, kikuma waÌbazaya boosu. 25 KaÌkalaku phi yi mupfunu ni bamutila kimbangi kya mutu, mukuma yandi meni waÌzaya mana maÌkala mwena mutu.