YOWANI 19

1 Hanga Philatu wutumi ni bamubonga Yesu amana bamuzyatula mafimbu. 2 Baphumbulu baÌtunga mukhonzi wa tsaku wuna baÌmuvwatisa kuna mutwa, amana baÌmuvwatisa muzaka wa kabengi. 3 Bakala kwisa kwena yandi yi kuzimbulaka: «Mboti, kyamvu wa Bayuta!» Amana bakala muta mbata. 4 Philatu waÌlubuka hika amana waÌzimbula kwena Bayuta: «Yilunatini yandi ku phenza, ndangu lwazaya ni mboniku keti kikuma kimosi, mwena yandi, kya kumubedisila mukanu.» 5 Yesu phi waÌlubuka; wuvwatiki mukhonzi wa tsaku yi muzaka wa kabengi. Amana Philatu wubazimbwadini: «Yandi-wu mutu!» 6 Bambuta ba banganga Nzambi yi batsinzidi, buna baÌmumona, hanga bakalungini: «Mukhoka ha kitakani! Mukhoka ha kitakani.» Philatu wubazimbwadini: «Mubongenu benu-benu amana mukhokenu ha kitakani; mukuma meni mboniku kwama kikuma, mwena yandi, kya kumubedisila mukanu.» 7 Bayuta bamuvutwadini: «Betu thwenina yi mitsiku amana mitsiku meni mina mibati lomba ni kafweti fwa, kikuma wudikitudi Mwana wa Nzambi.» 8 Tangwa kaÌyuka Philatu ndinga yina, waÌyuka hika bweya lawu. 9 WaÌvutuka hika muna nganda amana waÌhyula kwena Yesu: «Kubiki wutukini ngeyi?» Kaasi Yesu kaÌmuvutwalaku mvutu. 10 Hanga Philatu wumuzimbwadini: «Abweti wubatiku ngyakula? Wuzayiku ni meni yenina yi kiyeka kya kukuyambwadila holo kya kukukhokisa ha kitakani?» 11 Yesu wuvutudini: «Weku yi kiyeka kimosi hana thandu ya meni yuka ni kakuhekikyoku Nzambi. Ihana ni mutu wuna wisi ndambula kwena ngeyi, disumu dyandi dilutini dina dya ngeyi.» 12 Tukidila bwabuna, Philatu kaÌkala sanda phila ya kumusudila Yesu. Kaasi Bayuta bakalungini: «Yuka ni wamusula, weku nduku wa Khayisala. Kosu mutu wuna wudikitudini kyamvu, kipfumu kabati nwanina yi Khayisala!» 13 Philatu, buna kaÌyuka mihowu meni mina, hanga wumulubudini Yesu kuna nzila amana yandi wendi zakala hana kiti kyandi kya pfundusu, hana batedini: «Homa baÌkunga mu matadi, amana mu ndinga ya Bahebelu bisiha tela ni “Ngabata”.» 14 KyaÌkala kilumbu kya kuyidika mukinzi wa Phaki, bela-bela yi tsinzi; Philatu waÌzimbula kwena Bayuta: «Ayanduwu kyamvu wenu!» 15 Kaasi bawu bakalungini: «Kafwa! Kafwa! Mukhoka hana kitakani!» Philatu wubahyudini: «Fwani yimukhoka ha kitakani kyamvu wenu?» Bambuta ba banganga Nzambi bamuvutwadini: «Betu thweku yi kyamvu wahika, kaka Khayisala.» 16 Hanga wubaheki yandi Yesu ndangu bamukhoka ha kitakani. Yesu bamukhoki ha kitakani (Mth 27:32-44; Mlk 15:21-32; Luk 23:26-43) Amana baÌmunata Yesu. 17 Bwosu kakala nata yandi-meni kitakani kyandi, waÌlubuka mu hata amana weÌnda homa hana bisi tela: «Kibelengenzi kya mutwa»; mu ndinga ya Bahebelu, bisiha tela: «Kolukota». 18 Hahana baÌmukhokila ha kitakani. Hakimosi yi yandi, bakhoki hika batu bodi ha kitakani, mosi ku koku dya kitata dya Yesu, mukwawu ku koku dya kimama; yandi bamusi ha kati. 19 Philatu waÌyidikisa koma ka dibaya, baÌnamikadya hana thandu ya kitakani kya Yesu; dyaÌkala dyakusonika: «Yesu mwisi Nazaleti, kyamvu wa Bayuta.» 20 Bayuta balawu bakala tanga bisona byabina, kikuma homa hana baÌmukhokila ha kitakani Yesu haÌkala bela-bela yi mbanza. Masonuku mana makala mu ndinga tatu: yimosi ndinga ya Bahebelu, yikwawu ndinga ya bisi Loma yi ya Bangeleki. 21 Bambuta ba banganga Nzambi ba Bayuta baÌzimbula kwena Philatu: «Wusonikaku buna: “Kyamvu wa Bayuta” kaasi sonika: “Mutu yandu kaÌzimbula: Yenina kyamvu wa Bayuta”.» 22 Philatu wuvutudini: «Mana tsonikini, tsonikima kedi.» 23 Kunima dya kumukhoka ha kitakani Yesu, baphumbulu baÌtambula miledi myandi, baÌkabisamya mu ndambu ya, ndambu mosi-mosi kikuma kya kosu phumbulu. BaÌtambula hika mvwela yandi yina bakonda nunga mu bitini, kaasi baÌtungaya yi muledi wamuthu, tukidila ku londi yi kuna banda. 24 Baphumbulu badizimbwadini bawu yi bawu: «Tuyatayoku mvwela yayi, kaasi tubetilenuyoku zeki ndangu twazaya keti nati wataÌmbulaya.» Bwabuna malungidila Masonuku: «Badikabisidini miledi myama, amana lophu dyama, babetididya zeki .» Bwabuna baÌhanga baphumbulu. 25 Hana kabeta ka kitakani kya Yesu haÌkala yi ngudi wandi yi phangi wa mukhetu wa ngudi wandi, Madiya mukhetu wa Kolophasi yi Madiya mwisi Makatala. 26 Yesu buna kaÌmona ngudi wandi, amana hana kabeta ka yandi, haÌkala yi mulonguki wuna kakala zola lawu, hanga wuzimbudi kwena ngudi wandi: «Ngudi, tala mwana waku.» 27 Kunima wuzimbudi hika kwena mulonguki: «Tala ngudi waku.» Amana tukidila thangwa meni dyadina, mulonguki waÌmubonga ku nzu yandi. 28 Kunima dya bwabuna, Yesu bwosu kaÌzaya ni moosu malungidi kedi; mu kusya ti Masonuku malungila, wuzimbudini: «Kihwinya yenina kyawu.» 29 HaÌkala hakana yi kilekwa kimosi kyaÌkala kyabasa yi vinu dya ngani. BaÌtambula vuya, baÌzitikiladya kuna tsongi ya luswaswa lwa Yizophi, baÌvundikadya muna vinu dya ngani, amana baÌthutadya yi kuna munwa wandi. 30 Yesu, buna kaÌfiya vinu dya ngani, wuzimbudini: «Moosu malungidini!» Kunima waÌzenzika mutwa amana waÌtabula moyu. 31 Kilumbu mekina kyaÌkala kitanu, kilumbu kina bakala yidikila sabata amana Bayuta bisa lomba kwena Philatu ndangu bakatula bamvumbi mu bitakani kunima dya kubatolula malu, ndangu mvumbi zinangaku ha kitakani mu kilumbu kya sabata -kikuma kyaÌkala kilumbu kyambuta. - 32 Hanga baphumbulu bisini amana batoludini malu ma mutu watheti, kunima ma wuna mukwawu wuna baÌkhoka ha kitakani yi Yesu. 33 Tangwa baÌtula kwena Yesu, baÌmona ni wufiki kedi; amana baÌmutolulaku malu. 34 Kaasi mosi wa basuta kahanga wumukubi ngumba muna luhati; muna mbala mosi, menga yi mamba maÌlubuka. 35 Mutu wuna wubati ta kimbangi meni kyakina, yandi waÌmonakya phi amana kimbangi kyandi kyenina kya kyedika; yandi wuzayi ni kyedika kabati zonza, ndangu benu phi lwakwikila. 36 Mamana maÌbwa ndangu Masonuku malungila: «Keti mufufwa wandi wumosi watoÌlukaku.» 37 Amana Mukanda wukwawu wuzimbudini hika: «BataÌla kwena wuna baÌtubula .» 38 Kunima dya bwabuna, Yozefu, mwisi Adimate, wuna waÌkala mulonguki wa Yesu, kaasi mu kitsweki, kikuma kya bweya bwa Bayuta, wenda lomba nzila kwena Philatu ndangu kakatula lutu lwa Yesu. Philatu waÌmuheka nzila. Yozefu wisa amana waÌkatula mvumbi. 39 Nikodemi, mutu wuna wenda mumona Yesu, kilumbu kimosi muna phipha, wisa nata phi mananasi ma mila ma kubundikisa yi aluwesi, kitesu kya kilo makumatatu. 40 Yozefu yi Nikundimu baÌtambula mvumbi ya Yesu amana baÌvungaya ha muledi, yi mananasi ma tsudi, bwosu bisi zika bamvumbi mu kikalulu kya Bayuta. 41 Kinga kwaÌkala yi kilanga kimosi kwakuna baÌmukhokila ha kitakani, amana muna kilanga meni kyakina, mwaÌkala yi mazyamu mamosi mapha bakonda kedi zika keti mutu. 42 Amana bwosu kyaÌkala kilumbu kya kuyidikila sabata dya Bayuta, mazyamu phi bela-bela maÌkala, hanga Yozefu yi Nikodemi benda muzesa Yesu muna mazyamu meni mana.