YOWANI 20

1 Kilumbu kyatheti kya phosa muna suka-suka, Madiya mwisi Makatala wenda kuna mazyamu, kinga kuma mwa phipha hika kwaÌkala, amana wumoni ni ditadi dyakukatula ku mwelu wa mazyamu. 2 Wenda thinu katela Simoni Phetelu yi mulonguki mukwawu wuna kakala zola lawu Yesu amana wubazimbwadini: «Pfumu bamukatudini mu mazyamu, tuzayiku phi keti kubiki bamusini.» 3 Hanga Phetelu yi mulonguki wuna mukwawu baÌlubuka ndangu benda kuna mazyamu. 4 Thinu bakala kwenda bawu bodi; kaasi mulonguki wuna mukwawu thinu za lawu kaÌkala kuluta Phetelu, amana yandi waÌditudila theti ku mazyamu. 5 Kahanga wuzenzamini amana wumonini bitemba bya miledi hana tsi, kaasi kaÌkotaku. 6 Simoni Phetelu, wakala mulanda ku manima, wisa tula amana waÌkota muna mazyamu, wumoni bitemba bya miledi hana tsi, 7 yi muledi wuna baÌmukasa ku mutwa. Muledi meni wuna waÌkalaku homa hamosi yi bitemba bya miledi; kaasi waÌkala wakuvunga mu kingenga. 8 Hanga mulonguki wuna mukwawu waÌditudila theti ku mazyamu, waÌkota yandi phi. WaÌmona amana waÌkwikila. 9 Mukuma yi kuna kilumbu meni kina, balonguki baÌbakisaku kedi Masonuku mana baÌsonika ni Yesu waÌfwana kafutumuka hakati dya bafwa. 10 Hanga balonguki bawu bodi bavutuki kwabawu ku nzu. 11 Madiya wutelamikini kuna phenza, bela-bela yi mazyamu, yi kudilaka. Bwana kakala dila, wuzenzami mu kutala muna mazyamu; 12 hanga wumoni banzyo bodi mu miledi mya phembi, bazakadikini hana haÌkala theti lutu lwa Yesu, mosi kuna mutwa amana mukwawu kuna malu. 13 Bamuzimbwadini: «Mukhetu, biki wubati didila?» Yandi wubavutwadini: «Kikuma Pfumu wama bamukatudini, nzayiku phi keti kubiki bamusini.» 14 Buna kaÌzimbula bwabuna, waÌbaluka kumanima amana wumoni Yesu wutelamikini, kaasi kaÌzayaku ni Yesu yandina. 15 Yesu wumuhyudini: «Mukhetu, biki wubati didila? Nati wubati sanda?» Madiya kaÌbanza ni musadi wa bilanga wuna, hanga wumuzimbwadini: «Pfumu, yuka ni ngeyi wumunatini, nzimbwala kuna wumusini, amana yenda mubonga.» 16 Yesu wumuzimbwadini: «Madiya!» Yandi waÌbaluka kwena yandi amana wuzimbudi muna ndinga ya Bahebelu: «Labuni!» disongidila: «Mulongi.» 17 Yesu wumuzimbwadini: «Wutsimbaku, mukuma khaku kedi thombuka kwena Tata. Kaasi awenda kwena baphangi bama amana bazimbwala ni thombuki kwena Tata wama wuna wenina phi Tata wenu, Nzambi wama yi Nzambi wenu.» 18 Madiya mwisi Makatala wendi samuna kwena balonguki: «Yimumonini Pfumu!» Amana waÌbamenikina mamana kaÌmuzimbwala. 19 Muna masikidika mamana ma kilumbu kyatheti kya phosa, balonguki baÌkala bawongama muna nzu. BaÌbindika mwelu yi tsabi, kikuma kya bweya bwa Bayuta. Yesu wisa, hanga wutelami hana kati dya bawu, wubazimbwadini: «Ngemba yakala yi benu!» 20 Buna kaÌzimbula bwabuna, waÌbasongila moku mandi yi luhati lwandi. Balonguki baÌkala mu kyesi kya lawu mu kumona Pfumu. 21 Yesu wubazimbwadi hika: «Ngemba yakala yi benu! Bwosu buna kaÌthuma Tata, meni phi yilutumini.» 22 Kunima dya kuzimbula bwabuna, waÌfula lwanda hana thandu ya bawu amana wubazimbwadini: «Tambulenu Kitembu Kyatoma! 23 Kwena bana lwaÌlolula masumu ma bawu, baÌtambula ndoluka; kwena bana lwakonda lolula, baloÌlukaku.» 24 Tangwa kisa Yesu, mosi wa bawu kumi yi bodi, khumbu yandi Tomasi, wuna bisi tela ni diphasa, kaÌkalahoku. 25 Hanga balonguki bahika bamuzimbwadini: «Tumumoni Pfumu.» Kaasi yandi wubavutwadini: «Yuka ni mboniku bidimbu bina bamukhokidikini tsosu muna moku mandi, yuka ni khotisiku mulembu wama muna bidimbu meni bina, yuka ni khotisiku phi koku dyama muna luhati lwandi, yikwiÌkilabwoku keti bweti.» 26 Kunima dya bilumbu nana, balonguki bandi baÌkala hika badiphatila muna nzu, Tomasi phi hana kaÌkala hakimosi yi bawu. Mwelu myosu mya kukangisa, hanga Yesu wisi telama hana kati dya bawu, wubazimbwadini: «Ngemba yakala yi benu!» 27 Kunima wuzimbudini kwena Tomasi: «Kotisa haha mulembu waku, tala phi moku mama; thuta koku dyaku amana syadya muna luhati lwama. Yambula phaka, kwikila!» 28 Tomasi wumuvutwadini: «Pfumu wama yi Nzambi wama!» 29 Yesu wumuzimbwadini: «Kikuma wumboni, yihana wukwikididi? Kyesi kwena babana bisi kwikila konda kumona!» 30 Yesu wata hika bidimbu bya biphadi byalawu, ku thwala ya balonguki bandi, bina bakonda sonika mu mukanda wawu. 31 Kaasi byabi baÌsonikabya ndangu lwakwikila ni Yesu kenina Kidisitu, Mwana wa Nzambi, amana muna lukwikilu meni luna, lwatambula luzingu mu khumbu ya yandi.