YOWANI 18

1 Tangwa kaÌmanisa mu kuzonza bwabuna, Yesu waÌlubuka yi balonguki bandi ndangu benda ku sambwa dya mwana mamba ma Setoni, kwakuna kwaÌkala yi masamba mamosi; Yesu yi balonguki bandi baÌkota mwamuna. 2 Yutasi, wuna waÌmulambula, waÌzaya phi homa hahana; kikuma Yesu yi balonguki bandi bakala kwenda kutakaninaka mbala za lawu kwakuna. 3 Amana Yutasi wisa tula kwakuna, waÌnata kibuka kya baphumbulu yi batsinzidi bana baÌmuheka kwena bambuta ba banganga Nzambi yi bafwadisi. BaÌkala yi binwaninu amana basimbiki mwinda mya mbweta yi masoka. 4 Yesu waÌzaya mambu moosu makhana mubwila, waÌbwesuka kuna thwala amana wubazimbwadini: «Nati lubati sanda?» 5 Bamuvutwadini: «Yesu mwisi Nazaleti.» Yandi wubazimbwadini: «Meni yandu.» Amana Yutasi, wuna wakhana mulambula, watelama kaÌkala hakimosi yi bawu. 6 Buna kaÌbazimbwala: «Meni yandu», baÌvutwakisa kinima-nima amana baÌbwa ha tsi. 7 Yesu waÌbahyula hika: «Nati lubati sanda?» Bawu phi bamuvutwadini: «Yesu mwisi Nazaleti.» 8 Yesu wuvutudini: «Yiluzimbwadikibwa kedi ni meni yandu; amana yuka ni meni lubati sanda, yambulenu baba-baba benda kwabawu.» 9 KaÌzimbula bwabuna ndangu yalungila ndinga yina katekila zonza: «Thotisikiku keti mosi wa babana waÌpheka.» 10 Kinga Simoni Phetelu, mbedi ya phoku kaÌkala yawu, waÌholaya, waÌhuta kutu dya kitata dya musadi wa mbuta wa banganga Nzambi. Khumbu ya musadi wuna yaÌkala Malukusu. 11 Yesu waÌzimbula kwena Phetelu: «Vutula mbedi yaku ya phoku muna kilalu kyandi. Ngeyi wubanzi ni bungu dya phasi dyadi kaphekini Tata ndwadyoku?» 12 Kibuka kya baphumbulu yi bapfumu ba bawu yi batsinzidi ba Bayuta baÌmukwatidila Yesu amana baÌmukasa. 13 Hanga bamunatini theti kwena Ana, yandi, buko bwa Khayifu kaÌkala, wuna waÌkala mbuta wa banganga Nzambi muna mvula meni yayina. 14 Khayifu meni wuna, yandi waÌhana ndongisila yayi kwena Bayuta: «Bulungi ni mutu mosi kafwa kikuma kya kanda dya batu.» 15 Simoni Phetelu yi mulonguki wahika bakala mulanda Yesu kuna manima. Mulonguki meni wuna waÌzayasana yi mbuta wa banganga Nzambi, yihakana kaÌkotila nzila mosi yi Yesu muna kati dya kyanzala kya nzu ya mbuta wa banganga Nzambi; 16 Phetelu, yandi sadikini hana phenza, bela-bela yi mwelu. Hanga mulonguki wuna waÌzayakana yi mbuta wa banganga Nzambi wulubukini amana wendi zonza yi tsinzidi wa mukhetu wuna wakala tadikina mwelu, kunima, waÌmukotisa Phetelu. 17 Hanga musadi wa mukhetu meni yana wakala tsinzidi ku mwelu wuzimbudi kwena Phetelu: «Ngeyi phi weku mosi wa balonguki ba mutu wuna?» Yandi wumuvutwadini: «Loni, ka meni ku.» 18 Basadi yi batsinzidi hana baÌkala; baÌwika mbawu amana bekina yeta mukuma kuma kyosi kwaÌkala. Phetelu phi hana kaÌkala yi kuyetaka mbawu hakimosi yi bawu. 19 Mbuta wa banganga Nzambi wumuhyudini Yesu mu mambu mana matadidini balonguki bandi yi malongi mandi. 20 Yesu wumuvutwadini: «Meni yikala zonza phwelele kwena mutu wosu. Yikala longa kosu tangwa muna nzu za kimvuka za Bayuta yi muna nzu ya Nzambi, muna bisi kutakanina Bayuta boosu. Amana yiÌzonzaku keti kima kimosi mu kitsweki. 21 Kikuma kya biki wubati phyudila? Mambu mana nzonzini, hyulama kwena batu babana baÌngyuka; bawu bazayi bukheti mana yiÌzonza meni.» 22 Yesu buna kaÌzimbula bwabuna, mosi wa batsinzidi bana baÌkala hakana, hanga wumuti mbata mu kuzimbula: «Yibwabuna wubati vutula kwena mbuta wa banganga Nzambi?» 23 Yesu wumuvutwadini: «Yuka ni mbi nzonzini, songilaya; kaasi yuka ni bukheti nzonzini, kikuma kya biki wubati mbetila?» 24 Hanga Ana wumuhitikini, wakukasa, kwena Khayifu, mbuta wa banganga Nzambi. 25 Simoni Phetelu hana kaÌkala yi kuyetaka mbawu. Bamuzimbwadini: «Ngeyi phi weku mosi wa balonguki bandi?» Kaasi yandi waÌtuna mu kuzimbula: «Ka meni ku.» 26 Mosi wa basadi ba mbuta wa banganga Nzambi, wuna waÌkala kiwutu kya mutu wuna kaÌhuta Phetelu kutu, wuzimbudini: «Meni yikumonikiku muna masamba, hakimosi yi yandi?» 27 Kaasi Phetelu waÌtuna hika. Muna tangwa meni dina, khoku waÌkokula. 28 Hanga muna suka, bapfumu ba banganga Nzambi bamunatini Yesu tukidila ku nzu ya Khayifu yi kuna nganda ya pfumu wa mbanza wa Loma. Bawu-meni baÌkotamwoku mu nganda hanga badisumuna nana, ndangu balenga ta mukinzi wa Phaki. 29 Philatu waÌlubuka kuna baÌkala bawu amana wuzimbudini: «Khi dyambu lubati mufundila mutu yandu?» 30 Bamuvutwadini: «Wadi ni mutu yandi kaÌkadikiku mutu wambi, wadi tukhaniku kulambwala yandi.» 31 Hanga Philatu wubazimbwadini: «Mubongenu benu-benu amana mufundisenu bwosu milombi mitsiku myenu.» Bayuta bamuzimbwadini: «Betu thweku yi muswa wa kuhondisa mutu.» 32 BwaÌhangama bwabuna ndangu yalungila ndinga yina kaÌzimbula Yesu, mu kusongila phila ya lufwa luna kaÌlunga mu kufwila. 33 Philatu waÌvutuka mu nganda, waÌmutedisa Yesu amana wumuzimbwadini: «Ngeyi wenina kyamvu wa Bayuta?» 34 Yesu wuvutudini: «Dyambu dina wubati phyula, kwena ngeyi-meni ditukini ho batu bahika bakuzimbwadibwa?» 35 Philatu wumuhyudini: «Disongidila ni meni Muyuta yenina? Kanda dyaku yi bambuta ba banganga Nzambi bisi kulambula kwena meni; biki wuhangi ngeyi?» 36 Yesu wuvutudini: «Luyalu lwama lweku lwa ha tsi yayi. Wadi ni lwaÌkala lwa ha tsi yayi, wadi basadi bama bakhani ndwanina ndangu bandambulaku kwena Bayuta. Mu kuzonza kwamboti, luyalu lwama lweku lwa tsi yayi.» 37 Philatu wumuzimbwadini: «Disongidila ni ngeyi kyamvu wenina?» Yesu wumuvutwadini: «Ngeyi-meni wuzonzibwa ni kyamvu yenina. Meni yuka ni yiÌbutuka, yisa phi mu tsi, ndangu yita kimbangi kwena kyedika. Wosu wuna wenina mu kyedika, kisi yuka ndinga yama.» 38 Philatu wumuhyudini: «Biki kyedika?» Yesu bamuzengidi lufwa (Mth 27:15-31; Mlk 15:6-20; Luk 23:13-25) Kunima dya kuzimbula bwabuna, Philatu waÌlubuka hika mu kumona Bayuta amana wubazimbwadini: «Kikuma kya meni, mboniku keti kikuma kimosi kya kumubedisila mukanu mutu yandu. 39 Bwosu lwaÌyikana kedi ni kosu mvula, yiluyambwalaka mutu wa boloku mosi mu mukinzi wa Phaki; zengenuti buthwena bwabu, yiluyambwala kyamvu wa Bayuta?» 40 Hanga boosu bayandikini mu kukalunga: «Ka yandi ku! Kaasi Balabasi!» Kinga, Balabasi ndwandwa kaÌkala.