YOWANI 17

1 Kunima dya kuzonza bwabuna, Yesu waÌvumbula mesu ku zilu amana wuzimbudini: «A Tata, tangwa dilungidini. Monikisa khembu ya Mwana waku, ndangu Mwana yandi phi kamonikisa khembu ya ngeyi, 2 amana bwosu waÌmuheka hamu ha thandu ya mutu wosu, kisi hana luzingu lwa mvula yi mvula kwena batu babana waÌmuheka. 3 -Kinga luzingu lwa mvula yi mvula, lwenina ni bakuzaya ngeyi Nzambi mosi wakyedika, yi wuna waÌtuma ngeyi, Yesu Kidisitu. - 4 Meni yiÌmonikisa khembu ya ngeyi hana tsi; ndungisini kisalu kina waÌthuma mu kusala. 5 Amana buthwena bwabu, Tata, pheka khembu yina yiÌkala yawu ku mesu ma ngeyi hana tsi khaku kedi yihangama. 6 Ngyadikisiya khumbu yaku kwena batu bana waÌlubula mu tsi amana waÌbapheka. BaÌkala batu ba ngeyi amana waÌbahana kwena meni, baÌlunda phi ku ndinga yaku. 7 Buthwena, bazayini ni byosu bina waÌpheka, kwena ngeyi byaÌtuka. 8 Mukuma yiÌbaheka ndaka zina waÌpheka ngeyi; baÌtambulaza. BaÌzayabwa ni kyedika, kwena ngeyi yiÌtuka amana baÌkwikila ni ngeyi waÌthuma. 9 «Kikuma kya bawu mbati lombila meni. Mbatiku lombila kikuma kya batu ba tsi, kaasi kikuma kya babana waÌpheka, kikuma benina ba ngeyi. 10 Kyosu kina kyenina kya meni, kya ngeyi kyenina, amana kina kya ngeyi, kyenina phi kya meni; amana mwena bawu yisi monikina khembu yama. 11 Yenamwoku hika muna tsi, kaasi bawu mu tsi benina; meni yekina mu kukwisa kwena ngeyi. Tata watoma, balema muna khumbu yaku, khumbu yina waÌpheka, ndangu baÌkala kima kimosi hanga ngeyi yi meni. 12 Tangwa khadikini yi bawu, yikala balunda muna ngolu za khumbu yaku, ngolu zina waÌpheka. Yikala balema amana, hana kati dya bawu, keti mosi kaÌtotaku, katula lwesi wuna waÌfwana mu kuditotisa, ndangu Masonuku malungila. 13 Buthwena yekina mu kwisa kwena ngeyi. Kima nzonzidini bwabuna buna yenina hika mu tsi, ndangu bavwa mwena bawu-meni kyesi kyama; kyesi kina kyalungila. 14 Meni yiÌbaheka ndinga yaku, kaasi batu ba tsi baÌbamenga kikuma beku bisi tsi yayi, bwosu yeku meni phi wa tsi yayi. 15 Yikulombiku ni wabakatula ha tsi, kaasi wabalunda ku Mbi. 16 Beku batu ba ha tsi, bwosu yeku meni phi mutu wa tsi. 17 Batambika muna kyedika; ndinga yaku yenina kyedika. 18 YiÌbatuma muna tsi bwosu waÌthuma ngeyi phi mu tsi. 19 Amana meni yiditambikini meni wosu kwena ngeyi kikuma kya bawu, ndangu bawu phi bakala ba kutambika kwena ngeyi mu kyedika. 20 «Ndombidiku lwesi kikuma kya bawu, kaasi kikuma phi kya babana bakwiÌkila mwena meni ku ndinga ya bawu; 21 ndangu boosu bakala kima kimosi, bwosu wenina ngeyi, Tata, mwena meni, yi meni mwena ngeyi, bawu phi bakala mwena betu, ndangu tsi yakwikila ni ngeyi waÌthuma. 22 Amana meni yibahekini khembu yina waÌpheka ngeyi, ndangu bakala kima kimosi bwosu thwenina betu kima kimosi. 23 Meni mwena bawu amana ngeyi mwena meni; ndangu balungila muna kithwadi, amana tsi yazaya ni ngeyi waÌthuma, waÌbazola phi bwosu buna waÌnzola meni. 24 Tata, bana waÌbapheka, amana nzodi ni kwosu kuna yenina meni, bawu phi bakala kwakuna hakimosi yi meni ndangu bamona khembu yama, khembu yina waÌpheka, kikuma watekila nzola hana tsi khaku yihangama. 25 Tata wa masonga, tsi yaÌkuzayaku, kaasi meni yiÌkuzaya, amana baba-baba babakudi ni ngeyi waÌthuma. 26 YiÌzayikisaya khumbu yaku kwena bawu amana yibaÌzayikisaya hika, ndangu zola dina wenina dyawu kikuma kya meni, dyakala mwena bawu, hanga meni mwena bawu.»