MIHANGU 17

1 Kunima kulutila mu nzila ya Afiphodisi yi Apholoniya, baÌtula ku Tesalonika kuna kwaÌkala nzu ya kimvuka ya Bayuta. 2 Pholu weÌnda kwakuna, bwosu buna kayikana. Kitesu kya masabata matatu kakala zonzila, kumosi yi bawu, mambu mana matadidi Masonuku, 3 kaÌkalama babangwamina mu kusongila ni Kidisitu kaÌfwana kunyokuka amana kafutumuka ha kati dya bafwa. Wuzimbudini: «Yesu wuna yibati lusamwana, yandi wuna Kidisitu.» 4 Ndambu ya bayuta hana kati dya bawu baÌtambwasama amana baÌkhundakana kwena Pholu yi Silasi. Phila mosi yi bisi Ngeleti balawu bana bakala kumisa Nzambi yi bakhetu bahika ba luzitu. 5 Kaasi Bayuta baÌyuka kiphala, baÌbonga ndambu ya bayakala bambi, bana bisi telama muna balabala, hanga balubudi mathata muna kibuka yi mvwalangani muna mbanza. BeÌnda kuna nzu ya Yasoni mu kusanda Pholu yi Silasi ndangu babanata ku mesu ma batu. 6 Kaasi baÌbawanaku; hanga babanati Yasoni yi ndambu ya baphangi bahika bakala hana ku thwala ya bazusi ba mbanza, amana baÌyandika kukalunga: «Batu baba bavwadingisini tsi yosu, buthwena, batudi haka! 7 Amana Yasoni wubayambiki kuna nzu yandi! Boosu babati sala mambu mafwananiku yi mitsiku mya Khayisala, mukuma babati zimbula ni henina yi kyamvu wahika, Yesu!» 8 Ndinga meni zina zibavwadingisi mulumba-lumba wa batu yi bazusi ba mbanza. 9 Kunima dya kubafutisa mbongu, Yasoni yi batu bahika, baÌbayambwadila. 10 Buna yabwa phipha, hanga baphangi babahitiki Pholu yi Silasi ku Bele. Mu kutula kwa bawu, beÌnda ku nzu ya kimvuka ya Bayuta. 11 Baba-baba baÌkala yi tsambu ya kubayamba kuluta bana baÌkala ku Tesalonika; baÌyambaya Ndinga ya Nzambi yi luzolu lwa mboti mu kulongukaka kosu kilumbu Masonuku, ndangu bazaya yukani mambu mana babati balonga ma kyedika menina. 12 Balawu hana kati dya bawu, baÌkituka bakwikidi. Phila mosi yi bisi Ngeleti ba bakhetu ba luzitu yi bayakala balawu. 13 Kaasi tangwa baÌyuka, Bayuta ba ku Tesalonika, ni Pholu kabati samuna hika ndinga ya Nzambi ku Bele, biÌsa hika kwakuna, ndangu bavwadingisa milumba-lumba mya batu. 14 Hanga baphangi baÌmuhitika Pholu ku sabu dya yanga dya mbuta; kaasi Silasi yi Thimoti baÌsala kuna Bele. 15 Bana bakala munata Pholu, beÌnda yandi yi kuna Ateni, kunima dya kuvutuka kwa bawu ku Bele, batu meni babana bisa yi muswa wuna kaÌbaheka Pholu kikuma kya Silasi yi Thimoti ndangu bamulanda tswalu. 16 Muna tangwa medina, Pholu kakala bahingila Silasi yi Thimoti kuna Ateni, kaÌmona ni mbanza yina yabasa yi banzambi ba biteki, hanga wuyuki phasi lawu ku mbundu. 17 Kakala solula yi Bayuta yi bana bakala kumisa Nzambi mu nzu ya kimvuka ya Bayuta, amana kosu kilumbu, kakala solula yi bana kakala wana mu mazandu. 18 Ndambu ya batu ba mayedi ba ephikidiye yi ba sitoyisye bayandika mu kuyambila yi yandi. Bahika bakala zimbula: «Biki disongidila dya malokosi mama?» Bakwawu bazimbudi: «Ngatu mulongi mosi wa banzambi ba banzenza wubati longa.» Mukuma Pholu kakala samuna Musamu wa Bukheti wa Yesu yi wuna wa lufutumuku . 19 Hanga bamubongi, bamunati ku Ayelophazi amana bamuzimbwadini: «Fwani twazaya keti khi mawu malongi mapha mana wubati zonzila? 20 Mukuma mambu ma kuyituka wubati zonzila mu matu ma betu. Tuzodi twazaya thendula ya mawu.» 21 Kikuma, bisi Ateni yi banzenza bana bakala zingila ha kati dya bawu bakala lutisa tangwa dya bawu dyosu mu kumenika holo kuyuka mambu mana mapha. 22 Pholu waÌtelama hana kati dya Ayelophazi, wuzimbudi: «Bisi Ateni, mboni ni batu ba kinzambi lwenina muna mambu moosu. 23 Kikuma mu kuluta khadikini, mboni bima byenu bya bisambu, amana mboni phi yi mesa ma kimenga baÌsonika bwabu: “Kwena nzambi wuna kazayakaniku.” Disongidila ni lwisi mufukamina konda kumuzaya, yandi wuna mbati lusamwana meni. 24 Nzambi wuna waÌhanga tsi yi byosu bina byeninamwa, yandi wenina Pfumu wa zilu yi wa tsi, kisiku zingila mu nzu za Nzambi zina baÌtungila mu moku ma batu; 25 bisiku muheka bima bituki mu moku ma batu, hanga wuna wisi konda kima, yandi wisi baheka luzingu kwena boosu, mwela yi bima byosu. 26 Muna nzila ya mutu mosi kaÌhangila makanda moosu ma batu, baba bisi zingila mu tsi yosu, amana waÌyidika matangwa yi muma muna bafwani kuzingila, 27 ndangu bamusanda Nzambi, ngatu bafwani kumumona mu kubabata. Kinga yandi kisiku kala kyana yi mosi yi mosi wa betu. 28 Mukuma: “Mwena yandi thwisi zingila, thwisi ninganina amana thwenina; Bwabuna baÌzimbula phi ndambu ya basoniki benu: “Betu phi thwenina khuna ya yandi ." 29 Yukani kikanda kya Nzambi thwenina, twalendaku banza ni bunzambi bwenina hanga wolu, hanga ndisu holo hanga matadi mana bisi hala kwena batu yi mabanza ma kimutu. 30 Kaasi Nzambi, kisiku tala hika tangwa dina dya kukonda mazaya, buthwena, kabati tela batu boosu, muma mwosu, ndangu basoba bikalulu . 31 Kikuma waÌsya kilumbu kina kasaÌmbisa tsi ya batu yosu mu masonga; mu nzila ya mutu wuna kaÌsola, amana waÌhana kambangu kwena batu boosu, mu kumufutumuna ha kati dya bafwa!» 32 Buna baÌyuka kuzonzila lufutumuku lwa bafwa, bahika baÌmuseya, bakwawu bazimbudi: «Mbala yahika nana twayuÌka mambu mana.» 33 Bwabuna kaÌlubukila Pholu ha kati dya bawu. 34 Mbatanana buna, ndambu ya batu bahika, baÌkhundakana kwena yandi amana baÌkituka bakwikidi. Muna kati dya bawu, mwaÌkala yi Tenisi, mukwa kibuka kya Ayelophazi, yi ngudi mosi khumbu yandi Tamadiya yi batu bahika.