MIHANGU 18

1 Ku manima ma bwabuna, Pholu waÌkatuka ku Ateni, weÌnda ku Khoditu . 2 KaÌwana kwakuna, Muyuta mosi khumbu yandi Akilasi, mwisi kizunga kya Photi , wisi tula nana tukidila ku Kitadi yi mukhetu wandi Phisikila, kikuma Kodi kaÌhana muswa ni Bayuta boosu bakatuka ku Loma. Hanga Pholu wendi kuna baÌkala; 3 bwosu kakala sala kisalu kimosi yi bawu, waÌzakala kuna nzu ya bawu mu kusala kisalu: baÌkala bayidiki ba masombolu. 4 Kosu sabata, kakala bonga ndinga muna nzu ya kimvuka ya Bayuta amana kakala sanda mu kukwikisa Bayuta yi bisi Ngeleti. 5 Kaasi buna baÌkulumuka, Silasi yi Thimoti tukidila ku Masetwani, Pholu waÌdihana kimakulu mu kulonga Ndinga ya Nzambi; kakala tendula kwena Bayuta ni Yesu kenina Kidisitu. 6 Kaasi bwosu bakala bwisa Bayuta malongi mandi yi kumutukwanaka, waÌkhukumuna miledi myandi amana waÌbazimbwala: «Menga menu makala hana thandu ya mutwa myenu! Meni mathadiku! Buthwena bwabu, yikweÌnda kwena Baphani.» 7 WaÌkatuka kuna amana weÌnda ku nzu ya mutu mosi, khumbu yandi Titiyusi Yusitusi, wakala kumisa Nzambi, nzu yandi yaÌkala hana kabeta ka nzu ya kimvuka ya Bayuta. 8 Khisiphusi, pfumu wa nzu ya kimvuka ya Bayuta, waÌkwikila mwena Pfumu yi nzu yandi yosu. Amana bisi Khoditu lawu bana bakala yuka, baÌkwikila amana baÌbotama. 9 Muna phipha mosi, Pfumu kaÌmulubwakila Pholu mu mbona mesu, wumuzimbwadi: «Yukaku bweya! Zonzaka, wudibataku, 10 mukuma meni yenina kumosi yi ngeyi. Ka mutu ku wakuÌhanga kima, kikuma batu balawu yenina bawu mu mbanza yayi.» 11 KaÌnanga kwakuna, mvula mosi yi ngonda sambanu hana kati dya bawu, mu kulonga ndinga ya Nzambi. 12 Muna tangwa dina kaÌkala Kadiyoni, pfumu wa Loma kuna kinzunga kya Akayi, Bayuta baÌkutakana, baÌbonga lukanu lwa mbi kikuma kya Pholu amana baÌmunata ku nganda ya bazusi, 13 bazimbudi: «Mutu yandu, kabati kwikisa batu ndangu bakumisaka Nzambi muna phila yina milombidiku mitsiku.» 14 Pholu, buna kaÌzola katambula ndinga, Kadiyoni waÌzimbula kwena Bayuta: «Wadi ni mutsiku kakuludi kondilo dyambu dyahika diluti kitesu, wadi yiluyukidi buna bufwani, benu Bayuta. 15 Kaasi hadyena dyambu ditadi mihowu, khumbu yi mitsiku mya benu-benu, mana matadi benu-benu. Meni, nzodiku kukala zusi dya mambu mana!» 16 Hanga wubakudi ku nganda ya bazusi. 17 Hanga boosu bamukwati Sositeni, pfumu wa nzu ya kimvuka ya Bayuta, amana baÌyandika kumubeta hana thwala ya nganda ya bazusi, konda bwamuheka phasi Kadiyoni. 18 Pholu waÌzakala hika kwakuna ndambu ya bilumbu. Kunima, waÌbasisa baphangi amana waÌkota mu masuwa ndangu kenda ku Sidiya, kumosi yi Phisila yi Akilasi. WaÌdikulula tsuki ku mutwa, kuna Sakhe, mukuma lusilu kaÌsila. 19 Tangwa baÌtula ku Efesu, yandi waÌbasisa Phisila yi Akilasi. Wenda ku nzu ya kimvuka ya Bayuta amana waÌyambila yi Bayuta. 20 BaÌmulomba ni kaÌnanga hika ndambu ya bilumbu kwakuna; kaasi yandi kazolaku. 21 WaÌbasisa mu kuzimbula: «Yikwisa vutuka kwena benu, yukani Nzambi kazolabwa.» Tukidila ku Efesu, waÌkota mu masuwa. 22 Amana ha kaÌtula, ku Sezale katulukila, waÌtombuka theti ku Yelusalemi ndangu kahana mboti ku Dibundu , kunima waÌkulunga ku Atyosi. 23 Ku manima ma ndambu ya tangwa, weÌnda amana waÌhyokila mu nzila ya Ngalati yi Fizi, mu kusyamisa balonguki boosu. 24 Kinga Muyuta mosi, khumbu yandi Apholosi, mwisi Alekizandi, nganzi wa mbuta kaÌkala amana waÌtoma zaya mambu matadidi Masonuku, waÌtula kuna Efesu. 25 Yandi, nzila ya pfumu baÌmulonga, yi ngolu mu kitembu, amana kakala longa yi tsikiningi mambu matadidi Yesu, kaasi mbotika ya Yowani lwesi kaÌzaya. 26 KaÌkala zonza yi tsikiningi yosu muna nzu ya kimvuka ya Bayuta. Ku manima ma kumuyuka, Phisila yi Akilasi baÌmubonga mu kwenda musongila mboti-mboti nzila ya Nzambi. 27 Bwosu kaÌkanina mu kuhyokila ku Akayi, baphangi baÌmuheka kikesa amana baÌbasonikina balonguki ndangu bamuyamba mboti-mboti. Mu kutula kwandi kuna, mupfunu wa lawu kaÌkala kwena bana baÌkituka bakwikidi mu khenda za Nzambi, 28 mukuma, kakala batungulula, Bayuta, yi ngolu zoosu hana mesu ma batu, yi kubasongila muna nzila ya Masonuku ni Yesu kenina Kidisitu.