MIHANGU 16

1 Pholu waÌtula ku Delebi, kunima wenda ku Disiti. Kinga kwaÌkala kwakuna yi mulonguki mosi khumbu yandi Thimoti; kaÌkala mwana wa Muyuta wa mukhetu mosi wa mukwikidi yi mwisi Ngeleti mosi. 2 Baphangi ba bisi Lisiti yi bisi Kikonyumi bakala ta kimbangi kya mboti kikuma kya yandi. 3 Pholu kaÌzola ni kamunata kumosi yi yandi, hanga wumubongi amana wumuyotisi kikuma kya Bayuta ba kinzunga mekyana; kikuma boosu bakala zaya ni tata wandi mwisi Ngeleti kaÌkala. 4 Muna mbanza zina bakala hitila, bakala samuna mana baÌzenga kwena bathumwa yi bathwadisi kuna Yelusalemi, ndangu balundama. 5 Mabundu makala syama mu lukwikilu yi kukolaka kilumbu muna kilumbu. 6 Kitembu Kyatoma waÌbakandisa Pholu yi Silasi mu kulonga Ndinga ya Nzambi mu kinzunga kya Aziya, hanga baÌluta ku Fizi yi tsi ya Ngalati. 7 Buna baÌtula bela-bela yi kinzunga kya Misiya, baÌmeka mu kukwenda ku kinzunga kya Bitini; kaasi Kitembu kya Yesu kaÌbahekaku nzila. 8 Hanga bahitidi ku Misiya amana baÌkulunga ku mbanza ya Thowasi. 9 Muna phipha, Pholu waÌmona mbona mesu. Mwisi Masetwani mosi waÌkala hana, watelama, kakala mubokwadila bwabu: «Luta ku Masetwani, awisa tusadisa!» 10 Buna kaÌmonina mbona mesu yina, twaÌsanda mu kukwenda ku Masetwani; kikuma twaÌzaya ni Nzambi kaÌtutela ndangu twasamuna Musamu wa Bukheti kwakuna. 11 Buna twaÌbonga masuwa tukidila ku Thowasi, hanga thwendi mbala mosi yi kuna zawala dya Samothalasi; kilumbu kyalanda thweÌnda ku mbanza ya Neyaphodisi. 12 Ha twaÌkatuka kwakuna, thweÌnda ku Fidiphu; mbanza yimosi, muna kinzunga kyatheti kya Masetwani amana bisi Loma bakalamwa zingila. TwaÌnanga ndambu ya bilumbu kwakuna. 13 Mu kilumbu kya sabata, twaÌlubuka mu mwelu wa mbanza, kuna khungu ya mamba mosi, homa hana twakala banzila ni twawana kizika kya lombilu. TwaÌzakala hakana amana twaÌyambila yi bakhetu bana bisaha kutakana. 14 Hakala yi mukhetu mosi khumbu yandi Didya; kikhita kya miledi mya thalu kakala sala, mwisi mbanza ya Thiyatidi, kakala kumisa Nzambi. Kakala yuka, amana Pfumu waÌmukangula mbundu ndangu kadihana mu ndinga za Pholu. 15 Kunima dya kutambula mbotika yi nzu yandi yosu, waÌtutedisa kuna nzu yandi, kaÌtubokwadila mu kuzimbula: «Yuka lumoni ni meni yenina wakwikama kwena Pfumu, alwisenu ku nzu yama amana zakalenu kwakuna.» Amana waÌtubokwadila ndangu twatambwasa. 16 Bwana twaÌkala kwenda ha kizika kya lombilu, musadi wa mukhetu mosi wakala yi mukisi wa nyoka , wakala mutuma mu kubikula mana mabwa ku thwala, muna phila meni yina, mwamuna bapfumu bandi bakala bongila mbongu, hanga wututundakani. 17 Wayandika mu kutulanda, betu yi Pholu, yi kukalungaka: “Batu baba benina basadi ba Nzambi wa phungu! Babati lulonga nzila ya luhulusu!" 18 Bwosu kakala sala bwabuna bilumbu bya lawu, ku tsuka, Pholu waÌvwalangana, amana waÌbaluka mu kuzonza kwena kitembu kina: «Mu khumbu ya Yesu Kidisitu, yikuheki muswa ni waÌlubuka mu lutu lwa mukhetu yandi!» Amana kyaÌlubuka muna tangwa medina. 19 Buna bamona ni kivuvu kya bawu bakala bongila mbongu kitotini, hanga bapfumu ba mwana mukhetu wuna babakwati Pholu yi Silasi amana bababulumuni hana mbasi, kuna thwala ya bapfumu ba mbanza. 20 Babasongidi kwena bazusi ba Loma amana bazimbudi: «Batu baba babati kotisa mvwalangani mu mbanza yetu. Bayuta benina, 21 amana babati longa mikuku mya pha mina batulombiku keti mu ku tambwasa, keti kusadila kwena betu thwenina bisi Loma.» 22 Mulumba-lumba wa batu phi waÌbabalukila. Hanga bazusi babawomwasi miledi amana bahani muswa ni babadiphula mafimbu. 23 Ku manima ma kubadiphula lawu dya mafimbu, baÌbatimbula mu boloku, balombi kwena tsinzidi ni kabatalaka mboti-mboti. 24 Buna kabonga muswa wuna, waÌbakotisa mu suku dina dyaÌkala kuna tsuka ya boloku amana waÌbakotisa malu muna phophu. 25 Muna kisuku, Pholu yi Silasi bakala lombila yi kuyimbila kikuma kya kuzatula Nzambi; batu bahika ba boloku bakala bayuka. 26 Muna mbala mosi, mafu maÌningana ngolu, mipfundila mya boloku myaÌningana. Muna tangwa meni dina, mwelu myosu mya batu ba boloku myaÌkanguka, amana misinga myosu myaÌtabuka. 27 Tsinzidi waÌtokama, amana buna kaÌmona ni mwelu mya boloku mya kukangula, waÌhola mbedi ya phoku yandi; kaÌzola ni kadihonda, kikuma kaÌkabanza ni bakwa boloku baÌtina. 28 Kaasi Pholu waÌkalunga: «Wudihekaku phasi! Hatwenina betu boosu!» 29 Hanga tsinzidi wulombi mwinda, waÌkota thinu amana waÌbwa kuna thwala ya Pholu yi Silasi, kuna yi kutekitaka. 30 Wabanata ku nzila amana wuzimbudi: «A bapfumu, biki pfwani yihanga ndangu yihuluka?» 31 Bamuvutwadini: «Kwikila mwena Pfumu Yesu, wahuÌluka ngeyi yi nzu yaku.» 32 BaÌmulonga ndinga ya Pfumu, yi kwena boosu bana baÌkala mu nzu yandi. 33 Muna tangwa meni dina, muna phipha, waÌbabonga yandi meni amana waÌsukula phuta za bawu. WaÌtambula mbotika, yandi yi boosu bana baÌkala mu nzu yandi . 34 WaÌbatombula ku nzu yandi, waÌbaheka bima bya kudya amana waÌsephila kumosi yi nzu yandi yosu kikuma kya buna baÌkwikila mwena Nzambi. 35 Tangwa kwakhya kuma, bazusi ba Loma baÌtuma basuta benda zimbula kwena tsinzidi: «Bayambwadila batu bana.» 36 Tsinzidi waÌtudisa muluwa kwena Pholu mu kuzimbula: «Bazusi bazimbudi ni balubula; buthwena, lubukenu amana lwenda mu ngemba.» 37 Kaasi Pholu kaÌbavutwala bwabu: «Ku manima ma kutubetisa fimbu mu mesu ma batu, konda kutusambisa, betu batu thwena bakwa mbedi ya Loma ! Batutimbudi mu boloku. Amana buthwena, bazodi ni batukula mu kitsweki? Loni! Bisa tulubula bawu meni!» 38 Basuta baÌnata ndinga zina kwena bazusi ba Loma, bawu, bweya bwaÌbakwata mu kuyuka ni bisi mbedi ya Loma baÌkala. 39 Bisa babokwadila amana baÌbasula, yi kubalombaka ni bakatuka mu mbanza. 40 Tangwa baÌlubuka mu boloku, Pholu yi Silasi, beÌnda ku nzu ya Didya. Buna baÌbamona, babasyamisa baphangi amana beÌnda.