MIHANGU 13

1 Muna Dibundu dina dyaÌkala ku Atyosi, mwaÌkala yi bambikudi yi balongi bwosu: Balanabasi, Simeyoni wuna bakala tela Kaphindi, Lukyusi mwisi Sileni, Manayena wuna wakola kumosi yi Eloti wuna wakala yala ku Ngadidi yi Sawulu. 2 Muna tangwa dina bakala zatula Pfumu yi kuzila madya, Kitembu Kyatoma wuzimbudini: «Ngyekwalenu Balanabasi yi Sawulu kikuma kya kisalu kina yiÌbatedila.» 3 Hanga ku manima ma kuzila madya yi kulombila, babasya moku amana baÌbasula ni benda. 4 Disongidila, bawu baÌtuma kwena Kitembu Kyatoma, baÌkulumuka ku Selesi; amana kwakuna, baÌkota mu masuwa ndangu benda ku zawala dya Siphele. 5 Buna baÌtula ku Salamini, baÌsamuna ndinga ya Nzambi muna nzu za kimvuka za Bayuta. BaÌkala yi Yowani-Malaku wuna waÌkala waphamu dya bawu. 6 Kunima dya kulabuka zawala dyosu yi kuna Phafwosi, baÌwana nganga-ngombu mosi, Muyuta mosi khumbu yandi Badi-Yesu wakala dimonikisa hanga mbikudi. 7 Kakala zingila mu mukombu wa pfumu wa zawala Seluyusi Phawulusi, mutu mosi wa mayedi. Yandi waÌtedisa Balanabasi yi Sawulu, mu kusanda kayuka Ndinga ya Nzambi. 8 Kaasi nganga-ngombu Edimasi (bwosu buna bakala mutela mu ngeleti), kakala batendisa amana kakala sanda mu kumuhukumuna pfumu wa zawala mu lukwikilu. 9 Hanga Sawulu (wuna bisi tela hika Pholu), waÌbasa yi Kitembu Kyatoma, waÌmutala Edimasi 10 amana wuzimbudi: «Ngeyi mutu yandu wabasa yi bukamvi yi mayedi mambi, mwana wa kiphidi-mutu, mbeni wa masonga! Wayambulaku kuzanga nzila za bukheti za Pfumu? 11 Buthwena, koku dya Pfumu dyakuÌzyatula ngeyi: wakiÌtuka phofu, amana mu tangwa dimosi, wamoÌnaku hika mwini wa tangwa.» Muna tangwa meni dina, phipha yaÌmubwila, waÌyandika mu kubabata ndangu kasanda mutu wamuÌsimba. 12 Tangwa kaÌmona, pfumu wa zawala mana mabwa, waÌkwikila, waÌyuka tsambu lawu kikuma kya malongi ma Pfumu. 13 Pholu yi banduku bandi baÌkota mu masuwa ma Phafosi, beÌnda phi ku mbanza ya Pheleze dya Phafidiya. Yowani-Malaku yandi waÌdihambula yi bawu amana waÌvutuka ku Yelusalemi. 14 Tuka ku mbanza Pheleze, baÌlanda nzila ya bawu amana baÌtula ku Atyosi wa Phisidi. Kilumbu kya sabata, baÌkota mu nzu ya kimvuka ya Bayuta amana baÌzakala. 15 Ku manima ma kutanga Mitsiku yi Bambikudi mu ndinga ya ngolu, bapfumu ba nzu ya kimvuka ya Bayuta baÌtuma benda bazimbwala: «Baphangi, yukani ndinga lwenina yawu kikuma kya kusyamisa batu, zonzenu.» 16 Pholu waÌtelama, wusongidi kidimbu ku koku amana wuzimbudi: «Bisi Kiseledi yi benu lwisi muzitisa Nzambi, yukenu! 17 Nzambi wa kikanda kyaki, Nzambi wa Kiseledi kaÌsola batata betu amana waÌvudisa kikanda mu tangwa dina kyaÌkala mu kinzenza ku tsi ya Ngiphiti, kunima waÌlubulakya mu ngolu za koku dyandi. 18 WaÌbadisa kitesu kya mvula makumaya muna nganga. 19 Amana ku manima kuzilula makanda tsambwadi muna tsi ya Kanana, waÌbaheka tsi ya bawu hanga kimvwama 20 moosu mana maÌsalama mu kitesu kya mvula khama ya yi makumatanu. «Ku manima ma bwabuna, waÌbaheka bazusi tii yi kuna tangwa dya mbikudi Samwela. 21 Ku manima, baÌlomba kyamvu, Nzambi waÌbaheka Sawulu, mwana Kisi, wuna waÌbayala mu mvula makumaya. Mukwa kikanda kya Benzyame kaÌkala. 22 Ku manima ma kumukatula, waÌbasodila kyamvu Tavidi ndangu kakala pfumu wa bawu. WaÌta kimbangi kikuma kya yandi: “Yimusodi Tavidi mwana wa Yese: mutu yandu wufwanani yi mabanza mama, kaluÌngisa bwosu buna nzodi." 23 Muna kikanda kyandi, Nzambi, muna lusilu lwandi kaÌtedisila Yesu hanga muhuludi kikuma kya Kiseledi. 24 Ku thwala kukwisa kwandi, Yowani waÌbekitila kikuma kya mbotika ya tsobuka ya bikalulu ya kanda dyosu dya Kiseledi. 25 Amana Yowani buna kaÌkala manisa kisalu kyandi, kaÌkala zimbula: “Kwena benu, nati yenina meni? Meni yenabwoku! Ku manima ma meni kabati kwisila wuna yileÌndaku mu kutumuna tsabatu zandi." 26 «Baphangi bama ba kikanda kya Bulahami yi benu lwisi muzitisa Nzambi, Musamu wa luhulusu wuna, kwena betu baÌhitikawa. 27 Mukuma, bisi Yelusalemi yi bapfumu ba bawu baÌmubakulaku Yesu, baÌbakisaku phi ndinga za bambikudi zina bisi tanga mu kosu kilumbu kya sabata. Kaasi baÌlungisaza mu kumusambisa. 28 Mbatanana bakonda mona kikuma kya kumuzengila lufwa, baÌlomba kwena Philatu ni kamuhondisa. 29 Ku manima ma kulungisa moosu mana baÌsonika mu Masonuku kikuma kya yandi, baÌmukulumuna ha kitakani amana baÌmuzesa muna mazyamu. 30 Kaasi Nzambi waÌmufutumuna ha kati dya bafwa. 31 KaÌdimonikisa bilumbu bya lawu kwena bana baÌmusindikila tuka ku Ngadidi yi kuna Yelusalemi, amana buthwena baÌkituka bambangi bandi ku thwala ya bisi Kiseledi. 32 Amana betu, tulusamwani Musamu wa Bukheti wawu: lusilu luna kaÌsila kwena batata betu, 33 Nzambi wulungisima buthwena kikuma kya betu bana ba bawu, mu kufutumuna Yesu. Bwosu buna baÌsonika mu mukanda wazodi wa mikunga: “Wenina Mwana wama, meni, khituki tata waku lelu. 34 Nzambi kaÌzimbula: kamuÌfutumuna ku bafwa ndangu kavutukaku hika mu bivundisila. Bwabuna kaÌzonzila: “YiluÌheka bima byatoma bya Tavidi bina bilungini mu lukwikilu." 35 Ihana kaÌzonzila muna mukunga wahika: “WayaÌmbwadilaku ni Watoma waku kavundila mu mazyamu." 36 Kinga, ku manima ma kusadisa mu makula mandi bwosu buna kaÌzola Nzambi; Tavidi waÌfwa, baÌmuzika hana kabeta ka batata bandi amana waÌvunda. 37 Kaasi wuna kaÌfutumuna Nzambi, kaÌvundaku. 38 Zayenubwoku, baphangi bama: mwena yandi bisi lulongila ndoluka ya masumu; muna moosu mana myaÌfwanaku kululolula mitsiku mya Moyize, 39 muna moosu meni mamana, wosu wuna wukwikidi mwena yandi kakuÌtumuka. 40 Disongidila ni kebenu, malubwilaku mana baÌsonika Bambikudi: 41 “Talenu, benu lwabasa yi kilenza, yitukenu amana totenu! Mukuma meni, yiluÌngisa muhangu wumosi muna tangwa dyenu, muhangu wumosi wuna lwakonda kwikila, yuka ni balumenikawa!» 42 Mu kulubuka kwa Pholu yi Balanabasi, baÌbabokwadila mu kuzonzila hika dyambu dina mu kilumbu kya sabata kina kyaÌlanda. 43 Tangwa kyaÌmwangana kimvuka, Bayuta balawu yi baphani bana bakwikila mu malongi ma Bayuta bana bisi kumisa Nzambi, baÌlanda Pholu yi Balanabasi. Baba-baba, muna ngyambila za bawu kumosi yi bawu, bakala basyamisa mu kukangama ku khenda za Nzambi. 44 Sabata dina dyaÌlanda, mbanza yosu kwandi baÌkutakana mu kuyuka ndinga ya Nzambi. 45 Mu kumona milumba-lumba mya batu, Bayuta bahika baÌyuka kiphala; baÌkala mufindisa phaka Pholu yi ngusi. 46 Hanga Pholu yi Balanabasi bakala bazimbwala yi kikumbwala kyosu: «BwaÌlunga ni baluzimbwalaya, ndinga ya Nzambi, theti kwena benu. Kaasi bwosu lulewudiya amana lumoniki ni lufwaniku mu kutambula luzingu lwa mvula yi mvula, tubaluki kwetu kwena Baphani. 47 Mukuma Pfumu waÌtuheka muswa wawu: “YiÌkukitula, ngeyi, mwini wa makanda, ndangu, mu lusadisu lwa ngeyi, luhulusu lwatula tii yi muna mwatsukila tsi!"» 48 Buna baÌyuka bwabuna, Baphani baÌsangwala lawu, baÌzatula Pfumu kikuma kya ndinga yandi. Amana boosu bana kaÌyidika Nzambi kikuma kya luzingu lwa mvula yi mvula baÌkwikila. 49 Ndinga ya Pfumu yaÌmwangana mu mulambu wosu. 50 Kaasi Bayuta baÌbalundika bakhetu ba luzitu bana bakala kumisa Nzambi yi bambuta ba mbanza amana baÌbasosila munyanga Pholu yi Balanabasi amana baÌbakukwasa mu mulambu wa bawu. 51 Bawu, baÌbakhukwamina fusyangeni dya bitambi bya bawu amana beÌnda ku Kikonyumi. 52 Kaasi balonguki ba ku Atyoki wa Phisidi, bawu, baÌbasa yi kyesi yi Kitembu Kyatoma.