MIHANGU 12

1 Muna tangwa meni dina, kyamvu Eloti waÌyandika kuyangisa ndambu ya baphangi ba Dibundu. 2 Kamuhondisa Zyaki phangi wa Yowani ku mbedi ya phoku. 3 Mu kumona ni mambu mana maÌbasephidisa Bayuta, waÌbonga dibanza dya kumukwatisa phi Phetelu. MaÌluta mu tangwa dya mukinzi wa mapha makonda muvimbu. 4 Kunima dya kumukwata yi kumukotisa mu boloku, waÌmulambula mu moku ma bibuka biya bya baphumbulu ndangu bamukengilaka. Yandi yi mabanza ma kumusambisa ha mesu ma batu ku manima ma mukinzi wa Phaki. 5 Amana Phetelu kaÌkala wakukwata muna boloku kaasi dibundu dyakala lombila Nzambi, kikuma kya yandi konda kulembwa. 6 Muna phipha, kinga Eloti kaÌkala yi sunga dya kamusambisa mu mwini, ku mesu ma batu, Phetelu wakukasa mu miyololu myodi, wanimba hana kati dya baphumbulu bodi. Ku mwelu batsinzidi bamosi bakala tanikina boloku. 7 Muna mbala mosi, wanzyo wa Pfumu wiÌsa, mitsyenzya mikenzudi suku. Wanzyo mosi waÌmutokamisa Phetelu mu kumutekula muna luhati ndangu kamutokamisa, amana wumuzimbwadi: «Telama tswatsu!» Miyololu myaÌwongumuka mu moku mandi. 8 Wanzyo waÌmuzimbwala: «Vwata mukaba waku amana zitika tsabatu zaku.» Phetelu wusadi bwabuna, ku manima Wanzyo wumuzimbwadi: «Vwata muzaka waku amana ndanda.» 9 Phetelu waÌlubuka mu kumulanda. Kakalaku zaya ni lusadisu lwa wanzyo lwa kyedika lwakala; kaÌbanza ni mbona mesu. 10 Buna baÌluta mukanzu watheti yi wazodi, baÌtula ku mwelu wa bisengu wuna walubwakila ku mbanza. WaÌdikangwakila wawu-meni kuna thwala ya bawu, baÌlubuka amana bakala phusana muna balabala dimosi, kutala, wanzyo wutoti. 11 Buna kadibakisa, Phetelu wuzimbudi: «Buthwena, nzayi ni mu kyedika Pfumu wutumiki wanzyo wandi amana wundubudi ku moku ma Eloti yi mu moosu mana bakanzodilaka bayuta.» 12 Tangwa kaÌbakula, weÌnda ku nzu ya Madiya ngudi wa Yowani wuna bakala tela ni Malaku. Kwakuna baÌkutakanina ndambu ya lawu ya batu yi kulombilaka. 13 Tangwa kaÌkhokwatila ku mwelu wa luphangu, musadi wa mukhetu mosi khumbu yandi Lodi waÌbwesuka mu kuhinikina. 14 Buna kaÌbakula ndinga ya Phetelu, sangu-sangu, konda kuyafulula, waÌtakula thinu mu kusamuna ni Phetelu mu mwelu wa luphangu kenina. 15 Bamuzimbwadini: «Ngeyi wu kilawu!» Kaasi yandi kakala sidingisa ni bwa kyedika. Bawu bakala zimbula: «Wuna wanzyo wandi.» 16 Kuna phi Phetelu yi kukhokwatilaka. BaÌyafulula amana baÌyituka lawu mu kumumona. 17 Phetelu waÌsongila kidimbu kuna koku dyandi ni badibata, waÌbamenika buna kaÌmulubula Pfumu mu boloku amana wuzimbudi: «Menikenubwa kwena Zyaki yi kwena baphangi.» Kunima waÌlubuka, amana weÌnda kuma kwahika. 18 Tangwa kwakhyela kuma, baphumbulu tsula yabakwata: bekadihyula keti biki byaÌmubwila Phetelu. 19 Eloti waÌtuma ni bamusanda, kaasi kaÌmumonaku. KaÌbafungwasisa batsinzidi, amana waÌhana nzila ni babazunduna mutwa. Kunima, waÌkulumuka ku Yuteya ndangu kenda ku Sezale kuna kaÌnangina ndambu ya bilumbu. 20 Eloti mu kimbeni kaÌkala yi bisi Tidi yi bisi Sitoni. Kaasi bawu baÌyukana mu kwenda mutala amana bisa. BaÌtundakana yi Balasitusi tsinzidi wa mwanza wa kyamvu, ndangu kabasadisa amana baÌlomba ngemba mukuma madya ma bawu makala tuka ku tsi yina ya kyamvu. 21 BaÌyukana, kilumbu kimosi amana Eloti waÌvwata mukonzu wandi, waÌzakala hana kiti kya luyalu, waÌyandika mu kuzonza ku thwala ya batu boosu, 22 batu bakala mutsikisa mu kukalunga: «Yeku ndinga ya mutu kaasi yina ya nzambi mosi!» 23 Kaasi muna tangwa medina, wanzyo mosi wa Pfumu waÌmubeta, kikuma kahanaku lukumu kwena Nzambi, hanga bamudi kwena mimvidya amana waÌfwa. 24 Kaasi ndinga ya Nzambi yaÌmwangana amana yaÌyalangana. 25 Balanabasi yi Sawulu, kunima kulungisa kisalu kya bawu ku Yelusalemi, baÌvutuka, baÌmunata Yowani wuna bakala tela ni Malaku.