MIHANGU 14

1 Ku Kikonyumi, Pholu yi Balanabasi bakala kota phi mu nzu za kimvuka za Bayuta yi kuzonzilaka mu phila yimosi ni Bayuta balawu yi bisi Ngeleti baÌkwikila. 2 Kaasi Bayuta bana baÌbwisa mu kukwikila, bakala sanda ni bavwadingisa mbundu za Baphani tii yikuna kuyenguna baphangi. 3 Mbatanana buna, Pholu yi Balanabasi baÌyika bilumbu bya bawu ku Kikonyumi. Bakala zonza yi kikumbwala kikuma bakala yekamina mwena Pfumu, yandi wuna wakala ta kimbangi kya ndinga ya mamboti mandi mu kuhana bidimbu yi biphadi muna moku ma bawu. 4 Muna mbanza, batu baÌdikabisa; bahika kikuma kya Bayuta, bakwawu kikuma kya bathumwa. 5 Kaasi bwosu bakala yilama, Baphani yi Bayuta yi bapfumu ba bawu, mu kubanyokuna yi kubahondila ku matadi, 6 bawu buna baÌbakulabwa, baÌtina ku mbanza ya Lisiti yi Delebi muna nzunga za kinzunga kya Dikawoni. 7 Kwakuna, baÌyandika kulonga Musamu wa Bukheti. 8 KwaÌkala, kuna Lisiti, yi mutu mosi wawokumuka malu; tuka lubutuku lwandi, kaÌkangalaku keti mbala mosi. Wazakala kaÌkala. 9 Kakala yuka mana kakala zonza Pholu. Yandu-yandu wumutadi amana bwosu kaÌmona ni kaÌkala yi lukwikilu lwalenda mubelula, 10 hanga wuzimbudi mu ndinga ya ngolu: «Telama, singika bitambi byaku!» Mutu wuna waÌsotuka amana waÌyandika mu kukangala. 11 Bwosu baÌmona mambu mana kaÌsala Pholu, milumba-lumba mya batu baÌthuta ndinga amana baÌzimbula mu ndinga ya bawu ya Dikawonye: «Banzambi bavwati lutu lwa kimutu amana bakulungi kwena betu!» 12 Balanabasi bakala mutela: «Zewusi» amana Pholu: «Helemesi», kikuma yandi waÌkala ngenzi . 13 Kikumbu kya nzambi Zewusi kyaÌkala kuna fula dya mbanza amana nganga wa kikumbu mekina, kumosi yi mulumba-lumba wa batu, waÌnata miluma mya bangombi yi bithundu bya kunenga, kaÌzola ni katambikabya kimenga kwena Pholu yi Balanabasi. 14 Tangwa baÌyukabwa bathumwa, Pholu yi Balanabasi, baÌyata miledi mya bawu amana beÌnda thinu mu mulumba-lumba mu kukalunga: 15 «Bakwetu, biki lubati hangila bwabuna? Betu phi thwenina batu hanga benu. Yuka ni tubati lusamwana Musamu wa Bukheti, ndangu lwayambula mambu makonda mupfunu amana lwabaluka kwena Nzambi wa moya wuna waÌhanga zilu yi tsi yi yanga dya mbuta, yi bima byosu bina bisimwa zingila. 16 Muna makula maÌluta, yandi waÌhana nzila kwena makanda moosu mu kulanda nzila za bawu-meni. 17 Kaasi kaÌlembwaku mu kuta kimbangi, mu kuhangaka mambu ma mamboti; mu kulunokisinaka mvula tukidila ku zilu, amana lwisi hela phi bibundu muna tangwa dya byawu, mu kuluhekaka madya yi kyesi kya ku mbundu.» 18 Mbatanana bakala zonza bwabuna, phasi baÌmona mu kukandikisa kwena milumba-lumba mya batu mu kubatambikila kimenga. 19 Kunima, Bayuta bana baÌtuka ku Atyosi yi ku Kikonyumi baÌbalongisila milumba-lumba mya batu. Hanga bamutimbwadi matadi Pholu amana baÌmubulumuna ku phenza ya mbanza, baÌbanza ni wafwa kaÌkala. 20 Kaasi tangwa baÌmuzyeta balonguki, waÌtokama amana waÌvutuka mu mbanza. Kilumbu kyalanda, weÌnda yi Balanabasi ku Delebi. 21 Kunima dya kusamuna Musamu wa Bukheti mu mbanza meni yayina yi kuyika balonguki balawu, Pholu yi Balanabasi mu kuvutuka kwa bawu, baÌhitila ku Lisiti ku Kikonyumi yi ku Atyosi. 22 Bakala syamisa balonguki yi kubaheka kikesa ndangu bazyama mu lukwikilu, mu kuzimbula: «Bulombi kwena betu, twamona kiwayi kya lawu mu kukota mu Kipfumu kya Nzambi.» 23 Muna kosu Dibundu, bakala basodila malemba, amana ku manima ma kulombila yi kuzila kudya, baÌbatambika kwena Pfumu mwena wuna bakala sila lukwikilu lwa bawu. 24 Kunima, baÌhyokila ku Phisidiya amana baÌtula ku Phafidiya. 25 Ku manima ma kulonga ndinga ya Nzambi ku Phelezi, baÌkulumuka ku Atadi. 26 Tangwa baÌkatuka kwakuna, baÌlabuka ku Atyosi wa Sidiya, kuna baÌbatambikila mu khenda za Nzambi, kikuma kya kisalu kina baÌsala. 27 Buna baÌtula, baÌkhundikisa Dibundu amana baÌtendula mambu moosu mana kaÌbasadila Nzambi, yi buna kaÌkangula mwelu wa lukwikilu kwena Baphani. 28 Amana baÌnanga bilumbu bya lawu kumosi yi balonguki.