Taalifi cant 128

1 Di woy yu ñuy yéege ca tund ya, di ko màggale Yàlla. Ndokkalee képp ku ragal Yàlla, di jëfe ay yoonam. 2 Yaay lekk saw ñaq, mbégteek ngëneel ñeel la. 3 Sa jabar ni garab gu meññ ci sa kër, say doom wër a wër sa ndab ni njëmbat lu jebbi. 4 Ki ragal Aji Sax jaa ngoog, nii rekk lay barkeele. 5 Yal na la Yàlla barkeele fii ci Siyoŋ; yal nanga teewe xéewalu Yerusalem sa giiru dund gépp, 6 te nga gis say sët. Yal na jàmm dal Israayil.