ACTS 24
WBT1 Aizii bakaźiaudaźu kamoo daunaźan, Ananias, Umanawunuźo Faadaa makon naa Caesarea iti kazowautapainao Jewnao tuma naźiki lawyer tuma, Tertullas kiaźo uźuu. ÄØnao makon naa naobanai Felix diźiti Ä©kaakapaaźanan Paul uźati. 2 ÄØkaawan naźiti, udaunaźan Paul naźaka-kaoaźa naa Ä©źidaźati. Naźiaźa naa Tertullas kaakapaan naa uruu kaikapaźa: “Ćnaobanaa Felix, pugaru umanawunuźo naobanai. Konaukii pidannao mashaapan pukazowautapan idi wawiizi kaiman. Naźiki ipai pusakitapadan waźati wuruźu aimaakan kida kasharutapaźoraz waunao wawiizi idaźa. 3 Uruu idi kaiman pidannao nyukunuu puźati ipai wiizai kawanaźati pukazowautapanii kidaz. 4 Aonaa Ƶmashaatapaźazon pugaru tomunuźiki manawun, mazan Ƶaipan puabatan waparadan masakaudaźu. 5 Diźoraz daonaioraźa aonaa ukaimanan, kichanaźiki-kiaźo uruu. Ipai, ipai amazada kawanaźati ukimudautan naźiki utoźorataaka-kidan Jewnao. Naźiki uruu kazowautapaźo Nazareth san pidanannao. 6 Naźiki uaipan kapam pakaniribaa-kidan Tominkaru Dapu pawazootapan idaźan kakinaorii. Uruu dikin iaźo wazaamatanuzu. [Wakootowapa-kidaźazoo nii padamata uruu wakakinaorinaa kawanaźati, 7 mazan Lysias, soldyaanao zowaunaa kaawan, sariapa unaźakan uruu waźai. 8 Naźiki ukian kanom kaakapaaźazon an Paul, marii uwaźatin puźidaźati.] Aushaa, pupishaa mooko uruu, puabatan nii kanom dikin iaźo wuruźu watoźoranuz uźati." 9 Ipai wuruźu abatapainaouz Jewnao, naźapa Ä©nyukunuu uparadan kawanaźati. “Mishiźo kaiwuruźu uparadanuz,” Ä©kian. 10 Uruu idi naobanai Felix sawadan pakaźu Paul diźiti. “Pugaruźu naa parada aizii,” ukian. Sariapa Paul kian naobanai ati, “Ćaitapa kotuaźo mishi pukazowautapan wairibannao Jewnao, ipai wuru idaźaźa amazada Ä©wiizaitapaniaz. Pugaru puaitapanii ipai Ä©kaduz. Uruu idi tuukii Ƶkonaukian, ushaźapanum kauźan aizii Ƶkakuwaapan nii puźati. 11 Aizii diźi 12 kamoo dobatan Ƶkaawan daunaźan Jerusalem iti, Ƶtoriinpaźanan idi Tominkaru ati. Turuu pupishaan pidannao pumishidaźazon an. 12 Aonaa Jewnao ikodauzon Ƶkashadakowaakapan pidan tuma Tominkaru Dapu ii, naźiki aonaa naźiam zii Ä©ikodan Ƶtoźorataaka-kidan pidannao synagogue ii oo pawiizi an kida. 13 Ukauźan aonaa mishiźo mani kaiwuruźu Ä©paradanuz. Aonaa kanom Ä©ikodan pamishii-kinaa nii kaiwuruźu Ä©kaakapaanuz Ƶgaru puźati. 14 Mazan Ƶkowaadan nii puźati aimaakan Ƶshaźapatauzonii. Mishi karikaonan Ƶtoriinpauzon wadarunnao Tominkarun ati, soo Jesus tominapa-kidan kawanaźati. Mazan Ä©kian panaźitiźo karikaonan wuruźu naźapaźoraz. Mazan ipai Ƶmishidan wuruźu kakinaorii Tominkaru taaniaz Moses ati. Naźiki ipai Ƶmishidan wuruźu Tominkaru prophetinnao saadauzonii kidaz. 15 Naźapa Ƶmishidan Tominkaru, wunao mishidan kawanuźu diinaouzuźu, naźiki Ƶmishida kapam baudaźapa kamoo ipaiźo nii pidannao, kaimanainao naźiki oiainao kadishita-kida-kao nii pabaaranaa iki. 16 Uruu idi karikaonan Ƶtiwautinan, kaiman Ƶaipan Ƶtaapinan, aonaa Ƶaipan Ƶnyukunuu kasharutinpan pidannao tuma oo Tominkaru tuma. 17 “Dobata wunu Ƶźaonaankan Jerusalem iki. Ćkaawan powaźa ati Ƶwaźanan idiźo puraata Ƶiribannao Jewnao idaźati. Naźiki Ƶkawaoda-kidaźazon idi kapam uzai Tominkaru Dapu ii. 18 Ćipaian puźaźoraźa naa Ƶshaźapaapan uruu kida aimaakan, naźiki Ƶipaian kapam Ƶchikainan Tominkaru ati, wuruźu Ä©ikodanuz Ƶgaru Tominkaru Dapu ii. Aonaa pidannao kasabaźuinpan Ƶtuma uruu dono, naźiki aonaa pidannao kasharutaakapan uruu dono. 19 Mazan naźiaźo pabiźi kida Jewnao Asia ikiźo Ä©waźatin. ÄØnao paźan turuu Ä©naźaka-kao daźatiźi pukanaapu ati, Ä©kowaada kizi kanom dikaudaźo aimaakan Ƶshaźapatan, turuu Ä©kaakapaan Ƶgaru puźati. 20 Aushaa pupishaa mooko wunaouźu diźoraz Jewnaouźu. Kanom dii Ä©ikoda dikauda kidaźo nii aimaakan Ƶshaźapaapan, tuubaru kidaźo Jewnao kootowapa-kidan dono Ƶgaru Jerusalem ii? 21 Soo kainaźa baudaźapa aimaakan dikin ii Ƶtoźoradan Ä©dyaun, Ƶdakoźatin idi Ä©paradan maźozaka kaikapaźa: ‘Ukootowapa-kidan Ƶgaru soo Ƶmishidan idi baudaźapa kamoo mawakainao kadishita-kida-kao nii pamawaka-kizi iki,’ Ƶkian idi Ä©źati." 22 Felix, uaitapaniźi naa “Jesus Kaduz” dauźu. Uruu idi ukian, “Turuaźa naa shoman. Ćzaudapan nii zii Lysias, soldyaanao zowaunaa kaawan. Uruu daunaźan Ƶaitapan nii naźapam Ƶshaźapatan pugaru,” ukian. Udaunaźan usookadaźakan naa wuruźu kootowapa-karuz, 23 naźiki Felix kian naa soldyaanao zowaunaa ati, “Aonaa Ƶaipan utaratapa-kao, marii uawunuutapa-kao karikaonan. Uiribannao kamunanuźuzon an uźati, turuu Ä©naźakan aimaakan uaiapanii kida,” ukian. 24 Atii dobata kamoo, uruu daunaźan Felix kaawan naa powaźa ati paudaiaro Drusilla tuma. Jewaba wuruźu Felix daiaroz. ÄØkaawan naźiti, sariapa Felix dyuudan Paul naźaka-kao paźidaźati, uabataźazon ukakinaopan. Uruu idi ipai Paul kowaadan uźati naźapaźoram wuruźu pidan mishidanuz Christ Jesus. 25 Naźiki ukowaada kapam uźati kaiman kidaźo mashaapa-karu dauźu, naźiki ukowaada naźapam pidan maźozakadan panyukunuu oiaźo shaźapata-kao ai. Naźiki ukowaada kapam uźati diinaźitiźi Tominkaru kootowapa-kidan nii ipai pidannao. Mazan sariapa Felix tariaźakan paabatan idi naźapa kidaźo kakinaorii. Uruu idi ukian, “Turuaźa naa zii shoman. Baźoran dono Ƶturuudinan dono Ƶdapada-kidan nii koshan pugaru." 26 Felix itiiman shaa Paul taan nii puraata paźati, pakodita-kinaa nii. Uruu idi mapuda udapada-kidan Paul, naźiki ukadakotinan nii daźi utuma. 27 Mazan dyaźutam wunu daunaźan Porcius Festus zaamata-kao tuubaruźo naobanai nii Felix wadaun nii. Uruu idi Felix muudinan naa. Mazan Paul unaźian naa kowas uwaźakan uruu taraa-kizai ii, uaipan idi Jewnao kaimanan paźati.