James 3

1 La voraiku peresi na vevoraiku, mo sopo rÌuhu vara kamim vao tavera ha mai ha tamlohi vujangi, matan ha lo levosahia vara na rani aria, God i pa ari rÌilangi kamam tamlohi vujangi i jeu na tamlohi purongo. 2 Matan enrÌa mo isoiso rÌa jalio na malele matuvana, ale vara tea mo sopo jalio na sava mo lo verea, enia tamlohi tataholo matan i erÌi taurilati na epena tari. 3 Vara rÌa tau na bit na jingo hos matan vara la oloolo hinirÌa, rÌa erÌi posi vevuhi na epera sohena. 4 Ha rÌomrÌomia, lanis sohena, la tavera hina purongo vara langi rÌilangi mo lo sohaira vara i vano, pani stiana rihirihi atu i erÌi posi lanis tavera atu i vano na sava jara tamlohin lanis atu mo opoia. 5 Sohen haratu purongo, meme tamlohi enia mo rihirihi purongo, pani i erÌi retimangisi i tavera jea. Ha rÌomrÌomia vara te tanume hapu rihirihi hatea purongo i erÌi suli na urata tavera. 6 Ale meme tamlohi enia hapu, hina sasati tari matan varama nike la marÌivi matana, enia hina rihirihi purongo na eperÌa, pani mo sati mo jeu na eperÌa tari, ale mo jilangi na malele mauri mo isoiso, matan hapu sei moruhapu mo lo polopoloa. 7 Matan tamlohi la erÌi taurilati na maji tari sohena maji jala, maji haraho, maji avuavu peresi na maji tasi, ale tamlohi la taurilatira moiso, 8 pani tea i sopo erÌi taurilati na memena. Enia hina sasati matea mo sopo erÌi toho malum, mo marÌivi na poison sei mo sile na mate. 9 RÌa hasohaso God TamarÌa hinia, ale hinia rÌa lo veresatihi na tamlohi sei God mo vaira la tataholo na nahona. Gen 1.26 10 Hin jingo atu matea purongo, lerÌuhu peresi na lesati la lo malue hinia. La voraiku, hinau atu mo sopo tataholo vara la sohen haratu. 11 Wai peresi na tasi la erÌi tia vutvut hin te patu wai hatea purongo? 12 La voraiku peresi na vevoraiku, pulo fig i erÌi vua olive teni grape i erÌi vua fig? Mo sohena purongo, paltungu tasi matea i sopo erÌi sile na wai purongo. 13 Hare isamim enia tamlohi lelevosahi matea, ale mo levosahi mamahuni na hinau? Vara tea, na nona posposi rÌuhu, mo rÌuhu vara i vujangi na nona vavahinau sei la vora mata nona posposi rÌomatano usuri na lelevosahi vararÌuhu. 14 Pani vara ha marÌivi na mereimerei sasati, ale ka lo rÌomrÌomi kamim hasemim na mapumim, ha sopo retihapahapa, ale ha sopo turuleji na retivararÌuhu. 15 Lelevosahi sohen harihi mo sopo tai na tuka, pani enia mata varama, enia nona tamlohi purongo, enia mo tai isana tanume sasati. 16 Matan vara sava jara mereimerei peresi na posposi rÌomrÌomi kamim hasemim mo lo toho ea, patumasa peresi na posposi sasati tari la pa toho hinia. 17 Pani lelevosahi matan tuka, tiroma hinau hinia, enia mo sopo te rÌomsati hinia, mo usuri na posposi tamata, mo usuri na posposi rÌomrÌuhu, mo oloolo, mo marÌivi na rÌomopoia, ale vuana rÌuhu mo marÌivi, mo sopo tametame tea, ale mo vararÌuhu. 18 Ale tamlohi sei la lo vai na tamata, la pa lavo na piri mata tamata, ale la vu na astauni rÌuhurÌuhu.