James 2

1 La voraiku peresi na vevoraiku, ha sopo tametame tea na mauri mata rasua hin norÌa Moli Iesu KrÌisto, enia Moli mata hasohaso tavera jea. 2 Matan vara te tamlohi la unu na nomim matavuhi, ale matea enia mo tau na gold ring na limana mo ru na ruru rÌuhu, ale tamlohi tinapua matea mo tilavono mo unu sohena, pani nona ruru mo marÌarÌari, 3 ale vara ha sile na oloolo hin haratu sei mo ru na ruru rÌuhu, ha verea isana vara, “Tamlohi tavera, o sakele hin jara rÌuhu nike!” Pani isan haratu sei mo tilavono ha verea vara, “O turu purongo sevano, teni o sakele purongo nike atano na paloku." 4 Harakerihi, enia posposi matahi isamim hasemim, ka mai ka tamlohi aria la lo ari na rÌomrÌomi sasati. 5 La voraiku peresi na vevoraiku rÌuhurÌuhu, ha tapurongo isaku, God mo virÌoni la haratu la tilavono na varama vara la pa tavtav na nora rasua, ale la pa lavi mauri atu God mo aulu hinia sei mo retitauhi hinia moiso isan la haratu la opoia. 6 Pani ka lo kilau purongoi na tamlohi tilavono. Mo sopo la haratu sei la tavtav natu, la lo sile na rani rÌilangi isamim, teni la lo reve kamim ka vano na court? 7 Mo sopo enira natu sei la lo veresatihi na hijan KrÌisto sei ka lavia? 8 Pani vara ka lo oloolo hin Leu atu mo aulu na Retitapu sei mo verea vara, ‘O opoi na tamlohi la lo toho rÌalihiho sohen ko lo opoiho hasem.’ Lev 19.18 9 Pani vara ka lo tametame na tinapua, ka lo vai na hehe, ale Leu mo verea vara ka tamlohi tope na Leu. 10 Matan hare mo lo oloolo na leu tari, pani mo tope matelete purongo, enia mo ori na leu tari. 11 Matan haratu mo verea mara, ‘Ha sopo vaivaileu peresi na tinapua mo lahi moiso!’ Enia haratu mo verea mara, ‘Ha sopo vili na tamlohi!’ Vara ka sopo vaivaileu peresi na tinapua, pani ka vili na tamlohi, kamim ka mai tamlohi matea mata tope na Leu moiso. Exo 20.13â14; Deut 5.17â18 12 Ale ha retireti, ale ha hahau sohen la haratu sei la pa lavi na aria non Leu mata materi. 13 Matan vara God i ari na tamlohi, i pa sopo rÌomopoi tea sei mo sopo erÌi rÌomopoi na tinapua. Matan rÌomopoia mo vuni na aria non God. 14 La voraiku peresi na vevoraiku, mo rÌuhu sohena sava vara tea mo lo verea vara enia tamlohi rasua, pani mo sopo te vaivaina? Nona rasua i erÌi juria teni i vono? 15 Vara te vorai teni te vevorai hatea mo sopo te nora ruru teni te hara hinau, 16 ale vara te vonamim matea mo verea isana mara, “Mo rÌuhu, o vano, God i pa lerÌuhu hiniho, o pa sopo hamariri, o pa sopo marohati!” Pani ko sopo sile te hinau hatelete isana matan vara i tueni na epena, sava hinau mo rÌuhu hinia? 17 Ale rasua mo lo toho hasena vara mo sopo te vaivaina, enia mo mate. 18 Pani tea i pa verea vara, “Engko nom rasua, pani enau na lo vai na hinau matuvana!” Ale a pa verea isana vara, “O vujangiau na nom rasua mo sopo te vaivaina, ale a pa vujangiho na noku rasua na noku vavahinau." 19 Ko rasua vara God enia matelete, haratu mo tataholo, vararÌuhu tanume sasati sohena la rasua, ale la matahu tavera la lo savaravara matana. 20 Pani ko lo opoia vara a vujangia isam, tamlohi rongorongo vono, vara rasua mo sopo te vaivaina enia hina purongo. 21 Ko levosahia vara Abraham tamarÌa mo tataholo na nahon God mata vaivaina, hin rani atu mo sile natuna Isaac na votavota isan God? 22 Ko hitea vara nona rasua mo sorÌotahi peresi na nona vavahinau, ale nona vavahinau mo marÌivisi na nona rasua, 23 ale mo marÌivisi na Retitapu sei mo verea vara, ‘Ale Abraham mo rasu God, ale God mo verea vara enia mo tataholo na nahona matana’. Gen 15.6 Ale matana, la tovia tapalan God. Isa 41.8 24 Ka hitea, tamlohi mo tataholo na nahon God na nona vavahinau, mo sopo mata rasua hasena purongo. 25 Ale sohen haratu purongo Rehab, harÌai malele atu, mo tataholo na nahon God na sava mo vaia, matan enia mo lavi la vaharÌule atu na imana, moiso mo verera na malele tinapua vara la mele malue hinia. 26 Matan sohena, epe tamlohi mo mate vara tanumena mo malue hinia, ale rasua mo mate vara mo sopo te vaivaina.