James 4

1 Sava hinau enia pulo nomim vauriuri peresi na nomim vasvas? Pulona enia masalomim sei la lo valum na lolomim. 2 Ka rÌomusuri te hinau, pani ka sopo erÌi lavia, ale matana, ka vilimatei na tamlohi. Ka rÌomijea hin te hinau nona tinapua, ale ha sopo erÌi lavia, ale matana, ka valum, ale ka vasvas. Ka sopo lavi te hinau matan ka sopo usia isan God. 3 Ka usia, pani ka sopo lavia matan ka lo usia na rÌomrÌomi sati matan vara ha pa jalahia na masalomim. 4 Ka tamlohi vaivaileu! Ka sopo levosahia vara ha tapala peresi na varama i pa vai kamim ha meresahi isan God? Matana, hare mo opoia vara i tapala peresi na varama, mo hasena vaia mo meresahi isan God. 5 Teni ka lo rÌomrÌomia vara Retitapu mo vere purongoi vara, ‘RÌomin God tari mo lo toho na Tanumena sei mo taua hinirÌa?’ 6 Pani God mo mele sile na rÌomrÌuhu mo jeu tiroma. Matan Retiulia mo verea vara, ‘God mo lo turuhoro na tamlohi hapahapa pani mo sile na rÌomrÌuhu isan la haratu la rÌomatano.’ Pro 3.34 7 Matan hinau atu, ha hase tau kamim na ruhuruhun God. Ha turuhoro Tiapolo, ale enia i pa rovo isamim. 8 Ha mai mariviti isan God, ale enia i pa mai mariviti isamim. Ha sopo lavi na hina lumiha na maurimim, ka tamlohi hehe, ale ha onehi na mapumim la vokevoke, ka tamlohi rÌom rua. 9 Ha rÌomsati mata nomim hehe, ha tangtangi, ale ha tangi. Ha vai na nomim mana i mai tangtangi, ale nomim avulahi i mai rÌomsati. 10 Ha hase tau kamim atano na nahon Moli, ale enia i pa tahe kamim. 11 La voraiku peresi na vevoraiku, ha sopo veresatihi kamim hatehateahi. Haratu mo lo veresatihi na voraina matea teni mo lo ari na voraina, enia mo lo veresatihi na Leu, ale mo lo ari na Leu. Pani vara ka lo ari na Leu kamim ka sopo tamlohi vai na Leu, pani ka tamlohi ari na Leu. 12 God purongo mo sile na Leu, ale enia tamlohi aria, enia natu, i erÌi juri, ale i erÌi komo. Pani kamim hare matan vara ha pa ari na tamlohi la lo toho rÌalihi kamim? 13 Ha tapurongo, la haratu la lo verea vara, “Nohorihi teni pavuho rÌa pa vano hin te taon tavera nike, teni atu matan te tauni hatea, ale rÌa pa turuhi te bisnis atu mata lavi te mania tavera!” Pro 27.1 14 Pani ka sopo levosahia vara sava i pa masese isamim pavuho? Maurimim enia sava? Matan ka sohena haravu na urata mo sinai mo toho makomona, ale mo mele tihai. 15 I pa mele rÌuhu vara ha verea sohen harihi, “Vara na masalon Moli, rÌa pa mauri, ale rÌa pa haranike teni harasevano." 16 Pani mo sohena natu, ka lo retimangisi na sava ha pa vaira. Retihapahapa tari sohen harihi enia hina sasati. 17 Matan haratu, hare mo levosahi na hinau tataholo vara i vaia, pani mo sopo vaia, enia hehe isana.