Acts 27

1 Lara la hatihia vara kama pa malue matan vara kama sahe Italy, la tau Paul peresi na tatua tamlohi tinapua na ima rÌilangi na lima captain mata tamlohi vuro matea hijana Julius. Enia mo lo kilau na vao tamlohi vuro matea, ale vao tamlohi vuro atu la lavi na hijan nora supe matea matan Rome tuai sei Augustus. 2 Kama vele na boti matea mo malue Adramyttium sei mo tatamahu vara i pa maro usuri na vusalean Asia, ale kama malue. Aristarchus mara Macedonia matea mo tai Thessalonica mo usuri kamam. 3 Mo mele rani sahe kama hoso Sidon, ale Julius mo kilau mamahuni Paul na posposi rÌuhu, ale mo tinarÌihia vara i erÌi sahe i hite na tapalana matan vara la erÌi tuenia na nona vejuveju. 4 Kama mele malue atu kama sivo na tasi, ale kama maro na maumau ureuren Cyprus matan kama lo songai na langin hapuara harÌua. 5 Kama maro roto na tasi tavera moiso, kama sahe usuri vusalean Cilicia ale Pamphylia. Ale kama hoso Myra hin Lycia. 6 Hin jara atu captain mata tamlohi vuro atu mo tapai na boti tinapua matea matan Alexandria mo lo sahe Italy, ale mo tau kamam hinia. 7 Kama maro malum na tasi mata rani matuvana, mo rÌilangi pani kama mai mariviti Cnidus, pani langin hapuara harÌua atu mo horo kamam, kama pa sopo erÌi mele vano. Ale kama posi sivo kama maro usuri na maumau ureuren Crete kama jeu na jingon Salmone. 8 Kama maro usuri na vusaleana, kama lavi na rani rÌilangi. Ale kama mai na jara matea la tovia Fair Havens, enia mo lo toho mariviti na taon matan Lasea. 9 Matan rani rÌuhu mo visa la vano purongo moiso, nomam hahau nakerihi mo pa mele sati jea matan taro hamariri tavera peresi na langi sati matan October mo pala moiso, ale rani mata tapuhoro na hanhani nona Jew mo isoiso tuai moiso. Ale Paul mo verea isara mara, 10 “La tamlohi tavera, na hitevosahia vara norÌa hahau i pa isoiso na rani sati vara rÌa malue akerihi nakerihi. Ale mo sopo hinahinau na lolo boti purongo la pa tihai, pani maurirÌa sohena." 11 Pani pa captain atu, mo tapurongo na retireti non captain nona boti atu peresi na tamlohin boti atu, ale mo sopo tapurongo na sava Paul mo lo verea. 12 Matan jara atu enia mo sopo rÌuhu vara tea i erÌi toho atu na taro hamariri teni na taro langi, vaora la hatihia vara la malue atu. La lo rÌomtaua vara la erÌi tikeli Phoenix, mo naho sivo MalaharÌua enia jara matea matan Crete ale jara rÌuhu mata luhu na langi, ale la pa toho atu na taro hamariri. 13 Langin tahuna matea mara mo tapulo ivi malum, la lo rÌomrÌomia vara la pa erÌi tikeli Phoenix. Ale kama reve narÌihi na matalalavo, kama hapahapani usuri na vusalean Crete. 14 Pani mo sopo tuai, langi sati tavera matan Tokalau mo jovi mo malue hin ureure atu mo vili kamam. 15 Boti atu mara mo kali hinia, i sopo erÌi mele songaia, kama tavuti kama tinarÌihia mo sere kamam. 16 Kama sivo kama tikeli na maumau ureuren Cauda. Mo rÌilangi pani kama taurilati boti rihirihi atu sei boti tavera atu mo lo revea. 17 Tamlohi voko mata boti lara la sau narÌihia moiso, la talihi na tali na pangen boti tavera atu ale la liholatia. Ale matan la matahu vara langi i pa pulahi kamam kama hoso na rataratan Syrtis, la tuhu na timlen boti atu matan vara i taurilatira, ale la pa sivo malum purongo. 18 Mo mele rani sahe, matan langi atu mo tapulo rÌari boti atu, tamlohi voko la tapulo pulahi na lavilavi sivo na lolo tasi. 19 Mara mo mele rani sahe la tapulo pulahi na hinahinaun boti atu peresi te hinau sei la hitera la lo toho toho purongo. 20 Ale matan kama sopo mele hite na alo teni te vitusarasara mata rani matuvana moiso, ale langi atu mo sopo moti, kama sopo mele rÌomtoho vara kama pa juri hinia. 21 Matan vao tavera la rÌohu na hanhani, Paul mo turu sahe na livuhara, ale mara: “La tamlohi, vara ha pa lo tapurongo isaku, vara rÌa sopo lo malue Crete, rÌa pa sopo erÌi lavi na rani rÌilangi sohen harihi, teni vara rÌa pulahi tihai te hinau na tasi. 22 Pani nakerihi, na lo vere kamim hinia vara ha sopo matahu, matan tea i pa sopo erÌi mate, pani boti akerihi purongo i pa tihai. 23 Matan na vutepongi na hite na angelo matea non God sei enau nona volitusi, mo turu na pahisaku 24 ale mo verea isaku mara, ‘Paul, o sopo matahu! O pa turu na nahon supe matan Rome, ale God mo tinarÌihia vara tamlohi tari sei la lo toho peresiho la pa mauri.’ 25 Matan haratu, ha rÌomrÌilangi la tamlohi, matan enau na tau na noku rasua hin God vara i pa sohen haratu mo verea isaku. 26 Pani na levosahia vara boti akerihi i pa takosa hin te ureure hatea." 27 Na sangavulu rÌomana mo vati vutepongi matan langi atu, langi atu mara mo lo pulahi kamam, kama lo sivo roto na tasin Adria. Tamlohi voko hin boti atu la levosahia vara kama lo mai mariviti na jarauta. 28 Matana, la tuhu na asihai ale la hiteulia vara puahana mo tikeli na metre mo ngavulu vati (40). Ale la mele sahe makomona la mele tuhu pa asihai atu, ale la mele hiteulia vara nakerihi natu puahana mo tikeli na metre mo ngavulu tolu moiso (30). 29 Ale matan la matahu vara kama pa kali hin te paranga, la tuhu na matalalavo mo vati na pulo boti, ale la opoia vara i rani vila. 30 Moiso tamlohi voko la vaihitea vara la rovo hin boti atu, la tuhu pa boti rihirihi atu, ale lara la lo vaia, o hitea sohena vara la pa tuhu na matalalavo na patun boti tavera atu. 31 Pani Paul mo verea isan nora captain mata tamlohi vuro atu peresi la tamlohi vuro atu mara, “Vara la tamlohi akerihi la malue hin boti akerihi, ha pa sopo erÌi juri!" 32 Moiso la tamlohi vuro atu la tai roto na asin pa boti rihirihi atu, la tinarÌihia mo sale. 33 Mo pa lo nahonaho rani, Paul mo verea rÌilangi isara vara la hani te hinau mara, “Nahapani enia harau wik natu sei ka sopo hani te hinau matan ka sopo levosahia vara ha pa mauri teni mo vono. 34 Matan haratu, na lo verea rÌilangi vara ha hani te hinau matan enia i pa tueni kamim vara ha pa sopo mate. Matan te vulun te vonamim hatea i pa sopo erÌi tihai na patuna." 35 Mara mo vere hinau atu mo isoiso, Paul mo lavi na pereti ale mo vere meje isan God na nahora mo isoiso matana, mo topea ale mo tapulo hania. 36 Matan haratu, enira mo isoiso rÌomira mo mele rÌilangi ale la hanhani. 37 Evimam hin boti atu mo tikeli ngavulu sangavulu rua mo ngavulu limaravrua mo limarave (276). 38 Lara la hanhani la masu, la pulahi na tanga wit mo sivo na lolo tasi matan vara i vai na boti i salesale. 39 Rani mara mo pala, la sopo hitevosahi jara atu, pani la hite na jara luhu matea peresi na oneone, ale la hatihia vara la erÌi vaia vara boti atu i hoso hinia. 40 Ale la tai roto na asi mata matalalavo sei la lo toho na lolo tasi, ale la uli narÌihi asihai atu sei mo lo tauri la stian boti atu jara matea, moiso la tahe na hapanin patu boti atu mo sahe na langi, la haloa mo sahe na oneone. 41 Pani la tia na jara matea tasi mo lo maro leji hinia, ale patun boti atu mo kali na ratarata mo rÌilangi i sopo erÌi mele hisu, pani loloputu la lo tapulo kauti na pulo boti moiso. 42 La tamlohi vuro atu la hatihia vara la pa vilimatei la tamlohi atu mata ima rÌilangi matan vara tea i sopo olo i rovo. 43 Pani pa captain mata tamlohi vuro atu matan mo opoia vara i juri na maurin Paul, mo horora vara la sopo vai na sava la hatihia moiso. Mo retileu mara la haratu la erÌi olo la kue narÌihi tiroma ale la olo sahe na jarauta, 44 ale sopera la pa lo hitahu, tea la pa keho hin te tavalu tapea teni te hinau i erÌi sale hin boti atu. Hin malele akerihi natu, tamlohi tari hin boti atu la jelu la sahe na jarauta hinia.