Acts 28

1 Kama hoso na jarauta mo rÌuhu moiso, kama pa levosahia vara kama lo toho na Ureuren Malta. 2 Tamlohin jara atu la rÌuhurÌuhu isamam hajavua, matan mo lo usa ale hamariri tavera. Ale la avulahi vara la lavi kamam, matan la polo na hapu tavera matea matan vara kama pa marijo hinia. 3 Paul mara mo rako na oti rangaranga hapu matea, ale mo lo taua na hapu, mata sasati matea mo malue matan hapu atu ale mo katoho na limana. 4 Tamlohin jara atu lara la hite maji atu mo lo keho na liman Paul, la lo vereverea isara lara, “Mo sopo te retiusia vara tamlohi akerihi enia tamlohi vili tamlohi matea teni mo vono, hina purongo vara mo juri na tasi, pani norÌa god harÌai sei Justice, mo sopo tinarÌihia vara i mauri." 5 Pani Paul mo pulapulahi narÌihi maji atu mo sivo na lolo hapu, ale mo sopo rongo i sati. 6 Pani la tamlohi atu la lo kilau vara epena la pa sosohi teni i pa jovi i mate vahatea. Ale la lo saovi mo peravu moiso ale lara la sopo hite te hinau i vaia, la posi na rÌomira lara enia god matea. 7 Ale rÌalihi hin jara atu lepa enia non patu tamlohi matan Malta, hijana Publius; ale enia mo avulahi hin kamam, mo lavi kamam mo lo kilau mamahuni kamam mata rani mo tolu. 8 Taman Publius mo rojo mo lo juruvi na vatana. Mo lo rongohaji na seserei peresi na jimajima. Paul mo unu mo sivo mo hitea, ale mo usiusi isana, moiso mo tau na limana hinia ale mo vai na nona rojoa la tihai. 9 Hinau atu mara mo masese mo isoiso, tamlohi matuvana hin ureure atu sei la rojo, enira sohena la mai isan Paul ale la mele rÌuhu. 10 Matan haratu, la sile kamam na hinau matuvana, ale kama lo tatamahu vara kama pa mele malue, la sile na hinau tari kama pa vejuveju hinira na boti. 11 Vitu mo tolu la vano moiso, kama pa mele malue sivo na tasi na boti tinapua matea matan Alexandria sei mo lo luhu hin ureure atu. Ale na patuna la tai na patu god mo rua sei la tovira ‘Havo Matan Tuka’. 12 Kama maro kama hoso Syracuse na ureuren Sicily, ale kama lo toho atu mata rani mo tolu. 13 Kama malue atu kama hapahapani kama vano na jara tinatinapua, ale kama sahe kama hoso Rhegium, ale mo mele rani sahe, langin tahuna mo sere, ale na harua rani kama hoso Puteoli. 14 Hin jara atu kama hite na vorai kalesia hai, ale la usi kamam vara kama pa toho peresira, ale kama lo toho atu mata rani mo limaravrua. Kama usuri na malele atu kama hahau kama sahe kama pala Rome. 15 Vorai kalesia rÌalihi hin jara atu lara la rongoa vara kama lo sahe Rome, la tai Rome la sinai vara la hite kamam. La jara atu la hahau matara la asau rÌove sohen na taon sei Forum matan Appius peresi Ima Mo Tolu atu mata tamlohi hahau. Paul mara mo hitera, mo vere meje isan God ale mo mele rÌilarÌilangi. 16 Kamara kama unu Rome, la tinarÌihia vara Paul i erÌi toho enia hasena peresi na tamlohi vuro matea mo lo kilaua. 17 Rani mo tolu la vano moiso, Paul mo tovi na tamlohi tavera nona Jew hin jara atu la mai jara matea. Lara la sakele matavuhi moiso, mo verea isara mara: “La vorai, hina purongo vara na sopo vai te hinau i sati isana norÌa tamlohi teni na posposi nona norÌa pua, la taurilatiau Jerusalem ale la tauau sohena tamlohi sasati matea na lima mara Rome. 18 Tamlohi tavera atu lara la kilau usuri na sava la tuvaiau hinira, la opoia vara la tinarÌihiau matan la sopo lavuti te hinau vara a pa mate matana. 19 Pani Jew lara la sopo avulahi hinia, mo vaiau na mele usia vara a pa turu na nahon supe matan Rome, mo sopo matan vara a pa tuvai na tahisaku hin te retireti. 20 Matan hinau atu natu, mo vaiau na opoia vara a hite kamim ale a retireti isamim. Matan enau na lo toho hin jen nike matan na lo tau na noku rasua hin rÌomtoho atu nona tavtavuin Israel matan Tamlohi Jujuri." 21 La rÌaramia lara, “Kama sopo lo lavi te leta Judea matam, teni te vorai atu mo sopo lo sinai nike vara i vere te hina sasati matam. 22 Pani kama opoia vara kama rongo na rÌomim hin rasua nike sei tamlohi na jara tari la lo verelejlejia." 23 La tau na rani matea vara la pa matavuhi peresia. Ale la mai na jara mo lo toho ea, enira vao tavera, mo tapulo na ralavuho mo tikeli na ravravi mo lo vere mamahunia, ale mo vereuli mauri atu God mo aulu hinia, ale mo vaihitea vara la tau na nora rasua hin Iesu hin na leu non Moses peresi na prÌovet. 24 Tatuara la rasu na sava mo lo verea, pani hai la rÌohu vara la rasua. 25 Ale la tapulo malmalue, matan rÌomira mo sopo matea. Hitahuna, Paul mo sile na isoiso reti isara mara, “Tanume Tapu mo verea mo tataholo mata nomim pua na sava sei prÌovet Isaiah mo verea mara: 26 ‘O vano isan la tamlohi nike, ale o verea vara, Ha pa rongoa vavano, pani ha sopo erÌi rongovosahia, ale ha pa lo kilaua vavano, pani ha sopo erÌi hitevosahia. 27 Matan mapun la tamlohi nike la mate, ale perora la sopo rongo, ale la pelati na matara moiso, matan vara la pa sopo kilau, ale perora la pa sopo rongo, ale mapura la pa sopo rongovosahi, vara i vono la pa posi ale a pa vai mamahunira.’ Isa 6.9â10 28 Matan haratu, ha lo levosahi mamahunia vara vavahinau sei God mo vaia mata juri na tamlohi, enia mo sohaia mo vano isana tamlohi rÌorÌoha: ale enira la tapurongo hinia!" 29 Paul mo lo toho atu mata tauni mo rua na ima matea mo pakaia, ale mo avulahi na tamlohi tari sei la lo mai isana. 31 Mo lo retivujavujangi mauri atu God mo aulu hinia, ale mo lo vujangi hin Moli Iesu KrÌisto mo sopo te matahu hinia, ale mo sopo tea i horoa.