Juan 19

1 Eni ga Jesús twara Pilatorë ba ëngkjwagaga kong, shpoya lÌok no shpokklÌo go wlÌo. 2 Eshko ga shkö sho ywara lÌok kjrina, beno pjlÌu dlÌu ioklÌo wlÌeni, ga iara lÌok ba dlÌu kjing go, ga kong shwong wlÌẽna lÌok kara pjlÌupga shwong wlÌeniyo ko dingding shwëshwë, ga pjuna lÌok ba do go. 3 E irgo ga jek lÌok ba zlÌong bäng, ga tjlÌẽ ba kong ga «¡Judío pjlÌuyo, pja pjlÌú, pja tjwlÌõ arae!» lÌe lÌok eni, ga shpokza lÌok pjök pjök ba kwomsoshko erä. 4 Eshko ga Pilato opshino tek kjoko iröng obi, ga tjlÌẽ lÌöng lÌi kong ga «Domer tek sör shäng ëre Ä©zÄ©a. Woydër ga miydëmi ga bor kong ga lÌlÌëye owa shäryara ber shdungko wlÌo drete» lÌe. 5 Jesús opshino tek shäng ba bokshto pjlÌu dlÌu ioklÌo ywak shkö sho go lÌi jong ba dlÌu kjing go, doyak shäng pjlÌupga shwong wlÌeniyo lÌi go bakoe. Eshko ga Pilato tjlÌẽ lÌöng lÌi kong ga «Domer shäng ëre Ä©zÄ©a» lÌe. 6 Ĩya syõshtaga kägäyoga, Sbö u dagagarë ga tjlÌẽ lÌok dbo go ga «¡Zrös pjang kjlÌös go! ¡Zrös pjang kjlÌös go!» lÌe lÌok eni. Kuya Pilatorë ga tjlÌẽ ba kong lÌok ga «SözÄ©, ga zrözÄ© pjãydë. Bor kong ga lÌlÌëye wlÌẽnor ber shdungko wlÌo drete» lÌe. 7 Kuya judío tjlÌapgaga lÌöng lÌirë ga tjlÌẽ ba kong ga «Domer kjwe tjlÌẽno ga “Tja Sbö Wa” lÌara eni. E kjÄ©shko ga borwa kjok lÌlÌgwekklÌo tak pjang lÌi tjlÌẽ ga e zrökko» lÌe. 8 Kuya ga bangkjrara ara jek këgong. 9 Eni ga jek opzrëno ba u roshko iröng obi, ga tjlÌẽ Jesús kong ga «¿Pja kjone so?» lÌe, gueniyo dboryara lÌlÌëme. 10 Eni kuzong ga tjlÌẽ ba kong obi ga «¿Tja dboryëp woydë lÌlÌëmde? Pja shäng bor wlÌoshko. Pja därde, de pja zrökoba pjang kjlÌös gore, e lÌaga tjarë. ¿E miydëp lÌlÌëmdo?» 11 «Dbo twara Sbörë bop kong lÌlÌëm kjwe ga tja shäng bop wlÌoshko lÌlÌëme. E kjÄ©shko ga bor twagaga bop kong lÌöng kjwe, e lÌlÌëbo owa shäryono kësbang, bop kjinmo» lÌe ba kong. 12 Eshko jek lÌëkong ga Pilato beno shäng lÌlÌëbo shäryë ara, Jesús döya wlÌo lÌe. Gueniyo ga judío tjlÌapgaga öö lÌe lÌok jek tjë jÄ©kong, tjlÌẽ ga «à pogo opyë sök pjlÌu ga e pjlÌu kësbangyo sök Roma kjokyo lÌi wlÌoyo. Eni ga domer kjwe rayëp jek to wlÌeni ga pja ba wlÌoyo bakoe» lÌe. 13 Kuya Pilatorë ga sirkeno sök no lÌlÌgwezlÌong sökklÌo jong lÌi kjing go, ga nopga ichara Jesús shik eshko. Shto eshko lÌi kowëba Töshko Shto Shäryak Buk Akkwo Go, arameo tjlÌõkwo go kowëba Gabatá. 14 Eshko ga öötong dlÌo dlÌuw, ga Israel tjëyoga döktong tek Egipto kjokyo dwayo dbaryo shrëkklÌo lÌi bong. Eshko dbaryo ga judíoga poshäryë, ba dbar lÌi shrëya lÌok wlÌo. Ga Pilato tjlÌẽ judío tjlÌapgaga kong ga «Bomi pjlÌuyo shäng kjwe Ä©zÄ©a» lÌe. 15 Kuya lÌok ga tjlÌẽ ba kong dbo go ga «¡Ichos jÅ©y dwayo! ¡Ichos jÅ©y dwayo! ¡Zrös pjang kjlÌös go!» lÌe. Eshko ga Pilato tjlÌẽ ba kong lÌok ga «¿Woydëmi ga bomi pjlÌuyo kjwe zrör pjang kjlÌös gore?» «Tjawa pjlÌuyo sök kjlÌaraso, pjlÌu kësbangyo sök Roma kjokyo lÌi e» lÌe. 16 Era eni ga Jesús twara Pilatorë ba ëngkjwagaga kong, lÌöya lÌok pjang kjlÌös go wlÌo, ga söra lÌok to ey dwayo. 17 Ga Jesús jek shäng ba tjok, ba kjlÌös lÌi söya pjang om go, ga öötong lÌöng kjokyo ko No Kä DboglÌo dlÌupyo, arameo tjlÌõkwo go ko Gólgota. 18 Eshko ga lÌöra lÌok pjang kjlÌös go. Nopga lÌöra lÌok kjlÌös go do pjök obi bakoe. KjlÌara pjang or këlÌë, kjlÌara pjang or milÌë, kjlÌösyo dboy dboye. 19 Pilato kjibokwo tono kjwara, ga iara lÌok Jesús lÌök pjangshko lÌi kopshko, e zröya lÌok lÌlÌë kjÄ©y miydëba wlÌo. Kjibokwo tak pjang lÌi tjlÌẽ ga «Domer ëre ko Jesús, Nazaret so. E judío pjlÌuyo.» 20 Ga jyãglÌo tak pjang kjibokwo go lÌi, e tak pjang arameo tjlÌõkwo go, latín tjlÌõkwo go, Grecia so tjlÌõkwo go bakoe. Ga kjibokwo lÌi lÌara judíoga ararë, kjok eshko lÌi buk Jerusalén kjokyo soshko kjÄ©shko. 21 Eni ga judío syõshtaga kägäyoga tjlÌẽ lÌok Pilato kong ga «Tëy kjweni lÌlÌëme. Tos “Domer ëre tjlÌẽ ga ‘Judío pjlÌuyo lÌi tja’ lÌe.” Tos eni dey» lÌe. 22 Kuya ga tjlÌẽ ba kong lÌok ga «LÌlÌëbo toror pjang pjir tjän. Ber pjang eni» lÌe. 23 Jesús lÌöra ëngkjwagagarë lÌok pjirshko ga ba shwong töna, ga pjlÌorgara kjringgwo pkëng (4) kjlÌara Ä© Ä©e. Ba shwong ro lÌëkong lÌi, e shäryak shwong karaso, sera ter jong lÌlÌöm lÌëkong dwayo äär jong dre lÌëkong. 24 E kjÄ©shko ga tjlÌẽ lÌok ëng kong ga «DwlÌëy lÌlÌëme. Shwong kjwe ber ë kong Ä©y wlÌo ga jyã shiy dey» lÌe, ga shäryara lÌok eni. Shäryono eni, Sbö tjlÌõkwo tak pjang lÌi ber jlÌõkoyo wlÌo. TjlÌẽno beno eni: «Bor shwong shdöra lÌok ëng kong, ga jyã shira lÌok, shwong lÌi ber ë kong Ä©ya wlÌo.» 25 Jesús kjlÌös jong lÌishko ga ba mekë shäng soshko, ba mewa shäng eshko bakoe. Cleofas boy ko María, María Magdala so, e lÌöng eshko ba tjok lÌok bakoe. 26 Ga ba mekë Ä©ya shäng ba oppingga woyde ara ba kjlÌara wlÌeni lÌi zlÌong bäng, ga tjlÌẽ ba mekë kong ga «WalÌë, bop wa shäng kjwey» lÌe ba kong, 27 ga tjlÌẽ ba oppingga lÌi kong ga «Bop mekë shäng kjwey» lÌe. Eni ga eshko jek lÌëkong ga Jesús mekë wlÌokjrara, ga söra beno sök ba ushko. 28 E irgo ga miyde Jesúsdë ga ba pak lÌi shäryara pjire. Eni ga Sbö tjlÌõkwo tak pjang lÌi ber jlÌõkoyo wlÌo ga tjlÌẽ ga «Tja wodogroe» lÌe. 29 Eshko ga di bapkwo jong kjwara, roshko kjilÌlÌgwo bo dyo shpoä. Ga lÌlÌëbo lÌlÌuklÌlÌuk di shak ara wlÌeniyo kjrara no shäng eshko lÌirë kjwara, pöra kjilÌlÌgwo bo dyo shpoä lÌi go, kjrochara pjang kjor dbo go, ga poyona jem, shuya Jesúsdë wlÌo lÌara. 30 Shura sira, ga tjlÌẽ ga «LÌlÌëbo uunkong lÌi shäryono pjire» lÌe. E irgo ga kä kjujono, ga wolÌonoe. 31 Eshko ga poshäryozlÌong dbaryo lÌi ey, ga woshtozlÌong dbaryo tjwlÌõ ara wlÌeniyo lÌi bong. E kjÄ©shko ga woyde judío tjlÌapgagarë ga shinmo doyo ber lÌok kjlÌös go äär jong bong jã lÌlÌëme. E kjÄ©shko ga rokara lÌok Pilato kong ga nopga iche ba kworbo tok, wolÌon malÌing wlÌo. E irgo ga woyde lÌok ga ba doyo lÌõya ter ba kjlÌös go dwayo jekdo. 32 Eni ga ëngkjwagaga jek lÌok domer lÌöra pjang bäm go Jesús zlÌong lÌi kworbo tok. E irgo ga ba kjlÌarayo lÌi kworbo tora bakoe. 33 Gueniyo jek äär Jesús pjang lÌishko ga Ä©ya lÌok ga wolÌono pjang tjän, ga kworbo tora lÌlÌëme. 34 Eshko ga ëngkjwaga kjlÌara, Jesús shorkekza lÌö kowo go ba pjlÌoksoshko. Wop eni lÌlÌëm ga srëng tek tur jong di tjok. 35 TjlÌõkwo ëre taga lÌi tja, ga lÌlÌëbo tër shäng ëre, e Ä©nor om go. Miydër ga tja tjlÌẽ beke. Ga lÌlÌëbo Ä©nor lÌi totë shäng bomi kong, jlÌõe lÌëmi wlÌo. 36 Shäryono eni, Sbö tjlÌõkwo tak pjang lÌi ber jlÌõkoyo wlÌo. TjlÌẽno beno eni: «Ba dboglÌo tar kjlÌara lÌlÌëme.» 37 Sbö tjlÌõkwo tak pjang kjrina obi. TjlÌẽno beno eni: «Shorkera pjus lÌi Ä©naba lÌok.» 38 Domer shäng kjlÌara ko José, e Arimatea so. E oppino ara Jesús tjok, gueniyo shäryara lÌÅ©tshko, judío tjlÌapgaga bangkjrara ara kjÄ©shko. Ga Jesús wolÌono irgo ga ba doyo rokara Pilato kong, ga «JölÌö» lÌe ba kong. Eni ga José öör ba dök, ga söra to ey dwayo. 39 Domer jëk shäng ba tjok kjlÌara obi ko Nicodemo. PjlÌara ga öör lÌan Jesús tjok shkë. Jek shäng José tjokshko ga dwlÌo poshtikklÌo shtiya lÌok shinmo doyo go an malÌing lÌlÌëm wlÌeniyo söra jek ba tjok kjring pjök kwing dunggwo kjwo sak kjäk kjingsho shkëng (75) dik. 40 E irgo ga José, Nicodemo, Jesús doyo söra lÌok, dwlÌo poshtikklÌo lÌi shtira shwong go, ga doyo lÌi popgara e go, judíoga sgara shinmo doyo jnek sorë ga eni. 41 Jesús zröraba pjang kjlÌös go lÌishko ga kjok dgak buk kjrina soshko, roshko sak buk kjrina, shinmo doyo iaydëba eshko lÌlÌëm obi. 42 Ga judíoga poshäryozlÌong dbaryo lÌi ey kuzong ga doyo lÌi iara beno buk sak lÌi roshko, buk soy kjÄ©shko.