Génesis 17

1 Abram lÌu pjlÌoglÌo sak shkaw kjingsho shkawshko (99) ga Jehová weno shäng ba kong, ga tjlÌẽ ba kong ga «Tja ëre Sbö, lÌlÌëye shäryër woydë lÌi shäryër ga pjlÌúe. Tja kolÌozong. Pja jëk pjlÌo bek bor bokso bakoe. 2 TjlÌõkwo twër bop kong, ber Ä©yado wlÌo, ga bop tjëyo tek ber bop irgo lÌi iër ber shdär träk lÌlÌëme» lÌe ba kong. 3 Kuya ga kjök tono, kjujono bokdo kjlÌay klÌung go. Eshko ga Sbö tjlÌẽ ba kong ga 4 «TjlÌõkwo twër bop kong, ber Ä©yado wlÌo lÌi eni: Pja ber tjëyoga ara data. 5 Ga eeri jek lÌëkong ga pja ko ber Abram ame. Pja ko ber Abraham shara, pja ioror beno tjëyoga ara data kjÄ©shko. 6 Bop tjëyo tek ber bop irgo lÌi iër ber shdär träk lÌlÌëme. E tjrëko pjlÌupga wen. Epga ber lÌöng tjëyoga oblÌë oblÌëe. 7 TjlÌõkwo ëre twër bop kong, bop tjëyo tek ber bop irgo lÌi kong bakoe. Tja bop Sbö Ä©yado, tja ber ba Sbö Ä©yado bakoe. 8 Pja sökshko lÌi ko Canaán. Pja kjok ëre so lÌlÌëm, gueniyo kjok buk kës ëre twër ber bop kong Ä©yado wlÌo, epga kong bakoe. Ga tja ber ba Sbö Ä©yado» lÌe. 9 Ga tjlÌẽ Abraham kong obi ga «TjlÌõkwo twër bop kong lÌi shäryos eni Ä©yado. Bop tjëyo tek ber bop irgo lÌi omshäryë eni bakoe. 10 TjlÌõkwo twër bop kong, ber Ä©yado wlÌo lÌi ber eni: Domerga lÌöng bomi tjok kjlÌobi lÌi ber lÌöng doyo jyã tak pjire. 11 Eni ga bomi chimkwo dbo kwota zëmi tas, e ber tjlÌõkwo ëre kjroromi jlÌõkoyo lÌi jyãglÌo. 12 Eeri jek lÌëkong ga chidaga domerga wen tjeng bomi tjrëko kjlÌobi lÌi äär dbar kjwongshko (8) ga doyo jyã tëmi pjir eni, bomi wapga, bomi parkagaga tjwlÌẽk lÌöng pjir wlÌeniyo lÌi wapga bakoe. Bomi parkagaga tjwlÌẽnomi shto oblÌë so kong lÌi doyo jyã tëmi pjir bakoe. Pjãy domerga doyo jyã të uunkong. Ba jyãglÌo ëre ber pjang bomi sho go Ä©yado, tjlÌõkwo tworor bomi kong lÌi dik. 14 Ãye doyo jyã të lÌlÌëm ga ber sök bomi tjok ga äe. Eni wlÌeni ga tjlÌõkwo tworor bomi kong lÌi shäryara lÌlÌëm kjÄ©shko ga ichozÄ© bomi shwoy dwayo» lÌe. 15 Eshko ga tjlÌẽ ba kong obi ga «Bop boy kjwe ko ber Saray ame. Eeri jek lÌëkong ga ko ber Sara shara. 16 LÌlÌëbo shäryër ber pjlÌú ba kong. Bop kong wa twër kjlÌara domer ba tjok. Sara, e ber tjëyoga ara mekë. Ba tjëyo tek ber ba irgo lÌi tjrëko pjlÌupga wen» lÌe. 17 Kuya ga kjök tono, kjujono bokdo kjlÌay klÌung go, ga jar jonge. WotjlÌÄ©k sök ga «¿Domer lÌuyo sak dbäw (100) ga data sorë? ¿E ga Sara lÌuyo sak shkaw (90) ga wa tjok sorë?» lÌe. 18 Eni ga tjlÌẽ Sbö kong ga «Rokër bop kong ga tjlÌõkwo tworop bor kong lÌi twos Ismael kong dey» lÌe. 19 Kuya ga tjlÌẽ ba kong ga «LÌlÌëme. LÌoror bop kong ga bop boy Sara, e lÌlÌono ga wa buk kjlÌara domer. E koiëp Isaac. TjlÌõkwo tworor bop kong, ber Ä©yado wlÌo lÌi shäryër ber ba kong, ber ba tjëyo tek ber ba irgo lÌi kong bakoe. 20 Pja syõshtë sök Ismael kjÄ©shko lÌi kuror, ga kjimtër bakoe. Ba tjëyo tek ber ba irgo lÌi iër ber shdär träk lÌlÌëme. Ga iër ber tjëyo kësbange. E tjrëko pjlÌupga wen doglÌo sak kjwara kjingsho pjök (12). 21 Gueniyo ga lÌu pjlÌara go ga pjãy wa buk kjlÌara domer ko Isaac. TjlÌõkwo tworor bop kong, ber Ä©yado wlÌo lÌi, e ber ba kong eröe» lÌe. 22 Sbö tjlÌẽno ba kong pjir ga opshino to ey dwayo. 23 E dbaryo ga domerga lÌöng ba ushko lÌi doyo jyã tara Abrahamdë uunkong, ba wa Ismael, ba parkagaga tjwlÌẽk lÌöng pjir wlÌeniyo weno tjeng ba ushko, ba parkagaga tjwlÌẽna shto oblÌë lÌi bakoe. Eshko ga Abraham lÌu pjlÌoglÌo sak shkaw kjingsho shkaw (99), ba wa Ismael lÌu pjlÌoglÌo sak kjwara kjingsho mya (13). Domerga lÌi doyo jyã tara uunkong, lÌara Sbörë ba kong sorë lÌi eni.